| 瀏覽人次 : 65555
回應 : 136
|
明年樓市沒有小陽春
湯文亮博士
紀惠集團行政總裁
2015年11月30日
在冬至當日陰天，有人就會話農曆新年的時候會落雨，這叫做陰冬爛年，我唔知道有什麼根據，或者，這只是經驗之談。在香港物業市場，一般在農曆新年之後，就會出現小陽春，就算經濟環境惡劣，小陽春都會出現，所以，一般評論員在預測樓市時，無論全年的樓價升與跌，但講到農曆新年之後，大多數會預測樓市將會出現小陽春，但又沒有人肯解釋點解會出現小陽春，或者，他們是有意唔解釋，這才顯得他們的功力，其實，原因絕對不深奧，只是購買力經過幾個月的積聚，在農曆新年之後爆發，小陽春便出現。
今年與往年不同，農曆新年之後，大家將唔會見到小陽春，理由很簡單，因為在往年，年尾屬於銷售的垃圾時間，有新樓盤都等待明年小陽春，今年，在十一，十二月，大型新樓盤仍然排隊出場，售價比同區二手細價樓還要低，銷售情況不俗，地產商加推又加推，QQ清袋，試問在這個情況下，購買力又怎會被積聚，沒有購買力，小陽春又怎會出現。
雖然，名義上是沒有小陽春，但對於地產商而言，他們都會作出充分的準備，因為小陽春隨時會出現，如果政府放寬些少逆週期措施，就會出現一批購買力，而那些購買力出現的時間亦不會太長久，所以，地產商要落足心機，捕捉稍現即逝的機會，不過，仍然有人認為地產商不會心急賣樓，香港物業始終是唔憂賣，我覺得不會有地產商掉以輕心，因為，在物業市場，現在的競爭比以往大了很多，地產商又各自為戰，根本無默契可言，一有機會，大家都會想盡辦法賣樓，對於打算置業的人，的確是好機會，但對於那些買了新樓，同時亦擁有舊樓的人，他們發覺新樓借唔足，舊樓賣唔郁，簡直苦不堪言，所以，對於一些人來說是小陽春，對於另外一些人又不是，問題是大家站在何種角度來看。
|
|
|
|
|
|
|
|
|
|
| 1. Desmond2015-11-30 09:12:11 |
|
|
| 2. 引刀一快2015-11-30 09:38:41 |
|
Desmond兄
何解？據某好友述，個個都已經賺咗“幾個十倍”，陽春與否佢地可能不放眼內。 |
| 3. 望東樓2015-11-30 09:47:11 |
|
實情係個市而家已在深春，因而未能春上春。 |
| 4. 引刀一快2015-11-30 09:55:02 |
|
PN兄此語，令我諗起紅樓，諗起張國榮。。。。。 |
| 5. Desmond2015-11-30 09:55:51 |
|
2樓引刀兄，因為我看到有些網友說現在樓市是假跌，明年就會回升。 |
|
|
包括地代都認為係假跌，如果有小陽春，很容易吸引一批潛在買家入市，他們會說「都話左係假跌啦！」。 |
| 7. 引刀一快2015-11-30 10:28:47 |
|
Desmond兄
到底，跌市係假，還是，“賺咗幾個十倍”係假？我都唔知喎。 |
|
|
春光好, 春光好.
踏青到春郊, 蜜蜂蝴蝶花間繞.
春光好, 春光好.
(來自小學課本)
|
| 9. 望東樓2015-11-30 10:50:34 |
|
十郎兄，你有冇搞錯，據細佬所知好多年前幼稚園默書已經係『動物園裏有獅虎豹豺狼』？ |
| 10. 十郎2015-11-30 10:53:39 |
|
|
| 11. 十郎2015-11-30 10:58:41 |
|
PN 兄..
E 家D獅虎豹豺狼, 唔一定在動物園.
|
| 12. 自我陶醉2015-11-30 11:21:00 |
|
我估沒有小陽春他們反而開心，因為又可以平啲入到貨，唔好話賺幾十倍，賺幾百倍都有可能，千祈唔好忘記：
樓～有人買，樓價會升 樓～冇人買，樓價會升 |
| 13. LYC2015-11-30 12:15:22 |
|
每跌一成就買一間收租，平均投資法，最後一定贏。 不過驚CCL一成都跌唔到落去！ |
| 14. 自我陶醉2015-11-30 12:42:55 |
|
LYC兄所言甚是! 相信每跌1%買一間會較穩妥，不然又要痛失入市良機了。人民幣入SDR的消息，今、明兩日或有進展，入市要快啊!
請記住： 人民幣升，樓價會升 人民幣跌，樓價會升
要好好把握喔！否則，蘇州過後冇艇坐呢！
|
| 15. 盼望2015-11-30 12:57:20 |
|
长x新盤入票成万張，結果也不能一Q清袋，何來購買力，而且地監局一定要查這万張內有多少是代理入票的，长X最喜歡焗大票數，以便別人以為購買力有多強，強力要求地監局嚴查入票水份或代理入票 |
| 16. 如是2015-11-30 13:26:58 |
|
收租業主話坐艇唔緊要，唔會坐一世，廿多三十年已經返本了。
利申：永不投資物業收租。 |
| 17. 長期讀者2015-11-30 13:48:50 |
|
如果沒有小陽春，好友三傻會好失望 |
| 18. 引刀一快2015-11-30 13:54:57 |
|
小心小陽春變小洋葱，俾佢搞到一殼眼涙。 |
| 19. LYC2015-11-30 14:05:43 |
|
收二十年租，個租客已經好幫手地幫業主供完層樓，請問有什麼好驚呢？ |
| 20. 西門吹雪2015-11-30 14:25:18 |
|
個人認為唔係個個咁有米可以係咁入貨~~大把人儲左十年首期做八成二按先夠買一個單位。如果呢個時候跌反2-3成，財仔CALL LOAN，你叫佢點算? 呢個時候，就算多樂觀分析員，最多都話跌得唔多，班盲好仲係咁唱好，真係會害死人架。 |
| 21. Small Potato2015-11-30 14:38:35 |
|
見到8樓兄 文筆，令我諗起懶人兄，懶人兄好似好耐無見，唔知係咪忙應酬D租客。 |
| 22. 神算2015-11-30 15:13:16 |
|
錯晒啦，因為某好友話係為咗女人，所以而家幾時都係春情洋溢，呵呵！ |
| 23. 真真薯片2015-11-30 16:15:18 |
|
長實大盤銷情暫時差過預期, 不過應該睇多兩三個星期睇下第二輪銷售點部署同賣成點
除左睇新盤賣成點, 在下覺得要睇埋dsd收成點, dsd宗數越多, 代表投資收租客越多, 假如dsd宗數多, 新盤入伙時租金就有壓力
話時話, 今年入伙盤好似得八千, 屬於低供應, 租金都唔升, 明年入伙數好似係double, 如果半數新盤都係dsd收租投資, 租金似乎面對唔少壓力 |
| 24. 引刀一快2015-11-30 16:55:08 |
|
To 22樓神算兄
果位兄台，可能青春期就開始做好友架喇！ |
| 25. 打工仔 Andy2015-11-30 22:19:53 |
|
自醉兄
成你貴言! 哈哈哈! 唉．.依家無論股市及二手樓都係得個悶字! 大家都好似在等, 不過又唔知等乜? ! |
| 26. 打工仔 Andy2015-11-30 22:22:46 |
|
真真薯片兄
近排新樓都集中在大西北, 有 d 仲係在吊腳位, 賣平 d 多合理! |
| 27. 打工仔 Andy2015-11-30 22:25:52 |
|
|
| 30. 中產求生隊長2015-12-01 01:11:21 |
|
地產商平賣完首批就開始加價，現時百物騰貴，整單鉛水事件就將建築成本再加不少。大家不要自亂陣腳，其實想真點，香港近年比人唱得幾乎差幾危及要盡快走貨，大家細心看看香港的實際情況，就業，人工，經濟狀況，有冇人工加，通脹有幾高，搭車食飯有冇加等等，其實香港這片福地潤澤無數來自五湖四海的人，來港後又努力創造更好動力的時代，過去東南亞富豪都來香港投資，近期隊長出租的物竟然多了一批新力軍，是來自俄羅斯的商人，他們覺得香港好到不得了。 隊長認為環球越動盪，越顯出香港的可貴，所以大家不要自亂陣腳，做成人踏人的放盤，這樣就不會將自己的物業由強者手上奪走。 |
| 31. 中產求生隊長2015-12-01 07:45:47 |
|
隊長恐怕要同各位講再見了，可能因為我長遠比較睇好樓市，這平台未必能容納，有些較中立的post都刪除了。所以日後再會。各位中產投資者記住堅持必勝。 |
| 32. 打工仔 Andy2015-12-01 08:11:29 |
|
中産隊長兄
師兄所言甚是! 不要離開, 大家多多交流! |
| 33. 真真薯片2015-12-01 08:18:54 |
|
如果一個平台唔可以容納相反意見, 就冇乜意思啦 |
| 34. 自我陶醉2015-12-01 09:21:48 |
|
隊長兄，
市場永遠都有人看升，有人看跌，如果有人認同才留下，引刀兄一早就消失了。 |
| 35. 忠實粉絲2015-12-01 09:39:22 |
|
由2013 年開始看本站文章，當初真的大開眼界，博士和三傻對樓市的洞悉力令我獲益良多。但自從爆煲論出現後，樓市好友都不再多發言了，是因為樓市轉淡而令他們無言以對嗎 ? 還是因為別的原因 ? 作為長期讀者，必定心中有數。 希望這裡仍然能容納所有發言，不會因看好看淡而被打壓下去，這才是讀者最希望看到的結果。 |
| 36. 自我陶醉2015-12-01 10:28:27 |
|
神算兄、引刀兄
我哋都係放過佢喇，佢已經語無倫次，又話為女看好，又四圍重複貼大字報，再笑佢，隨時多個九龍皇帝，將啲咩硬好硬淡表周街寫。
港樓又跌，今日仲見Bloomberg 篇文：Sydney Home Prices Drop Most in 5 Years as Regulation Bites
澳洲紙又幾年間跌幾成，都唔好話唔傷! 都係嗰句喇，咪唔理好醜，好肉腐肉都唔放過，依家個市，食咗都肚痛喇，咁食法，遲早實食壞自己，真冇陰功！
|
| 37. 珍惜香港2015-12-01 11:52:36 |
|
【珍惜香港】TO：30、31/F 中產求生隊長 我有留意閣下嘅言論，尤其對 發展商動態方面，都喺好客觀同平實。有好多人，以仇富角度睇事物，過度執著所謂市價嘅升跌，無視 在商言商之下，市場 實際上喺點樣運作。 價，始終喺由人定出嚟。記得細價樓急升果陣，呢度一眾物業持份者，唔單止冇沾沾自喜，仲擔心政府出招，個個禮拜，喺咁盯住個 CCL，搞到好似倒數咁。今日，CCL 有所回調，社會氣氛差咗，有啲人竟然以為，盲等多年嘅災難終於嚟到啦，就响呢度咒人 PK，兩者之別立見。所以話，物業持份者，尤其喺自住或長線收租嘅投資者，雖然唔會希望樓市跌，但亦唔一定要希望樓市升。呢個就喺我果次 回覆 Simon 兄，修正佢果句嘅意思。 隊長兄無須太擔心，經歷 供樓、收租生涯嘅人，都喺屬 儲蓄型，生活嘅焦點，自然放响自己嘅事業同生意上，唔會對個市太敏感，佢地喺唔會咁易自亂陣腳嘅。 呢度喺 地產網，閣下作為物業投資者，又長遠睇好樓市，點會唔被容納？希望隊長兄繼續發言， 註冊番自己嘅網名，同大家多多交流吧！ |
| 38. 80後小業主2015-12-01 12:21:20 |
|
以前我吾睇香討地產區，因為那裡好多看淡的人天天吵吵鬧鬧，常常出 POST 單打樓市好友。但現在，這個本來以高質素聞名的地產網都好像變質了，每天都見到淡友攻擊好友。 其實，看好樓市有什麼問題 ? 看好只是一種做人態度，看好的大部份業主都係低調的努力儲錢買樓收租而已。難道不怕樓市短期波動而啖定收租的人就係盲好 ? 為什麼好友甚少口出惡言串淡友 ? 我想大慨都係心態問題，係做人態度的問題吧! |
| 39. 自我陶醉2015-12-01 13:02:48 |
|
不怕樓市短期波動而啖定收租當然唔算盲好 。 所謂盲好，係以為自己識分析，但所謂嘅分析原來係無論發生什麼，都認為樓市會繼續升，無論樓價升到幾高，都話可以借到盡買樓冇問題嘅人。
如果盲好又盲入市，同一個以為自己永遠都會贏嘅賭徒根本無分別，PK只係遲早嘅問題，根本唔洗望佢PK，更加唔洗咒佢PK，因為PK只係盲好嘅一個果。
|
| 40. 真真薯片2015-12-01 13:08:47 |
|
講寫文比人鬧, 首推應該係博士, 佢睇升又比人鬧, 轉軚睇淡比人鬧得更勁, 但係博士堅持己見, 而且每日寫兩篇文緊貼市況, 重申立場, 回應反對者質問, 輸左仲請食飯, 其實大家係度講自己既理據, 誰對誰錯係冇所謂, 你睇好, 坐言起行, 然後發大達, 洗乜理人點睇, 真正強者從來唔需要大衆認同, 亦唔怕攻擊同反駁, 只要唔係人身攻擊就得, 係咪？ |
| 41. 打工仔 Andy2015-12-01 13:12:18 |
|
珍惜兄説得非常好! 在细價樓上升時, 小弟也有寫過這樣上升實在並不健康, 只希望樓市慢慢隨通漲上升已非常好! 收租睇長線, 租平少少比人大家都開心, 有何不妥! 我相信呢到好多好友都有相同睇法。 |
| 42. 望東樓2015-12-01 13:51:30 |
|
薯片，查實群眾通常都係錯，所以越被人鬧可能係本身就係一個好嘅指標。at the end of the day投票決定邊個嬴定輸係閣下個銀包。 |
| 43. 西門吹雪2015-12-01 15:28:46 |
|
珍港兄~小弟當時所講既說話係想指出每個人亦有自己立場同期望既結果。在分析樓市時，我們應當排除個人既立場，客觀地分析。 一些師兄，如打工兄，真薯兄等等好多時都看好樓市，據理力爭有甚麼問題? 可是，這裡經常有些唔埋任何原因，任何環境，仍說樓市向好的人。這樣不講道理，沒有理智分析的人，才叫"盲好"。 |
| 44. 引刀一快2015-12-01 15:49:34 |
|
To 27樓 打工仔兄
全國有幾多地方係咁喞，就係深圳一處。 |
| 45. 引刀一快2015-12-01 16:19:50 |
|
To 39樓 自我陶醉兄
好細個嘅時侯，我就發現有種人，同佢猜呈尋一定冇著數，呢種人，如果你贏咗一第局，佢就話三盤兩勝，贏佢兩局，就變成五盤三勝，猜到咁上下，就話玩第二D。
長期炫耀淡定收租，但係又灌輸D可能一世冇機會收租嘅理念俾人，我唔會咒佢，反而祝佢好運，因爲佢需要。 |
| 46. 引刀一快2015-12-01 16:22:53 |
|
To 38樓 80後小業主
你講嘢完全偏離現實，做人最好公道D。 |
| 47. 引刀一快2015-12-01 17:14:50 |
|
To 31樓 中産求生隊長兄
你所講比較中立嘅post，可唔可以再貼，睇睇係咪仲俾人刪，如果仍然被刪，或者可以貼到其它地方，等大家評評理，你依傢話平台容不下你，應該攞岀嚟大家討論，此事關乎所有論壇網友言論自由，Admin兄可否對大家作個交代？ |
| 48. 向飯民說不2015-12-01 17:17:29 |
|
其實建制派點解仲吾假中立團體，看台灣國民黨和建製派，大部分都是被反對派的假中立團體打到無還手之力。 反對派利用環保團體，教師學會，大學教授等等組織經常提出攻擊政府。這些方法隨未必打擊到政府，但是只要有一次成功炒作，就可以徹底打擊建制派。就是不成功，對反對派也沒有影響，因為提出問題的就是假中立團體。
|
| 49. 西門吹雪2015-12-01 17:20:42 |
|
我之前都有D無咩問題，但係又POST唔到出來既文章。最後過左一排就出現反~~可能係個FILTER 錯誤MASK左。 仲有，有D真係有D問題既POST，好似有可能負上法律責任既POST就被MASK左，無出現反~你會見到個NUMBER唔見左，但係個POST都唔見埋。 |
| 50. 自我陶醉2015-12-01 17:22:19 |
|
引刀兄，
佢咁想贏你，你咪讓吓佢囉！ 猜極都輸，又的確幾冇癮嘅。至於睇淡有冇被人惡言，我記得我由第一日已經被啲所謂好友圍攻，仲記得有人叫我用下個pk腦㖭! 佢哋梗係唔知，我個pk腦一日用到黑。呵呵！
不過，我又冇咩所謂，我既唔怕人鬧，亦唔怕人咒，因為我從來唔會靠運，亦唔需要人認同。 至於有冇人向淡友惡言相向，你應該係最清楚嗰個，唔知以前有冇人話要加租加到你瞓街呢？
|
| 51. 大寶二寶2015-12-01 17:22:46 |
|
嘩！呢度好熱鬧，我都趁吓開心，送隻歌比大家聽，輕鬆吓, 不過千期唔好对號入座呀。
熱鬧這天, 淡影串串 報章說今天的指數跌回當天 用了數天, 反覆百遍 我將心聲附加幻想信箋寫滿 偉業獨自在醉酒, 很多新打算 引力現活在廣州, 天天温暖
望望這天, 追憶串串 盼一個熱烈大跌浪重现目前 四面大合唱詩, 歌聲多淡甜 西蒙伴著德士門, 天天想跌
多麼多麼的高興 多麼多麼的溫暖 快樂人共並肩 今天点解咁高興 今天点解咁溫暖 只要願幻想指數大跌未完!
好友，淡友，共勉之，哈哈！
|
| 52. 80後小業主2015-12-01 17:46:48 |
|
To 46 樓 引刀一快 請問那方面完全偏離現實 ? 係吾係講話好友成日被淡友串係偏離現實 ? 我只見長河兄，珍港兄不斷發放正能量，但就成日俾人話佢地傻左之類。 |
| 53. 打工仔 Andy2015-12-01 18:01:39 |
|
大宝兄
嘩! 勁! 我剛才唱左一次好正! 我會唱多幾次 ! 哈哈哈! |
| 54. 自我陶醉2015-12-01 18:25:28 |
|
嘩! 為女人所以睇好都算正常，咁我都要睇“好”喎! 點解？ 因為我要支持我隻狗。對自己隻狗好，係我人生態度。
有咩關？
因為我隻狗大把正能量，我每次問佢點睇，佢都會同我講： “好! 好好! 好好好!”
哈哈哈！
|
| 55. 珍惜香港2015-12-01 20:39:33 |
|
【珍惜香港】TO：31/F 中產求生隊長、49/F Simon1 出唔到 POST，或者看似被刪後出，應該喺因為 鏡子功能。 呢個網站，為防止有人用隨意身份，對專欄作者或回應者，作出多重分身攻擊，所有 非註冊回應，都會經「鏡子」過濾。即喺話，回應 PO 出之後， 會先被封鎖，只有 PO 回應部機嘅 IP 先至睇到，直至經人手過濾後，冇問題嘅，先至會開通番俾所有人見到。所以用 非註冊身份，留言喺會有延遲出街嘅情況。 但如果喺註冊者嘅話，回應就會直出，唔受鏡子過濾。都喺果句，希望 隊長兄繼續發言， 註冊番自己嘅網名，同大家多多交流吧！ |
| 56. 安全駕驶2015-12-01 20:46:44 |
|
54/F 自醉兄 有時説話應帶點尊重，唔好太過火。 你和引刀兄時常互相支持，唔通又代表你倆是各自喜愛的小動物？！ |
| 57. 日光之下2015-12-01 22:44:34 |
|
自醉兄， 縱然你道理十足，也不用這樣回應。 希望討論是對事，讓這平台能有𣎴同見解。 |
| 58. 自我陶醉2015-12-01 23:37:49 |
|
盲目看升就是正能量，因經濟差而看淡就是望人PK, 這算是討論嗎？像這樣的人都有勇氣叫自己做投資者，多可笑，哈哈哈！如果真的那麼怕有人看跌，不如去鵝頸橋打打小人吧！看看咒罵完後，會否只剩下看升的人啊！
信不信由你，我並非說看升就是狗，我只是要說為了女人而看升，跟我因為狗兒說好而看升，都是同樣荒謬! 不是嗎？ |
| 59. Admin2015-12-01 23:39:45 |
|
To 31/F，中兄， 印象中，我們沒有不出你的post，正如珍兄所說，可能遲了，如果你是註冊用戶，就沒有這問題了。 |
| 60. 80後小業主2015-12-01 23:58:11 |
|
盲目看好當然不是代表正能量，因為盲目代表無用腦。但對樓市長期看好，雖短期內或有壞消息如加息，供應量增加卻仍能持盈保泰，不為所動者，其實的確是一種人生態度，這就是正能量。 我想大部份做足安全措施的業主都係咁諗，看升看跌沒所謂，只要有能力長期持有，最後會輸嗎? |
| 61. 安全駕驶2015-12-02 07:00:26 |
|
自醉兄， 無論你認為他人的論點是多荒謬，説話還是帶點尊重好。 或者你重温你在這論譠開始留言時所用的態度與最近6個月的作比較，你便發覺閣下回應的態度有很大的轉變。 自醉兄，你是個有智慧的人，所以作此提醒，不希望閣下走火入魔。 如有開罪，請見諒。 |
| 62. Oscar Lam2015-12-02 07:47:24 |
|
不盲目看好，也不盲目看淡。
好中有淡，淡中有好。
走中庸之道。大家不如學學湯博士？嘻嘻！ |
| 63. Oscar Lam2015-12-02 07:50:51 |
|
|
| 64. 歷史長河2015-12-02 08:01:35 |
|
未來，將是一群正知，正念，正能量人的天下。真正的危機，不是金融危機，而是道德與信仰的危機。與智者為伍，與良善者同行，心懷虛谷，大愛無疆。
成敗得失，不在朝夕，望朋友迷途知返。 |
| 65. 回 63 OL 兄2015-12-02 08:17:08 |
|
不是說你喔，哈哈哈！ |
| 66. 回 63 OL 兄2015-12-02 08:17:53 |
|
胸襟要寬才能做宰相喔，共哈之！ |
| 67. 打工仔 Andy2015-12-02 08:54:39 |
|
我估,自醉兄只是搞搞氣氛! 哈哈! |
| 68. 自我陶醉2015-12-02 09:28:06 |
|
打工兄所言甚是! 我只係陪長河大師玩玩他最有興趣玩的遊戲，估不到大家對個"狗"字都咁大反應，哈哈！ |
| 69. 自我陶醉2015-12-02 09:38:48 |
|
回安全兄，OL兄，
小弟的確是有些改變，以前以為大家在這裡是討論樓市去向，但在博士的細價樓爆煲論出街後，看見一衆常客的反應，才發現很多人都不是為討論而來，所以還是嬉戲為首，討論為次較合適。
|
| 70. 西門吹雪2015-12-02 10:07:30 |
|
回60. 80後小業主 其實我都好認同呢種態度，我成日都講樓市長查必勝。其實這是十分簡單的道理，我亦0係之前既文章討論過太安樓既例子。只要有能力長期持有，怕甚麼升跌?? 終有一天，小弟夠錢了，亦會買入一堆單位等收租，話之佢升定跌，日日去玩了。 可是，這裡的"盲好"并不是這樣想的。佢地好多時覺得樓市只升不跌，無論好消息壞消息都說樓市上升，好像說樓市跌就是大逆不道。這種分析好明顯是有問題的。試想想一個儲左十年錢先夠首期，猛猛緊先夠上車既年輕人，比佢地誤導左入貨，之後樓市下跌咁點? 係咪個個好似師兄咁可以應付呢種心理同財務上既壓力? 好似PN兄咁講，我地來呢度係想睇下有咩自己既盲點，看看人家既論據。有根有據的看好，應該得到尊重，邊會有人取笑呢? |
| 71. Sugar2015-12-02 10:11:34 |
|
陶醉兄: 沒事儿,我撑您! 無論您點砌長河兄,我都永遠........支持您! 正所謂 : 玉不琢 , 不成器 ; 人不砌, 不成材! 地產網嘛! 乜都無,就是人材多~~~~ 共砌之^^ |
| 72. 自我陶醉2015-12-02 10:32:00 |
|
|
| 73. middle middle class2015-12-02 11:02:19 |
|
Oscar 兄，中庸之道，難難難！ 但這卻是最好的處世 （睇樓市）之道。
Sugar 姐，玉不琢不成器，有意思有意思。 |
| 74. 80後小業主2015-12-02 13:11:13 |
|
To 70/F Simon1 兄 完全認同! 其實呢度有不少師兄都講買收租樓用來投資的話，現在不是最佳時候。但若是買自住樓在量力而為的情況下，仍是可以的，因為息口仍低，供樓仍化算! 這些都是十分中肯的意見。 |
| 75. 引刀一快2015-12-02 13:44:01 |
|
自我陶醉兄
呢度嘅人越來越失去理性，好聽就叫做偏頗，唔好聼就叫做發茅，我走開一陣就輪到你俾人圍，呢種情况佢地以爲係欺淩緊人地，其實，你我都明白，正是慌不擇路！
呢個Sugar，一號多人，留意咗佢好耐。 |
| 76. 引刀一快2015-12-02 13:49:34 |
|
好多人扮中肯、扮公道，籍此攻擊言論不同嘅人，真係虛僞到令人作嘔。 |
| 78. 自我陶醉2015-12-02 14:09:08 |
|
引刀兄，
一場誤會，唔洗介意。跌咗少少，邊有咁快慌呀？ 你太小看他們了。
其實，不論好淡，大家的論點都已經重重複複，明明話空置率低、供求失衡，突然又出現咁多租盤，都係時候搵下啲新論點，例如正能量、支持女人同狗、打下小人，睇下個市會唔會升番，都係好事。
哈哈!
|
| 79. 引刀一快2015-12-02 14:34:43 |
|
自我陶醉兄
正能量幾時都喺我地呢邊！實事求是，面對現實，豈是盲目説好聽話可比？同佢地講經濟低走，佢地無法應對就一味毫無理據自認樂觀，又豈能与吾等坦然面對、隨機應變之真樂觀相比？
女人，我地都好支持吖，不過係爲咗身邊女士，家裏親人，用實事求是嘅態度去支持，唔係靠“人口學”嘅Oral花招嘅。
講到狗，我都有幾隻，全部都係唐狗，執嘅又有，自來又有，好難同人家幾百萬一隻嘅相提幷論，好在呢度唔係狗狗網站。 |
| 80. Sugar2015-12-02 16:28:50 |
|
陶醉兄: 本來你們之間的事我不應插嘴,只是想打打圓場而已,沒其他意思. 其實每個人都有一條底線...長河兄當然也一樣會有...您是有智慧的人, 再三想想一定會明白! 抱歉多管了閒事,不多說了. 至於那位愛講歪理的人,本人堅決以後不再搭理,見了面也當他透明....任他瞎說去!!!
|
| 81. 引刀一快2015-12-02 16:42:33 |
|
|
| 82. 自我陶醉2015-12-02 17:05:34 |
|
80樓 Sugar用心良苦，難得難得! 相信引刀兄也同樣有自己底線! 長可與引力，誰在挑釁誰，顯然易見。 |
| 83. 歷史長河2015-12-02 19:10:30 |
|
陶醉兄所言甚是，正如每個人都是井底之蛙一樣，每個人也都有自己的底線。也正如蛙所處井底深度不同，人的底線高低也唔同。希望你明白，我對你的有些言論有時要麼唔再回應，要麼以講笑方式結束，通常是因為如果再回應下去，將會觸及我的底線。我的底線：一，不可演變成個人攻擊；二，不可涉及個人隱私；三，故意斷章取義或老屈，冇乜討論價值。
你多次提到澳洲投資，我冇回應，希望你明白。今日可以講少少，以我嘅標準，遠超預期。
Sugar 都講了，你是有智慧的人，點會唔明底線所指為何？ |
| 84. 引刀一快2015-12-02 20:55:53 |
|
自我陶醉兄
D人成日叫人“諗諗”、“悟悟”、“你點會唔明？”之類嘅話，我一般都定性為騙子。
最近D電話騙案多，令我諗起有一種比較過時嘅手法，就係“猜猜我是誰”。
引力係咪新網友？熱烈歡迎引力先生！！！ |
| 85. 自我陶醉2015-12-02 22:37:01 |
|
長河兄，
所謂己所不欲勿施於人， 你嘅底線既然係不可演變成個人攻擊，你成日話懷疑引刀兄智商，又係咩意思？ 請問呢啲又係咪人身攻擊？ 要人尊重自己，請先學會尊重別人。 |
| 86. 引刀一快2015-12-03 00:49:20 |
|
自我陶醉兄
長河san平日歡快自由，可能有錢就係任性吧，乜都係佢做就得，仲調轉頭去話人。 佢做嘅嘢，早就超越人身攻擊，一直明言加暗示去誹謗人，只要網站冇刪除，隨時可以搜出一大堆，我唔警告佢係因為次次都可以反將到佢閃人，我當係消閒娛樂。 依家佢居然話你過佢底線，明顯就係雙重標準，嚴人寬己，仲要煞有介事寫篇嚴肅文嚟同你交涉，認真笑爆嘴！ 睇睇佢身後一班啦啦隊，個個都陪佢戾橫折曲，撐到衡，仲話淡友圍攻好友。 種種跡象，呢位係大富二，小心呀，人心不古，咪第二日俾d大老細的出嚟圍毆。 |
| 87. 自我陶醉2015-12-03 07:43:59 |
|
引刀兄
我從來都唔怕被人圍攻，我等佢講呢句等咗好耐， 我一早提過佢唔好愚人娛己，佢唔聽，所以要佢自己試試。
OL兄，
你問我呢排點解咁燥，現在可以答你，當你看到有朋友經常被人身攻擊，人人都視若無睹，我都想睇睇大家嘅尺度，可以去到幾盡，有啲人係咪真係咁玩得，定係玩人就得，被人玩就唔得。 |
| 88. 歷史長河2015-12-03 08:16:42 |
|
陶醉兄果然耐力驚人，等股災可以等足幾年，原來等我講句話都要等好耐。下次想聽哪句話，唔妨直接講出來，話你知就是了。唔好今日Apple daily, 明日Bloomberg 話澳洲大跌來試探喔。人生中唔好只有長河吖！我會壓力好大。
講到攻擊，請簡單翻看本文回應吧！從第一頁開始。你近日之燥應該同女人及十倍有關，正如你所講，你同引力俾圍攻非一日之事。
陶醉兄，做為男人，我哋心臟要好強大，唔好有顆玻璃心！共練之！哈哈 |
| 89. 自我陶醉2015-12-03 08:23:08 |
|
長河兄所言甚是! |
| 90. 歷史長河2015-12-03 08:29:19 |
|
陶醉兄，我近日已轉淡，有機會想跟你學習股票。不如分享下SDR? |
| 91. 請教自我陶醉2015-12-03 08:30:31 |
|
請問股市見了底嗎？請買恆指指數成份股作投資 |
| 92. 自我陶醉2015-12-03 09:01:18 |
|
嘩! 長河兄，小弟真係受寵若驚，呢啲嘢咁高深，梗係問你個PI師傅喇! 我哋呢啲淨係識亂吹嘅，講咗都被人話小兒科喇! |
| 93. 引刀一快2015-12-03 12:31:45 |
|
自我陶醉兄
呢度嘅圍攻又點會難到你吖，我係覺得佢地肉酸咋，嗱嗱嗱，影子軍團又出動，91樓寫嘢咁行貨嘅?
自醉兄，向來我地以少擊多，一路都游刃有餘，最近先至有幾個新力軍，直至最近，多咗個會邏地嘅對手，你覺得燥，我覺得煩。
澳洲屋就係堒大陸土豪嘅，就係博d土豪錢easy come easy go。湯生教落，地大勿博。
|
| 94. 歷史長河2015-12-03 13:26:26 |
|
刀兄在大陸多年，仲未成為土豪？要知港人都係帶著資金技術去的，唔好丟港人的面子呀！
話時話，本打算去日本度假，行下哲學徑反思反思，游下京都。由於近日CCL爆挫，荷包縮水，大失預算。唔知你買咗京都屋未？還是仍在想？不如按市價租俾我幾日？ |
| 95. 引刀一快2015-12-03 14:03:05 |
|
To 94樓 長河san
我啱啱相反，冇帶過幾多錢過去，不過搵到錢返嚟，讀書年年交千幾，獎學金夾埋攞過十幾萬，香港俾大陸過江龍就多，我可以攞大陸教委嘅錢都算對自己有交代。至於未成為土豪，好正常，成為大陸土豪唔易，更重要係見過土豪，知道咩叫土豪，自己就唔會亂認土豪，引刀小人物而已。
京都嘅屋一定會買，諗起都覺得正！原來你都鍾意京都，不如一齊過去睇屋吖？ |
| 96. 歷史長河2015-12-03 14:12:16 |
|
失敬失敬，原來刀兄係讀書人，小弟讀書少，還望以後多多指教！ |
| 97. 引刀一快2015-12-03 14:20:12 |
|
你唔係“人口學”大師咩？唔好講呢D住，講下京都屋先，係咪一齊買？ |
| 98. 歷史長河2015-12-03 14:26:25 |
|
京都屋？尼個係大戶玩個嘢，好似CD同sugar 有興趣，你搵佢哋啦！ 刀兄讀何專業？ |
| 99. 神算2015-12-03 16:19:56 |
|
熱鬧丶熱鬧! 天氣頗涼，呢度慶烚烚! 各位網友記得保暖暖。 |
| 100. 引刀一快2015-12-03 21:23:14 |
|
農務系，哈哈哈 |
| 101. 大寶二寶2015-12-03 21:50:50 |
|
回刀兄
我一早諗到你答案，不過唔想代答。唔怪之得你要係內地生活，香港肯定失业。 你個系正確名稱好似漏咗兩個字喎, 哈哈…………… |
| 102. 歷史長河2015-12-03 21:58:10 |
|
大寶兄，如何能估到？調理農務？ |
| 103. 引刀一快2015-12-03 22:11:37 |
|
|
| 104. 歷史長河2015-12-03 22:12:37 |
|
我唔信，刀兄應該係計生辦或者城管之類！ 刀兄，廣州是不是真的唔可以睇三級片？ |
| 105. 大寶二寶2015-12-03 22:26:37 |
|
長河兄
刀兄曾經講過佢鍾意花草樹林，貓鳥魚蟲。大學冇珍禽異獸系, 咁我咪諗係農務系囉。嘻嘻…… |
| 106. 歷史長河2015-12-03 22:29:27 |
|
大寶兄睇事入微，高人！你估陶醉兄？ |
| 107. 打工仔 Andy2015-12-03 22:38:37 |
|
話時話, 係内地好多早年農務既農民又係地主已經上岸, 現在跟本唔使做! |
| 108. 打工仔 Andy2015-12-03 22:40:23 |
|
|
| 109. 打工仔 Andy2015-12-03 22:41:54 |
|
|
| 110. 大寶二寶2015-12-03 22:45:48 |
|
回打工兄,
大學咪就係冇珍禽異獸系讀囉。
回長河兄，
從字面估計，自醉兄叫自醉，相信係讀品酒系，所以時時試飲飲醉。自醉兄，纯猜測，估錯唔好嬲。嘻嘻…… |
| 111. 歷史長河2015-12-03 22:46:58 |
|
我估自醉兄乃金融大鰐，愛散戶，痛恨PI. |
| 112. 最佳拍擋2015-12-03 22:59:28 |
|
一個讀農務系，另一個喺品酒系，兩個系發音都不能讀錯。
地產網人材濟濟，無得輸。 |
| 113. 引刀一快2015-12-04 07:54:27 |
|
長河san仲勁喇，惜花之人，専攻蘭花系，副修人口學，成就學術新路向，“口花花籣系”。 |
| 114. 神算2015-12-04 08:50:43 |
|
最近翻看了魯迅的散文集 - 朝花夕拾，對社會現狀又有新的感受，值得一看。 |
| 115. 打工仔 Andy2015-12-04 09:10:10 |
|
各位大哥大大
我地愈講愈高興, 好似就泥犯版规喎! 哈哈哈! |
| 116. 自我陶醉2015-12-04 09:34:01 |
|
長河兄、孖寶兄
真慚愧小弟冇兩位師兄咁叻， 一個marketing人才， 一個會計界專業，不過兩位咁有興趣知，我又不防講小小，其實兩位都估非常接近，我學嘅係料理，有時以酒入饌，都有得偷飲吓㗎，炒嘢都的確係我強項，不過唔講太多，因為同長河兄一樣，個人隱私都係我底線。
|
| 117. 引刀一快2015-12-04 09:52:58 |
|
|
| 118. 大寶二寶2015-12-04 11:10:46 |
|
回115 打工兄
千萬唔好心邪，發音只係巧合。小弟对各師兄敬佩有加，绝無貶意。
共勉之，哈哈！ |
| 119. 歷史長河2015-12-04 12:13:08 |
|
有冇師兄講解一下點解？也咩好笑？ |
| 120. 打工仔 Andy2015-12-04 14:02:02 |
|
|
| 121. law student2015-12-04 16:10:10 |
|
見大家討論開正能量. 大家若不介意, 又插把口, 以下純個人意見. 在我看來, 正能量應為無論在面對順境逆境時, 都能豁達面對, 以及在遇到困難時不退縮, 努力克服. 引伸至樓市, 在我看來. 只懂睇好, 不是正能量, 我想反而在樓市向下時, 仍然可以豁達面對, 才是正能量. 當然地產網中大部分師兄俱是如此, 不努晚輩多言. 相反, 看淡者, 亦不一定散發負能量; 若只懂看淡, 埋怨, 又不作準備, 坐低等運到, 才真是散發負能量. 若看淡者有自己的看法, 亦能積極實踐, 我看不到有何問題. |
| 122. 自我陶醉2015-12-04 16:21:47 |
|
law student 兄言之有理! |
| 123. 歷史長河2015-12-04 16:33:26 |
|
認同律政哥！ |
| 124. 引刀一快2015-12-04 17:49:24 |
|
唷，稀客稀客！
完全同意law student兄，正正正解！實事求是，勇于面對，不逃避不自欺欺人，不以豪言壯語粉飾內心恐懼，方為真正正能量。 |
| 125. 歷史長河2015-12-04 17:50:26 |
|
認同弓力兄 |
| 126. 引刀一快2015-12-04 18:32:03 |
|
勁呀，弓力係咪即係 “強” “勁” 嘅混合體？係咪抬舉緊引刀呢？蝦，咁識擦鞋嘅！真係世界仔。 |
| 127. 歷史長河2015-12-04 19:19:33 |
|
|
| 128. 打工仔 Andy2015-12-04 20:46:39 |
|
|
| 129. Oscar Lam2015-12-04 22:11:59 |
|
Law Student 兄果然有智慧！小弟也是短期看淡樓市。嘻嘻！ |
| 130. Joe2015-12-04 23:24:06 |
|
引變成弓，如雙腳欠一腳，仿如跛腳；刀變成力，意即穿頭。跛腳穿頭，乃見底轉好之吉兆，莫非預期樓市柳暗花明又一村? 在此先謝大師指引，共猜之.....
|
| 131. 引刀一快2015-12-05 01:17:06 |
|
長河san，乜擦完鞋又自嘲力有不逮呀？咁我安慰下你先喇。 |
| 132. 神算2015-12-05 01:31:06 |
|
LS 兄所言有理，市場自有自己的運作方式，盲好盲淡講多亦不能有甚麼影響。 |
| 133. 引刀一快2015-12-05 01:58:20 |
|
神算兄
重要嘅係盲好自稱正能量又强加負能量標簽喺淡友身上，行爲恰恰与正能量背道而馳。 |
| 134. law student2015-12-05 09:50:04 |
|
to 129/f OL 兄,
我們都是好淡難分, 現在積極等待機會. 共等之!
|
| 135. 西門吹雪2015-12-05 09:52:44 |
|
讀law 既果然醒ｄ，好淡友都支持。勁！
ｄ人係崖邊玩踩綱線而不自知(冇錯係咁都可以吾知)。好心提下佢危險就係負能量，望人pk，好人難做呀。 |
| 136. 西門吹雪2015-12-05 09:56:07 |
|
而家仲係度唱好或者叫人買樓，同推人落山崖有咩分別？咁又係"正能量"。 |
| 137. law student2015-12-05 10:17:51 |
|
to 124/f 引刀兄,
好說好說! 少了上來, 一為近來事忙, 二為有感近日論壇回應文風非己所長, 小弟既不懂吟詩, 亦不懂人口學, 咁就顯醜不如藏拙, 做下CD ROM, 所賞你同自醉兄同你舌戰群儒. 深慶刀兄同自醉兄風采依然. 認同神算兄所言, 市場自有自己的運作方式，盲好盲淡講多亦不能有甚麼影響。刀兄同醉兄, 不用太認真. |
| 138. 自我陶醉2015-12-05 11:23:30 |
|
謝law student兄關心! |
| 139. 引刀一快2015-12-05 12:10:20 |
|
law student兄
你嘅筆名，重新建立咗我對律政界嘅印象，哪天你成了law professor ，正義之光芒會普照大地。 |
|
|
|
|
