| 瀏覽人次 : 54917
回應 : 109
|
人性的本質不變定律
湯文亮博士
紀惠集團行政總裁
2015年9月15日
近期報紙經常出現一些公屋王報導，有公屋住戶以高價賣走公屋單位，利潤以倍數計算，教人羨慕不已，其實，這是一個非常錯誤的理念，公屋是董建華時代，希望全港市民都是業主的做法，變成好心做壞事，有些公屋住戶知道公屋有價值，不會打公屋主意，最普遍就是用公屋向財務公司借錢，雖然簽的是私人貸款，但如果唔還錢，財務公司都會迫屋主將公屋賣走，最後，本來有公屋住的住戶有機會淪落成為劏房戶，甚至是無家可歸的人，我相信這亦非董建華始料所及。
另外有一些公屋業主見價錢好，將自住的公屋賣走，並且向人炫耀，當初買入的時候只是十幾萬，現在幾百萬賣走，彷彿是一個成功的物業投資者，眼光非常準確，其實，他們應該知道，這是政府給他們的禮物，資金來源是全香港的納稅人，他們實在不應該將自住公屋單位賣走，有些公屋業主已經是上了年紀的人，他們的子女慫恿業主父母將公屋賣走，將資金給他們靈活運用，父母可以搬去與他們同住，講就容易，當父母在賣走公屋，將資金過妥給他們子女之後，莫講話搬去與子女同住，子女肯將他們送去老人院都算他們有孝心，最有可能的結果就是子女要求父母簽衰仔紙，由政府代納稅人供養。
其實，做父母的公屋業主又何需賣公屋，公屋有價有市隨時賣都可以，他們應該了解到將公屋賣走，分錢之後，他們的子女就會離去，如果唔分錢，子女們又日嘈夜嘈，唔賣就最好，有物業，他們的子女都會孝順一些，業主父母要明白，親生仔不如近身錢，有一層值幾百萬的公屋，他們的子女都會孝順一些，這是一條人性的本質不變定律，如果他們的子女不稀罕，恭喜晒。
|
|
|
|
|
|
|
|
|
|
| 1. Small Potato2015-09-15 08:52:43 |
|
笑左，估吾到博士都會有呢D睇法同體會！其實我睇法都係一樣，所以呢編文章，我好有同感而且非常同意。現今社會，養兒防老已經無乜可能， 真心孝順既或者吾攞番轉頭已經萬幸吧！老人家真係要keep 住D錢/ 物業，但講到點解D仔女一收到錢就變臉，呢樣野係咪父母都有D責任？！ |
|
|
現今社會崇尚西方自由民主思想，物質享樂主義，摒棄道德倫理觀念；自己父母都不顧，又點會著眼社會的利益? |
|
|
如果他們的子女不希罕，恭喜晒 ----- 說得很對 我老豆時常都說,好仔不論爺田地。佢當年都唔同其他房爭產。
不過....現實歸現實，呢d人.....近extinct 不過話時話, 有資產臨走前, 一定要立好遺囑, 免下一代.....反目成仇! |
|
|
《地藏經》: 若有眾生。不孝父母。或至殺害。當墮無間地獄。千萬億劫。求出無期。 |
| 7. Admin2015-09-15 09:38:19 |
|
回2,3樓, 文章已經修改,謝謝提點! |
| 8. 長俠，2015-09-15 10:21:45 |
|
博士真好嘢，親情、人性，講得入肉，親生子不如近身體錢，自住物業、勿輕易出售。 |
| 9. 西門吹雪2015-09-15 10:48:58 |
|
真的是這樣嗎? 我自問亦不是孝子，但亦未至於虎視父母既田地。相反，如果有能力都想父母住好D，略盡孝道。 如果真係博士咁講，而家D年輕人真的狼心狗肺... |
| 10. paul2015-09-15 10:50:08 |
|
totally agree |
| 11. 向饭民说不2015-09-15 11:30:20 |
|
9楼，公屋根本就是社会主义的产物。社会主义的核心就是不吃白不吃，大家都在想办法拿政府着数。无论是大陆的共产党，到加拿大，澳洲等福利国家，都系一样。
加拿大的老人大锅饭，实际上就是短命种+下一代的资源补贴现在的老人家开支。就是这样，还是支撑不了。社会主义只会越变越穷。最近去了加拿大一个星期，加拿大真系退步紧，反而香港进步了不小。 |
| 12. 美斯2015-09-15 11:43:36 |
|
全城大恐慌,今天很多報紙也說樓市急跌,很多業主接受議價空問至3%,並提及很多業主蝕讓,如樓神趙生的女兒買了個大埔單位,業主蝕議數佰萬,另有太古城燕宮閣低層業主大減價至1250萬,賣掉單位,但這個燕宮閣業主是賺大錢,傳統智慧告訴我們買舊樓和地點好的地方,永遠是最安全和保值,敬請買新樓的香港人,仔細研究上述兩宗成交,不要人買你買,損失金錢,因為涉及的樓價是400萬-500萬,對年輕人來說是一個很大的數目. |
| 13. Small Potato2015-09-15 12:28:24 |
|
Simon 兄，吾好以為做戲先有，我有D老一輩親戚，因為識字吾多亦無諗過'親人'會呃佢，就係咁比親人呃左D地 - 係地呀！再近期D現實D，最近滅門三父子，都係比'親戚'呃哂D財產，由先作故仔呃佢賣晒D物業變現，然後就係咁呃哂D錢，就即刻反面，你話拉本來大好有錢家庭，咁就比人呃到一無所有，最後走上絕路......所以親生人不如親近錢，係幾現實！ |
| 14. 西門吹雪2015-09-15 14:51:22 |
|
多謝小薯兄既良言。 看來我太天真了~以後小心D，唔可以亂信人。以前無比人呃過大數目，真係算好彩。幾舊水一借無回頭個D就算巴啦~~~ |
| 15. 小人物2015-09-15 17:21:28 |
|
我一想起董建華年代的"德政", 馬上無名火起. 他管治下的香港就是香港被週邊城市拉開距離的年代, 富有創意的發水樓也是他默許送給地產商使之和中產財富差距拉開的推手.
賣公屋比租戶, 即是變相以公帑幫人賺錢, 違背了幫助社會有需要的人的原意; 數碼港未經招標便進入李澤楷口袋; 什麼中藥港, 乜港物港, 最後只成空話; 為了快速增加大專學歷人口而造成副學士泡沫, 導致大專畢業生供過於求, 大學畢業生起薪點遠低於90年代;
相信當初如果由楊鐵樑或吳光正擔任特首, 香港可能會變得不一樣. 最起碼, 吳光正的公司不曾需要霍英東救濟, 也沒有被李嘉誠入股10%(東方海外曾比李嘉誠入股).
前陣子董建華出黎護航通過政改, 謂: "香港佔國家GDP已由回歸時的20%, 跌至今日僅佔3%, 若日後進一步下跌, 香港人應思考香港對中央來說有何存在意義", 昔日腳痛下台的誤港行政長官, 是否應該切腹謝罪?
|
| 16. 小人物2015-09-15 17:26:02 |
|
賣公屋者理應付100%利得稅, 出租者應該收80%物業稅, 享用政府的福利, 談不上賺錢 |
| 17. 最後上車機會2015-09-15 17:27:46 |
|
今次都唔買，味來30年都唔駛再買 |
| 18. 包租佬2015-09-15 17:55:17 |
|
TO:17樓, 30年後己經係一國一制啦！應該係三十年內慢慢放晒啲貨。夠錢就學博士咁藏富於外。 |
| 19. CD ROM2015-09-15 18:07:30 |
|
今日同群組好友討論最近樓價租價走向, 忽發奇想了一些, 將會影響未來樓價既投資者既性質: A) 任性投資者 其實就係底厚既投資者既好例子, 有足夠儲備過冬, 進可攻退可守, 不要說平賣, 平租都唔願, 寧願丟空, 呢種係底厚既任性~~~ 早兩日博士篇好友淡友, 我回覆醉兄呢種近附談戀愛既行為, 已經不入好淡之分了... 問題係呢類人佔大多數嗎??? 如果佔的比例大, 樓市基本上穩如泰山. 假如此segment人多, 我地將見持續好多轉賣為租, 咁就無有怕啦! 因為原來理性投資者並不多, 就算net result令租金下跌, 因為任性投資者充斥市場, 樓價跌幅並沒租金跌幅那麼大, 咁樣, 15%之內的跌幅可期. B) 理性投資者 引刀提及當樓價expectation轉向, 人既行為會轉向, 剛需就會轉向! 呢樣野我同樣同意, 不過發生係另一個segment度. 呢種係理性投資者, 隨時變好友變淡友, 甚至因樓價租金下行而要被迫焗賣(止賺). 同樣地, 呢類人又佔市場持分者幾多比例呢? 提出一個例子. 我買了新樓樓花, 舊樓一直未賣住緊, 樓價一路升, 租金一路升, 我直頭比DSD keep住佢啦!!! 但到左呢一刻, 氣氛一轉, 收到既還價越來越底, 租金又跌到負現金流, 呢個時候好多人都唔夠實力去任性唔止賺(係割價止賺, 唔係蝕讓ar)啦. C) 自住投資者 反而得一層自住既, 我就一直覺得要震佢地出來唔易. 就算接火棒, 剛上車, 上緊3-400萬會咪最多供緊萬5左右, 邊有咁容易斷供??? 呢類人自己唔掂, 家人都會出手的~~~ 8,90後, 一般父母果底都少少厚. 呢個point, 我一直同意亮劍! 至於一層自住又供左好多年的話, 就更加驚就快車位月租貴過供樓好過啦~~~~ |
| 20. 引刀一快2015-09-15 18:20:09 |
|
|
| 21. 惜緣2015-09-15 18:46:46 |
|
|
| 22. 打工仔 Andy2015-09-15 21:59:28 |
|
CD兄
你從一個全新既角度分析物業持有者, 的確值得思考思考! 好野!
共思考之 |
| 23. 路人甲乙丙2015-09-15 22:23:15 |
|
其實人類係好奇怪的動物。當樓市係咁升，升到價格勁貴既，層樓根本吾值既時候，反而個個搶住買。吾理有冇需要，有冇能力都照買。當樓價下跌，Ｄ單位平到爆既時候，反而無人識入貨，個個話睇定Ｄ。冇壓力，冇經濟問題都會賣左層樓。 |
| 24. 路人甲乙丙2015-09-15 22:29:18 |
|
還記得03年去睇樓，經紀當你神咁拜。幾十萬買２房單位。同家人講買左樓，嚇到佢地面容失色，差Ｄ段絶家人關係。估吾到十幾年之後，香港人都忘記了。 |
| 25. 收買佬2015-09-16 00:37:00 |
|
年頭覺得今年似95/96(宏觀調控後的滯升歲月) , 點知以家已經有人話似97了。世事，真的快過你預期。就算有準備，有時都會 hi 嘢。 |
| 26. 大寶二寶2015-09-16 02:26:20 |
|
回19 CD ROM 兄
剛剛才有時間靜下來思考你嘅留言，比個like 你先。
刻下夜观星象，忽然間諗到係咪應該有第四類投資者:
D) 賭博型投資者
有一類無視樓價高企，爆褒風險，投資回報率低，但仍然勇於入市，諗住樓市只會升不會跌，短時間賺佢二、三成就走人。
亦有一批向下炒的自住业主，賣咗自住樓搏佢下跌二、三成再上車，其實都係賭博投資也。
共思考之，哈哈！
|
| 27. 引刀一快2015-09-16 03:49:14 |
|
“ 他們的子女慫恿業主父母將公屋賣走，將資金給他們靈活運用，父母可以搬去與他們同住，”
賣走仔女自己嘅屋，搬去同老竇老母住公屋，先係正道，咁賣樓嘅錢，佢地自由發揮，亦係合理。一家便宜兩家著，老人家有後生伺侯。
仔女孝順唔孝順，係命水，有好多時上一輩人恪守孝道，但係下一輩人就乜都學唔到，所謂簷前滴水，往往係美麗而怡樂嘅良好憧憬啫。 |
| 28. CD ROM2015-09-16 14:58:36 |
|
刀兄, 咪寸我啦！
大寶兄, 你咁欺文gae??? 我叫開佢地做賭仔wor~~~ |
| 29. 自我陶醉2015-09-16 17:31:32 |
|
To 26/F 孖寶兄
點解賣自住樓一定係賭博？ 以下情況， 你又認為賣是賭博還是不賣是賭博：
某君知道經濟已開始轉差， 份工現在危危乎， 層樓兩年前買， 有排都未供完， 首期仲有一成係問親戚借， 請問佢應該保住層樓， 定保住啲本？ 如果佢選擇保住啲本， 又算唔算係賭博？
其實每個人都係因應自己情況做投資決定， 賣同唔賣其實都係賭博， 賣就博跌， 唔賣就博唔跌， 有咩問題呢？
|
| 30. 大寶二寶2015-09-16 17:58:15 |
|
回29 自醉兄
你講嘅例子當然唔係賭博喇，係生活迫人，逼於無奈要賣樓, 同我講嘅係冇衝突，兩回事。我咪講咗某部份人賣樓係純粹真係向下炒，搏跌買番賺到盡，唔係因為經濟同有需要嘅原因，相信你都唔會否定有呢D人存在, 應該仲係好多添。我身边朋友都有唔小呢類人。
唔知係咪我呢排少講嘢令到文筆差咗？好似好多網友都唔明我講咩嘢咁?
共勉之，哈哈！ |
| 31. Oscar Lam2015-09-16 18:18:35 |
|
|
| 32. 大寶二寶2015-09-16 18:27:06 |
|
回Oscar 兄
如果賣埋樓都唔夠填數就可能會㗎，生活迫人呀！ |
| 33. Oscar Lam2015-09-16 19:12:40 |
|
大寶兄，
這就對啦！以後多些上來講嘢。這樣，大家就不會誤會你了。
共講之，哈哈！ |
| 34. 引刀一快2015-09-16 20:02:10 |
|
To 30樓 大寶二寶兄
自我陶醉兄所提出嘅例子，絕對唔係已經發展到生活逼人，當中有個時間差，若然真係等到已經唔掂先至肯賣屋，咁佢就肯賣都唔掂，點解你一定明白，唔駛我慢慢解釋。
同樣，買樓係一個决定，有人出于安居樂業，亦有人出于估計未來會升會賺大錢，尤其有自住物業者爲甚，搏升賣番一樣想賺到盡。既然兄台覺得向下炒唔抵可憐，係咪大家亦要同樣對待向上炒嘅人？
|
| 35. 自我陶醉2015-09-16 21:03:10 |
|
孖寶兄，
當每個人買第一個自住物業時， 他們就要評估買樓和租樓那個方案的經濟效益較大，並且按個人能力、市況等因素做一個投資決定，既然是投資， 賺蝕都有可能， 不買的風險是面對加租， 買的風險是面對失業或經濟逆轉無力供款，如果要冒風險就是賭博， 那麼不管決定買與不買時， 已是一場賭博了， 點會只係賣才是賭博？
正如引刀兄所講，小弟的例子是那人對未來狀況的一個評估而作的決定， 如果不是因為經濟原因， 他也可以是因為太太懷孕，襯市況還好先賣掉房子， 待樓價回落買大一點來改善生活， 人之常情吧！ 如果他現在不賣， 市況真的轉差， 他便可能因賣不出去而無法換樓了，當然， 他也可能因為樓價不回落而蒙受損失，所以賣與不賣都同樣有風險。這些都是所有投資決定同樣會面對的風險， 那又何必執著賣自住樓是否賭博呢！ |
| 36. 歷史長河2015-09-16 21:52:24 |
|
陶醉兄，你提出的兩個例子，如不是賭博，也只能算是投機，談不上投資。投資要有長線眼光，把資產當資源看。如投資股票，非着眼於股價之升跌，而是著重於公司經營之好壞。如投資房產，非着眼短線之升跌，而是把它當成稀有資產所擁有。關於這點，珍惜香港兄的「資源論」講得非常精辟獨到。
曾有公司同事問我退休需要多少錢？我的答案是：不能用$來量化，因為未來通漲未知，金錢的購買力也未知。不過可以用物業數目來量化。只需知道現在住在私樓人口的平均收入$X以及你的消費是它的Y倍。那麼只要你所擁有之物業每月租金淨收入達到$X*Y 就夠了。其他所做的就是到退休時，full pay Y個物業之按揭勿需理會樓價升跌，因為升跌會反映到你的消費上。 當然這裡的假設是上述人口之收入會隨通漲走，然後反映到樓價上。 小小分享，敬請指教！ |
| 37. 打工仔 Andy2015-09-16 22:04:46 |
|
自醉兄
其實人生已經是一場賭博, 好命的, 出世就有父母安排一切, 唔好命的未讀書就要出來捱世界, 仲要上車都要靠自己呀! 真係想唔博都唔得呀! 哈哈哈!
共博之
|
| 38. 打工仔 Andy2015-09-16 22:09:24 |
|
孖寶兄 你真係要多d出來寫下野, 唔只掛住跑步呀! 哈哈! |
| 39. 打工仔 Andy2015-09-16 22:17:56 |
|
Oscar兄
如果真係有人借到盡來上車, 樓市回少少都唔掂, 真係慘過火坑! 講下笑! |
| 40. 大寶二寶2015-09-16 22:53:01 |
|
回34 刀兄
点解刀兄覺得我厚此薄彼？善待向上炒炒家？
想當年小弟九一年上車時都係炒家充斥市埸，追價追到氣咳，也深受炒家之害。只不過自從有咗三辣椒之後，市場上已冇向上炒炒家，再講炒家也是多餘。向下炒嘅呢幾年都已被市場懲罰夠了, 也不想提。只不過當CD ROM 兄提出新嘅投資者分類思維，又令我想起好像遺漏咗以前呢類為數不少嘅炒家投資者，所以我搭搭嘴啫。刀兄無需咁大反應, 覺得我偏袒某方。
共免之，哈哈！ |
| 41. Oscar Lam2015-09-16 23:07:21 |
|
長河兄，
投機和投資在法律上雖然沒有定義，但我們可以參考稅務局對於二者定義的指引。投機指在買入資產（如物業、股票）後短期內（如一年內）沽出資產以取得資產增值。投資則指買入資產後長期（如超過三年）持有，充份利用該資產取得回報及增值。
也就是說二者的目的相同，即資產上的回報。分別只是在於持有資產的時間長短。 |
| 42. 歷史長河2015-09-16 23:15:10 |
|
Oscar 兄，看來短線/長線確實是衡量投機/投資的一個考量。 |
| 43. 自我陶醉2015-09-16 23:18:39 |
|
打工仔兄，
非常同意， 人生如賭博， 做什麼決定都會有風險， 問題只係頂唔頂得順。
歷史長河兄
你認為投資時間短就是投機， 那麼如果那人已買了那物業十年又如何，在同樣的情況， 有着同樣的考慮就不算投機？ 那麼是否那人要冒著失業的風險還繼續持有， 與其自住樓共存亡才不算是投機？
小弟認為真正的投資，是要先評估所有的投資機會， 在合理和風險可控的情況下， 為資金選擇最合理回報的項目， 而且投資人必須了解所持資產的合理價值與市場價格的差距，因為這個是重要的風險指標。 那些對自己的資產合理價值一無所知，只是盲目相信任何一類資產的人，在我看來，根本就說不上是個投資者。
世上根本沒有絕對安全的資產，遠遠超離合理值的就不是安全資產了， 在90年代以前， 相信沒有日本人會想過房產不是好投資， 結果又是什麼，有空不妨看看以下連結， 參考下日本人的慘痛經歷：
泡沫破裂后你就买得起房了吗？先看看日本平民的惨痛教训 http://mp.weixin.qq.com/s?__biz=MjM5OTc2NzA2MQ==&mid=208722366&idx=1&sn=00cba527c43574c942b512644b984568&scene=1
雖然樓市何時轉向沒有人會知， 但我認為那些繼續持有遠超合理值物業，而仍然期望它能升得比現在更不合理的人， 才是真正的投機者， 而且是非常貪婪的投機者。歷史是會不斷重演的， 只是發生在不同時空， 不同地點。 原因係人類的貪婪和恐懼千百年來一直都沒有改變過。
|
| 44. Oscar Lam2015-09-16 23:19:13 |
|
公司經菅的好壞、資產的稀有最終也是反映在資產的價格上。這些同樣是投機者和投資者追求的目標，分別的只是手段不同而已。 |
| 45. 打工仔 Andy2015-09-16 23:28:33 |
|
|
| 46. 打工仔 Andy2015-09-16 23:30:26 |
|
|
| 47. 大寶二寶2015-09-16 23:32:07 |
|
回35 自醉兄
小弟無意在此討論賣掉自住樓的行為是否合理，是否投資，賭博，投机，抑或生活迫人，因相信討論到天光都唔會有相方同意嘅答案。小弟只想指出以下幾点： 1. 市場上有一個名詞叫“向下炒“ 2. 普遍解釋係預期樓價會下跌，所以先賣掉寄望以後可以六、七折買回 3. 呢個sector 嘅人數為數不少
相信自醉兄應該同意以上幾点。呢類“投資者“係無法歸類落CD ROM 兄個三類投資者上面。所以我開多一個投資分類使到佢嘅分類更全面，更完整。同一道理，盲目嘅短線大好友都係屬於賭博，都係歸類於此。
正如我開頭所講，同唔同意佢地做法又係另外一個議題。相信日後還有大把機會討論。
共論之，哈哈！ |
| 48. 歷史長河2015-09-16 23:33:02 |
|
可能我表達不夠清晰。投機與投資的區別在於做決定時考慮的投資期是長或短。比如你覺得樓價一二年內會跌（漲），所以現在要賣（買）以便二年後低價買入（高價賣出），小弟覺得這就是投機。當然如果覺得供樓有困難或其他家庭原因要賣樓，不算投機。 其實可以仔細考慮一下我給出的例子，小弟覺得那是投資人應有的思路。事實是小弟真的從來未考慮過升跌，一直向Y邁進。 |
| 50. 打工仔 Andy2015-09-16 23:46:40 |
|
歷史長河兄
小弟的經歷有少許似你, 以前後生果時搞什麼外匯, 什麼什麼投資, 其實全部都是想揾快錢! 絕對投機也! 轉來轉去得個吉! 後來看看一些身邊的人, 才知道, 只有長線持有物業才是王道! 於是, 數年前開始唔理升定跌, 只管買買買............! 全部作長缐收租, 希望日後可以安安樂樂地退休! |
| 51. 歷史長河2015-09-17 00:17:11 |
|
打工仔兄，你會發現最終跑贏的是你！ |
| 52. Jerry2015-09-17 00:29:24 |
|
長河兄，
投資和投機其實也不過是為了賺錢，對嗎？
你投資成功便覺得投機不好；相反，別人投機成功了，也覺得長線投資不可行。＾＾
過去十二年，香港樓市長升長有，你當然覺得長線投資好。但如果香港好似日本咁，迷失XX年，樓價跌左唔知幾多，你仲會覺得長線投資好？ （利申：我對香港前景樂觀）唔好講日本，97買港樓既人，如果一直持有物業，現家應該大部分賺幾成。但如果計算埋利息呢？真係長線必賺？長線都是睇你係咩位入貨，用咩成本？如果現家你一個物業都無，你會入市嗎？ 花無百日紅，香港樓市過去好消息盡出，低息、低供應量、低失業率、低負債、同胞們同你鬥搶貨等。但這些利好因素都正逐步改變中。
老實說：樓升樓跌我都開心，可以增持、減持或換貨。（小弟一直唔明，一個真正既長線投資者，其實應該係更希望樓跌，係人都想買平貨）其實投機者也是如此
小弟既投資也投機＾＾分散風險！
|
| 53. Jerry2015-09-17 00:43:56 |
|
長河兄，
哈哈，有SSD後，買樓既人應該都係投資者＾＾
其實我係支持係低位入貨，做長線收租佬既策略。簡單、容易、回報不俗＾＾ |
| 54. 歷史長河2015-09-17 01:05:34 |
|
Jerry兄,其實你講的和我說的并不矛盾，不過是另一話題-關於投資決定的話題。當然投資者並非意味着係盲好，只是要睇大勢，放長線。 |
| 56. 大寶二寶2015-09-17 01:11:37 |
|
Jerry 兄
投机同投資無錯都係為咗賺錢。兩種方法都有人賺錢同輸錢。在我看來兩者最主要的分別在於贏錢的“或然率“(probability) 同長揸的賺錢能力(Earning power)。
1. 投資應比投机贏錢或然率為高 2. 長揸投資項目應比投机項目賺錢或然率為高
由於係或然率，所以亦有投机嘅回報(absolute amount) 係高於投資, 正所謂，高風險，高回報，所以使得人們仍樂此不彼追尋投机机會。很有趣。
共投之，哈哈！
|
| 57. Joe2015-09-17 01:45:39 |
|
不明白為何要把買賣樓宇這經濟活動硬分為投機或投資，或將短期揸樓就說是投機、長期揸樓就是投資，又或以買賣時的目的來區分....
其實，時間的長短根本冇準則去界定，至於當初買入時的目的，亦可能因市場的突變而有180度轉變，假設A君剛剛買入一個單位，作長線投資，B君有一個已揸了十年的單位，但若市場突然有不利因素，令他們都立刻出售手上物業，但我們就此而區別A君是投機者、B君是投資者嗎? 如果中間又有一個C君有以上相同情況，揸了兩年多又因那不利因素賣出，又怎區別? 又或是三人都因不利因素作出放賣行為，無視揸樓長短，而全是投機者?
計我話，投機只是一個概念，在經濟活動中，投機/投資並冇分別。
|
| 58. 打工仔 Andy2015-09-17 07:28:04 |
|
|
| 59. 打工仔 Andy2015-09-17 07:32:42 |
|
Jerry,
我覺得個人心態好有決定性! 心態化作行動, 長揸或短炒是心態! |
| 60. 歷史長河2015-09-17 08:29:32 |
|
Brother Joe, 小弟以為要睇他們賣樓之動機及所考慮的因素。投資者考慮的是基本面及長遠走勢，這些因素是很難短時間內有180度轉變的。所以ABC君應該或多或少都有投機心理。
孖寶兄所指是結果，小弟也認同。 |
| 61. 自我陶醉2015-09-17 08:48:34 |
|
其實小弟基本上同意各位所講，投資時間的長短， 可以粗略介定那人是屬於投資者或投機者， 但更重要的區別是他們的投資模式和入市價位選擇上的分別。
專業的投資者一般都是貴精不貴多的， 他們很有耐性， 只會待市場有超值貨才會入市， 待市價大幅高於合理價才考慮沽出， 由於他們的入市價低， 所以一般的短期市場波動， 根本不會對他們的利潤造成很大影響， 持貨能耐因此更強。
專業的投機者， 他們的策略是密食當三番， 他們不會理會什麼是合理價， 他們看的只是價位和市場動力， 有利可圖的話， 什麼價都會入市， 由於他們在高位也會買貨， 持貨風險高， 所有專業投機者，都有一套止賺止蝕策略， 當市況逆轉時， 到止蝕價便會沽， 因為他們考慮的主要是價位和動力， 當政府推SSD, 即時增加他們持貨風險和交易成本，降低他們的投機靈活性， 所以令他們無利可圖， 被迫離場。
因此， 我不認為所有沽自住樓的人都是投機者， 如果他們當自住樓是一項投資， 而又能做到做到以上所說專業投資者的要點，並為資金找到回報更佳的投資項目， 想好沽樓的風險和game plan才行動, 不會見價升了便恐慌地在高位追貨， 那些已經是非常專業自信的投資者了。 |
| 62. 收買佬2015-09-17 09:09:29 |
|
自我陶醉兄，你中晒point。林一鳴先生同阿博士年初的互片，源於因為前者是職業投機者，後者係專業投資者。兩邊都啱，只係個standpoint不同引致分歧罷了。 |
| 63. 打工仔 Andy2015-09-17 09:26:06 |
|
|
| 64. 自我陶醉2015-09-17 09:31:34 |
|
...續61樓
至於什麼是賭博呢？ 就是未經過審慎考慮，希望透過某些行為或決定， 再加上自己的運氣， 為自己帶來得益， 那些便是賭博， 他們沒有價位概念， 沒有止賺止蝕策略， 有的只是運氣， 但未到最後， 都不知是好運， 還是衰運。
同樣，每天都在這裡說什麼價都可以買， 沒錢的話， 計掂條數，借到盡都可以買的人， 他們怎麼會是投資者？ 如果不是盲好， 便是另有目的， 或九成同你有仇了。
|
| 65. 引刀一快2015-09-17 10:07:14 |
|
To 40樓 大寶二寶兄
唔好誤會，我唔係反應大，最近我懶咗，偶然勤力D，可能俾人一個反應大嘅錯覺。 兄台話過對賣自住向下炒嘅租客唔會手軟，我話支持，因爲佢地賺大錢亦唔會感激收租佬，記得乎？同理，賣貨俾有已經自住樓嘅人，亦冇必要收順D，總之買賣一般都係從利益出發，我係咁解啫。 |
| 66. 大寶二寶2015-09-17 10:51:35 |
|
回刀兄
依家市場都冇炒家，就算有，以小弟咁底微，边有力量同佢地鬥？ 至於对於向下炒嘅租客，绝不手軟嘅意思都係收市值租啫，唔好諗多呀。
共勉之，哈哈！
|
| 67. 引刀一快2015-09-17 10:59:43 |
|
To 36樓 歷史長河兄
我插插嘴，回應你呢段。 物以類聚，人以群分，好多時真係好反映事實，珍惜香港兄嘅資源論正係自我陶醉兄同小弟所不認同嘅論調，呵呵。簡單嚟講，資源要透過種種程序、步驟進入市場先會實現同發揮價值，由于各種因素交互作用，令至價值出現放大或折扣。世界上嘅資源多到無法統計，為咩依傢個世界苙笠亂？
至于兄台提出幾多錢退休嘅方程式，本來我睇法長篇大論，懶咗依傢精簡講一點，就係你呢個Y factor，“full pay Y個物業之按揭勿需理會樓價升跌，”， 要喺合理退休期待年齡前達成Y個full pay物業，樓價升跌至關重要！達成后，租金回報律變化就直接影響你生活質素。 Y ，表面上只係一個factor，其實係包含咗一個暗示，Y大于1，并且必須遠大於2。90年代嘅日本人，因爲盲目入市，唔少係Y小于1，近日入市買屋嘅香港人亦有機會一世都係Y≤1.
|
| 68. 歷史長河2015-09-17 11:51:11 |
|
刀兄，等你長篇大論小弟再來回應。Y當然要大於1！租金回報律變化不會對生活質素有大影響，因為租金升你的消費也升，反之亦然。 另外小弟以為刀兄是投資者，只不過是長期睇淡而已。呵呵 |
| 69. 珍惜香港2015-09-17 11:54:59 |
|
【珍惜香港】記得談論 「投資、投機」呢個 TOPIC，已經好幾次，而每次我都有擺埋投資定義條 WIKI LINK 出嚟，但唔知點解，呢度竟然冇一個留言者，講得出重點。或者，我應該連個 WIKI 內容，都抄埋出嚟啦： 「投資、投機及賭博的不同：
．持有投資目標的的期間不同：投資最長，投機次之，賭博幾乎不持有。
．分析的程度不同：投資所做分析最完整，投機大部份是小道消息，賭博靠運氣。
．獲利的成份不同：投資會有孳息，其他兩項則只會出現一次。
．結果的出現時間：投資需要一定投資期間，投機期間很短，賭博幾乎是立即。」而仲有另一句更重要嘅喺： 「事實上，根據效率市場假說，即使針對股市資料來完整分析者，也不算是理性。依此定義延伸下去，所有自以為理性的股權持有者，也不能視為投資者，而是投機者。」所以， 我嘅投資定義，喺完全符合上面嘅表述： 真正嘅投資，喺增持有價值之物，同沽走即將喪失價值之物。而最重要，就喺持有果一段時間內，必須充分行使投資物嘅價值，以帶嚟最大嘅利益。投資，要有孳息，呢個就喺關鍵，而投機、賭博，唔喺冇，但只會出現一次，點解？因為只有「沽」果一刻先至會出現囉！唉！我已經劃埋出腸啦，各位唔喺仲未明掛？ 或者大家會問：車！使唔使咁「學術」？ 王弼話齋，賺到錢咪得囉！ 此言差矣！我喺 非常重視呢個咁「學術」嘅定義，點解？因為我地做任何事情，都要有清晰嘅目標同方向，如果你唔知道自己做緊啲乜，或者搞錯咗自己個 心態嘅話，風險就會好大。 好多投資者，都喺一個投資、投機嘅 MIX。就以物業為例， 物業投資者，喺以收租為主，一個「純」物業投資者，對樓價嘅敏感度好低，入貨之後，喺唔會成日睇住個市，只要有租收，懶理你升升跌跌。 至於， 物業投機者，就喺以賺價為主，對樓價嘅敏感度好高，入貨之後，會成日留意住個市，睇下幾時可以高沽。一個「純」物業投機者，喺抗拒收租， 甚至會將物業空置，因為佢地認為，租約啲咁嘢，只會鎖住個物業，令佢地錯失高沽嘅時機。 物業投資者，同物業投機者，心態同行為上喺截然不同。市場上，物業持份者，投資、投機成份嘅相對比重，對整個樓市嘅走勢，以及面對經濟環境轉變嘅反應， 喺有決定性嘅影響。 所以，唔了解香港樓市， 深層嘅投資、投機性，以致睇錯市嘅，就唔好成日話啲乜乜指數造假啦！ |
| 70. 歷史長河2015-09-17 12:11:17 |
|
多謝珍港兄分享。小弟自認投資者，不過也會關注樓市走勢，主要關係到再融資能力！
謝謝分享，非常精彩！ |
| 71. 打工仔 Andy2015-09-17 12:41:00 |
|
|
| 72. to 69/F2015-09-17 12:57:54 |
|
Well said. Intention is deciding. |
| 73. Oscar Lam2015-09-17 14:10:59 |
|
投資或者投機，沒有好坏之分，最主要看個人性格和喜好。
觀乎市場上成功的物業投資者，大多数以長揸为主，再配合適當的時機增持優質物業，或者以蓬三退一沽出相对次级的物業。以達至投資上的最高回報。 |
| 74. 引刀一快2015-09-17 14:20:43 |
|
To 68 樓 歷史長河兄
睇嚟兄台嘅Y唔止大于1，應該大到感受唔到市場波動。 引刀近年睇淡，其中一個原因係因爲發現收入与消費，并非兩個同步正弦波。 |
| 75. 歷史長河2015-09-17 14:42:47 |
|
刀兄，應該係反手上弦波。 唔好懶，力不到不為財。等你大作！ |
| 76. 大寶二寶2015-09-17 15:05:16 |
|
珍兄所言甚是。
不過作為長線投資者，我覺得都要時刻留意市況： 1. 睇吓自己所投資產品嘅表現，有冇買錯貨, 會唔會賺息蝕價等 2. 好同劣嘅投資都係相对性，如果唔熟悉自己投資產品市場價格，就比較唔到市場上有冇其他更好嘅投資產品
至於我嘅第四種投資者分類名稱，"賭博型投資者"。其實名稱唔重要，可以改做“投机型投資者“又得，或叫“另類投資者“都得………… 我只係想帶出市場上有呢類型嘅人，好使CD ROM 兄嘅分類更完整，冇遺漏啫。
共勉之，哈哈！ |
| 77. 引刀一快2015-09-17 15:12:42 |
|
我先嚟回應一下珍惜香港兄先。
“「投資、投機及賭博的不同： ．1，持有投資目標的的期間不同：投資最長，投機次之，賭博幾乎不持有。
．2，分析的程度不同：投資所做分析最完整，投機大部份是小道消息，賭博靠運氣。
．3，獲利的成份不同：投資會有孳息，其他兩項則只會出現一次。
．4，結果的出現時間：投資需要一定投資期間，投機期間很短，賭博幾乎是立即。」”
第1、2、4點基本上祇係講緊同一樣嘢，就係對項目認真程度嘅排比，加入賭博一項純係導引投機同賭博嘅聯想，并無多大實質意義。其實投資投機呢兩樣嘢非常個人化，只要清楚并選擇自己最擅長方式爲之，全部都係投資！目標為個人利益最大化。 多數人係俾短平快嘅利益吸引，做咗唔合適嘅决定，然而真正有短平快技能嘅人喺社會上，并不多見，若然逼呢D有短平快技能嘅人做中長綫，對佢地係折磨。從才能、資本、時間成本等多方考量，短平快先至係佢地嘅“投資”。 至于第3點，其實投資投機有否孳息亦非必然，簡而言之，若果樓市低迷有廉價地皮賣，係咪應該等價到再起樓有著數？咁買塊地皮晒太陽有孳息嗎？
|
| 78. 引刀一快2015-09-17 15:17:50 |
|
|
| 79. 引刀一快2015-09-17 15:25:04 |
|
補多句，依傢D短綫理財産品，係咪短綫兼有孳息？ |
| 80. 歷史長河2015-09-17 16:10:47 |
|
刀兄，係Topspin. |
| 81. 引刀一快2015-09-17 16:21:39 |
|
|
| 82. 歷史長河2015-09-17 16:23:23 |
|
刀兄，還收徒弟否？小弟有興趣 |
| 83. 自我陶醉2015-09-17 16:23:30 |
|
如果用珍兄嘅定義， 既然賭徒係傾向唔持有， 完全證明所有買了自住樓住咗十年八載， 由買入第一日已經將層樓用到盡兼買出時賺到盡嘅人個個都唔會係賭徒喎! 年期夠長， 買入時又係為自用，又唔洗理咩價買。仲唔係投資者?
至於對投機定義， 閣下所講靠聽小道消息炒作嘅投機者，可能係最低層次投機者， 而且係食物鏈嘅最低層， 即係等畀人食。 成功投機者的最低要求， 起碼要對市況有點認識和看法，在股場， 我反而覺得有不少賭徒是利用所謂消息碰運氣。
回 76樓 孖寶兄， 個人認為定期留意同檢討自己投資組合， 才是應有的投資態度。
|
| 84. 歷史長河2015-09-17 16:26:54 |
|
刀兄，唔好意思，我以為你講緊網球。小弟前陣子看US Open 看多了。 |
| 85. 引刀一快2015-09-17 16:38:12 |
|
To 83樓 自我陶醉兄
“靠聽小道消息炒作嘅投機者”，我覺得大致上可以定義為賭博了，連內幕消息都唔係鋪鋪得，何况係小道消息。即係買信買唔信。
睇嚟，投資投機兩詞間嘅褒貶之差，相當左右珍港兄思維。 |
| 86. 引刀一快2015-09-17 16:52:26 |
|
To 82樓 歷史長河兄
喺呢個論壇，引刀邊有資格收徒弟，淨係118果舖都俾人笑到面黃喇。
好明顯，歷史長河兄係Y=恆河沙嘅長輩，用咁平和嘅態度對待後輩，引刀已感萬幸。 |
| 87. 歷史長河2015-09-17 17:07:05 |
|
刀兄，唔好寸我吖。你都養貓養狗了，小弟每日勒緊褲帶度日。 |
| 88. 引刀一快2015-09-17 17:41:33 |
|
歷史長河兄
街邊好多乞衣、道友都養狗喇，係有錢佬先咁有閑情逸致减肥啫。 |
| 89. 歷史長河2015-09-17 17:45:45 |
|
刀兄，深圳房子唔係用來養貓狗咩？ |
| 90. 引刀一快2015-09-17 18:36:53 |
|
何來深圳房子？你將我同某財主混淆了 |
| 91. 歷史長河2015-09-17 18:47:26 |
|
可能我搞錯咗，不過你那幅圖真的好勁。得閒時搞幅log(CCL)圖睇吓或者CCL同供應，利率，財仔等正弦圖等 |
| 92. 歷史長河2015-09-17 18:53:11 |
|
刀兄，吾係咩？ | 9. 引刀一快 2015-09-13 18:31:47 | |
To 8樓 大寶兄
大陸都係，我用嚟養魚養狗養貓，銀行就淨係個個月收供款，未理過我用房情况。
|
| 93. 引刀一快2015-09-17 19:06:38 |
|
歷史長河兄
引刀唔係深圳嘛。
引刀好窮架咋，依傢等緊深圳冧。 |
| 94. 歷史長河2015-09-17 19:09:21 |
|
你又贏，那就整喱點圖喇。 |
| 95. 引刀一快2015-09-17 19:35:09 |
|
我幾時整過圖？ |
| 96. Joe2015-09-17 19:41:02 |
|
謝珍港兄為投資/投機找出相關定義，不過有不少投資項目也是沒有孳息的，例如古董、名畫、黃金，投資期間長，所須知識多，卻沒有息收，只能以沽出獲利......
|
| 97. 引刀一快2015-09-17 20:11:48 |
|
好！橫係掂係，今日我就嚟一個大陸式危言聳聽！！！！
大家睇下當中有幾多個講法對香港樓市講得通。
牛刀预言房价下跌80% 中国楼市的25个惊天内幕曝光牛刀预言房价下跌80%，中国楼市的25个惊天内幕曝光！很多人都期望着楼市可以早日房价下跌，碰巧经济学家牛刀近日预言房价将下跌80%！作为“唱跌派”主要代表的牛刀一直对房地产市场和房价抱以消极态度，称中国房价泡沫一定会破灭，而且必然是拉美式加日本式。如果楼市真的出现房价暴跌，其实是好事吗？不一定哦！今天小编揭秘中国楼市的25个惊天骗局！ 牛刀称，根据中国银行发布的经济金融展望报告认为，中国房价远未到合理水平，政策调控不应半途而废。现在网上流传中国房跌熬不过2015年，已经有人开始假设房价暴跌的场景了。 中国楼市25个惊天骗局 1、中国各地房价，基本将在最高点下降50%左右，下跌的时间是5-10年，这是大谎言。 
2、土地有限房价必涨是谎言 中国的人口密度不如日本、香港地区、德国等地方。中国人口多，所以盖的大多是高楼。
中国楼市25个惊天骗局 3、城市化房价必涨是谎言 农民的收入远不如城市人，城市人都买不起房子，居然还有人幻想农民进城维持高房价。 
中国楼市25个惊天骗局 4、人民币升值房价必涨是谎言 人民币对美元是升值的，对加元、澳元、欧元是贬值的。日本房价泡沫从1990年后破灭，可日元对美元一直升值到1995年。美元对欧元前几年一直在贬值，可是在此期间，美国房价上涨近一倍。
中国楼市25个惊天骗局 5、城市的土地稀缺房价必涨是谎言 房价再涨1万倍也是稀缺的，但不要忘了：人民币是稀缺的。 
中国楼市25个惊天骗局 6、中国的房子质量较差，但同样是房子的特性，这些质量问题可能要过20年甚至更久才暴露。
中国楼市25个惊天骗局 7、不要因为存款负利率就买房 中国的经济萧条不是不可能的，这种情况下，现金最值钱，因为经济走弱，什么东西价格都要跌。看看日本，经济萧条，于是房价、股价、物价全部下跌，现金相对就升值了。 
中国楼市25个惊天骗局 8、中国的房地产业就是一个地方政府掠夺普遍居民财富的一个行业，开发商只不过是依附于地方政府，或是地方政府权贵的代言人罢了。
中国楼市25个惊天骗局 9、开发商、地方政府、三奶经济学家是利益共同体，是买房人的敌人，所以这三个主体永远不会说房价有泡沫，房价会下跌。 所以楼市中的言论，先要看看它代表谁的利益。参考毛泽东的话：敌人赞成的，我们就要反对；敌人反对的，我们就要赞成。作为开发商，李嘉诚和王石是例外。 
中国楼市25个惊天骗局 10、房价上涨的时候未必会死人，房价下跌时却一定会死人 这是李嘉诚的话。股市在十年内，有两次下跌超过60%，自杀的人全国也没几个，可是楼市，会有很多。以后走路的时候，尽量不要在高楼下面走。
中国楼市25个惊天骗局 11、房价贵不贵可以参考以下几个数据：一是美国目前房价中位数是20万美元，约200平方米的别墅，相当于美国中等家庭收入的4倍，而北京（楼盘）上海这样的地方，是16倍于家庭收入。平均房价 7000元/平方米，中国是3600左右；中国人均存款是13000元左右。综合GDP、自然资源、科技水平、人员素质等因素，联合国测算，中国人均财富 是美国的2%。
中国楼市25个惊天骗局 12、房价的持续下跌，一定会造成大量银行坏账、烂尾楼，建材、钢铁等行业将遭受重灾，但这是无法避免的。中央政府除了银行业，从来没有拿出真金白银挽救一个行业，更何况房地产业现在这个地步，都是地方政府的昏头官员造成的，自己拉的屎，自己擦。而地方政府，本质上就是要通过高价卖地来收钱的，怎么可能反过来出钱救这个行业？
中国楼市25个惊天骗局 13、上海不是国际化大都市。
中国楼市25个惊天骗局 14、中国一定会大量出现断供房。
中国楼市25个惊天骗局 15、一定会有部分房产商卷款潜逃，留下一些对天哭的傻老百姓。地方政府有可能去擦这个屁股，有可能不擦。
中国楼市25个惊天骗局 16、房产商会破产、倒闭、解散50%以上，房产中介门店会消失80%以上。
中国楼市25个惊天骗局 17、房价从长期来看，一定是上涨的，但扣除通货膨胀，增值是非常少的。美国100年来，扣除CPI，每年涨3%。最近30年同样如此。英国从1965 年到2004年，房价从不到4000英镑涨到14万英镑，但不要急，同期CPI上涨12倍，就是说相当于房价每年涨2.9%。其中上涨集中在19958年 之后，因为1995年只比1965年涨了40%，算是CPI，房子是不断贬值的。
中国楼市25个惊天骗局 18、房价长期上涨，不代表永远上涨。短期上涨速度超 过长期上涨速度，必然有下跌。日本在33年内，地价上涨100倍，随后14年下跌70%，2005年前后有所上涨，但好象日本房价最近又跌了。希望在中国 房价5年之后下跌比如60%时，打算自杀的人，有人发个短信给他：房价长期来看是上涨的。
中国楼市25个惊天骗局 19、现在买房是做经济炮灰，是一种爱国行为。
中国楼市25个惊天骗局 20、用父母的钱买房，不算非常可耻，特别是父母比较有钱的话，那反而是很合理的，盲目向社会捐款是比较愚蠢的。但如果是掠夺父母数十年积蓄，是比较可耻的。试问，有几个子女在父母有重病时，会卖房为父母治病的？
中国楼市25个惊天骗局 21、当房价是家庭收入的10倍以下时，房价比较合理。这个10倍已经考虑了中国人喜欢房子的小农思想，以及父母对子女的资助等因素。
中国楼市25个惊天骗局 22、目前一套房子年租金一般在3%以下，而首付3成，7成贷款买房，则损失的存款利息及付出的贷款利息，约为6%。买了房，很多人都失去了创业的机会，也许在50岁，会有激情当个老板吧。目前买房，并不值得骄傲，反而是愚蠢的标志。
中国楼市25个惊天骗局 23、炒房人、外资热钱越多的地方，楼市泡沫越大，房价下趺时会越惨。
中国楼市25个惊天骗局 24、开发商或炒房人的成本不是房价下跌的底限，前不久，有美国贷款机构以1美元，并倒贴1万美元抛售一套别墅，1美元难道是成本？
中国楼市25个惊天骗局 25、警惕对房产加税，或取消所有税收优惠的风险。比如《契税暂时条例》非常清楚地规定，契税税率是3-5%，目前是多少？炒房所得税是20%，目前一般按总价1%征收。当卖地的税收减少了，拿什么钱维持高款吃喝、买车、出国旅游的费用？ 看了以上25个楼市的惊天骗局，相信买房的你或多或少会有一些自己的想法，希望这些能帮到你！ |
| 98. 歷史長河2015-09-17 20:26:52 |
|
刀兄，牛刀係唔係你大佬？ |
| 99. 自我陶醉2015-09-17 20:40:43 |
|
引刀兄，
其實我都唔知叫人做炒家係褒定貶，雖然呢度啲人個個都認為投機者係邪惡代表，係妖魔化身， 我覺得做一個成功炒家， 比做一個成功投資者要難百倍， 以索羅斯為例，除了選好對手和時機外， 還要以各大央行和其他大䲔為對手， 一個不慎隨時全軍覆沒， 而做股神只要選對股票和入市時機， 買入後鬥長命便可以了，從這方面看，無論IQ, EQ, 同埋難度，做一個妖魔投機者都難很多啊！ |
| 100. 打工仔 Andy2015-09-17 21:40:41 |
|
|
| 101. 打工仔 Andy2015-09-17 22:03:28 |
|
自醉兄
的確係, 炒家不易做, 只是快恨準不足夠, 要速度, 要狼死, 要賭博之心態才可! 我地收租佬最多都係坐下順風車! |
| 102. 引刀一快2015-09-17 22:17:15 |
|
自我陶醉兄
如果唔係有人被貶，咁有點會有人得到褒獎呢？ 人各有志，各展所長，不過我從中悟到一個道理，投資投機都一樣，搵到大錢就自然個個褒獎，索羅斯如果喺度開腔，我保證班“投資者”個個都同佢say Hello撰寫美文。 |
| 103. 歷史長河2015-09-17 23:04:48 |
|
|
| 104. 自我陶醉2015-09-17 23:08:15 |
|
103樓 長河兄，
完全同意， 其實大家最終目的都係一樣, 只是方法各異， 沒有誰比誰優勝。 |
| 105. 打工仔 Andy2015-09-17 23:20:52 |
|
|
| 106. 自我陶醉2015-09-17 23:43:19 |
|
To 102樓 引刀兄，
呵呵！ 我聽日叫索羅斯上嚟同大家say hello, 順便問下佢會唔會聽小道消息做投機先。 |
| 107. 珍惜香港2015-09-18 00:34:23 |
|
【珍惜香港】作為一個長線投資者，講到 投資、投機呢個 TOPIC，當然唔少得讚下自己啲花香，但千祈唔好誤會，我對投機，絕無貶意。 將資金或資源投放於目標取利，通常會涉及兩者，好少只喺「純」投資，或者「純」投機。 引刀兄對孳息嘅疑問，可以參考 WIKI 同 MBA 嘅定義。 孳息，喺好廣義，唔只喺收息、收租之類，亦唔一定喺錢。 任何由原物衍生出嚟嘅額外利益，都喺孳息，而呢啲額外利益，亦可以喺不定時。例如，發展土地，建成物業出售，亦喺一種孳息，屬投資回報，但屯積土地、樓宇而達至可能升值嘅部份，就屬投機回報。 至於 Joe 兄提到， 古董、名畫、黃金，如果只為興趣，作為收藏品嘅，就既唔喺投資，亦唔喺投機。但如果為搏升值嘅話，咁無可置疑，當然屬投機啦！呢啲嘢，真喺要考眼光，眼光準，先至會 「投中個機會」嘛！ 或者簡單啲講， 必須行使原物，衍生原物本身以外嘅孳息，先算喺投資。咁， 自醉兄提到嘅 索羅斯，究竟喺投資者，定喺投機者？呢個問題，都幾複雜，因為 索羅斯，喺會利用投資物，影響市場，甚至操控市場，而呢種 行使投資物取利嘅方式，嚴格嚟講，亦算喺投資嘅手法。 仲有，雖然我成日強調，要有孳息，先算喺投資，不過 MEET 唔到 第二項嘅，就算有孳息，一樣喺投機。就好似雷曼迷你債券，都喺派高息啦，但當時有幾多買迷債嘅人，真喺知道迷債背後喺乜？ 總之，都喺果句， 要知道自己做緊啲乜，同埋適合做啲乜。 |
| 108. 引刀一快2015-09-18 02:04:01 |
|
自我陶醉兄
俾個小道消息索羅斯，話佢知呢度好多靚女論友喇，哈哈哈 |
| 109. Joe2015-09-18 02:11:04 |
|
古董、名畫為興趣以收藏為目的，不算投資? 以此定義，那麼購入物業純為自住，也不算投資了.... 無論怎定，也謝過珍港兄再次解釋。
|
| 110. 引刀一快2015-09-18 02:18:10 |
|
珍港兄
我又唔同意Joe兄所列舉例子係投機，黃金一般要搵錠放，名畫古董要keep一樣要使錢。
至于孳息，我冇理解錯，呢個term好直白啫。 |
| 111. 自我陶醉2015-09-18 09:42:55 |
|
吓! 珍兄，咁都得! 索羅斯都唔算係投機者， 嚴格嚟講， 冇人有資格做投機者！ 我有個建議，不如話參與所有資產投資期望以投資物取利嘅都係投資者， 而傾向長線持有獲利叫長線投資者， 聽小道消息炒作叫靠消息投機者， 所以索羅斯就係投資者喇! 咁咪得囉！ 呵呵！ |
|
|
|
|
