| 瀏覽人次 : 82191
回應 : 112
|
細價樓會不會在三個月內爆煲
湯文亮博士
紀惠集團行政總裁
2015年2月10日
昨日出了一篇文“細價樓將會在三個月內爆煲”，很大迴響，手機Apps響不停，與老友食飯又被人窒，今日，東方，蘋果，經濟，星島都出大版。未來準備了一篇文“誰是最大租霸”都唔出住，今日，寫一篇續篇，究竟細價樓會不會在三個月內爆煲。
老實說，我關注財務公司按揭已經很久，除了政府遲遲不出手外，又沒有評論員提及，他們只懂得用美國加息來恐嚇。所以，樓市始終壓不下去，如果任由樓市飆升，最後出事，政府及金管局就責無旁貸。其實，金管局的權力只是能夠管制與銀行有關的財務公司。如果附屬銀行，根本連二按也不能借。所以，樓市飆升，爆煲都不關金管局的事。因為，那些財務公司的數據都非常健康，我講的是OFC(Out of control)財務公司。
最近幾年增長最急的財務公司都是領取放債人牌照，不受金管局監管。是受警務處監管。但警務處不會監管那些財務公司有沒有違反金管局規定。只是監管有沒有犯法行為。利息上限是年息60%，但超過年息48%就要上報。基本上，沒有財務公司違規。但這些財務公司嚴重影響物業市場，推高細價樓，很可惜，無人能夠察覺。我只是按著良心責任而發表，我明知俾人插，但良心好過一點比較重要。
樓價一直上升，那些向財務公司借錢的人便好似沒有問題，就算無錢還，大不了是加按，或者轉按。而財務公司就希望那些客戶轉按，除了可以多收利息外，更可以收行政費。其實，很多財務公司會將客戶互相轉讓，這樣他們會得到最大的利益。樓價上升，什麼問題也沒有。倘若樓價下跌，又會如何。
唔好以為那些財務公司唔知道是非常危險，所以，最近已經沒有財務公司肯接受轉按。那些沒有能力還錢的債仔被財務公司收樓，物業變成銀主盤。這些銀主盤將會陸續登場，現在，樓價仍然做好，那些財務公司在拍賣之後仍然可以收回債項，稍後，就會很多銀主盤出現，樓價亦會下跌，財務公司未必可以收回全數。所以，現在不少財務公司己經部署追數行動，我大膽預言細價樓最快三個月，最遲六個月爆煲。在文章出了以後，社會迴響極大，今日高官的工作就是檢討有關財務公司借貸，樓市在財務公司收歛及追數的情況下，樓市上升之勢將會停止。是否大幅下跌就要視乎追數行動有幾激烈。欲知後事，明天繼續。
|
|
|
|
|
|
|
|
|
|
| 1. Beginner2015-02-10 12:29:24 |
|
self-fulfilling prophecy they don't worry too much before, until this article published, they will immediate review those debtor, and start call loan for whom in weak status, in order to maintain their profit. yes, within 3 months, things gonna happen, so sad! |
| 3. 迷途小羊2015-02-10 12:49:22 |
|
湯生是難得一見"社企責任"的企業家，願意發聲提醒"貧苦大眾"這批高危人士，勿因市場過度亢奮狀態下作出不影響一生都影響大半生的抉擇，希望能夠大家特別是貧苦大眾返回理性，避免重滔美國次次次的悲劇，提醒李生曾勸戒"量力而為"之大原則。善哉善哉!這是湯生發聲之要旨吧。至於大市會繼續升平還是跌，仍然是由一籃子因素左右著未來半年至一年之大局..... |
| 4. 迷途小羊2015-02-10 12:52:07 |
|
(更正) 湯生是難得一見"社企責任"的企業家，願意發聲提醒"貧苦大眾"這批高危人士，勿因市場過度亢奮狀態下作出不影響一生都影響大半生的抉擇，希望能夠提醒大家特別是貧苦大眾返回理性，避免重滔美國次次次按的悲劇，亦提醒李生曾勸戒"量力而為"之大原則。善哉善哉!這是湯生發聲之要旨吧。至於大市會繼續升平還是跌，仍然是由一籃子因素左右著未來半年至一年之大局..... |
|
|
湯生發現財務公司有問題。這問題由政府再作檢討，實在是防止問題變差！ |
| 7. 打工仔 Andy2015-02-10 13:07:15 |
|
期待博士文章, |
|
|
王坤倡按區設租金管制
私人住宅租金不斷破頂，市場對增加出租住宅供應的需求愈來愈強烈，要求租管或容許未補地價居屋業主出租單位的呼聲日漸高漲。公屋聯會主席王坤表示，非常時期應以非常手段增加單位供應，支持實施租管。而民主黨立法會議員涂謹申同意未補地價居屋可分租，只要容許按比例出租單位，便不涉及雙重福利。 讓居屋免補地價作分租 王坤指出，本港房屋供應短缺，但空置居屋單位約有1萬個，現時是租金高企的非常時期，應該以非常手段增加租盤供應，建議實施租金管制，租金管制可按不同地區訂立不同的租金水平，避免租金過高。王坤又贊同讓居屋業主免補地價分租單位，而涂謹申亦認為建議可行。 涂謹申說，現時市場劏房租金貴，社會急切需要出租房間，如果容許居屋業主免補地價出租或分租單位，可提供大量出租單位或房間。他直言由於居屋業主已擁有單位大比例業權，只要容許按比例出租單位，便不涉及雙重福利，亦是公平合理。他同意有關建議涉及法律問題，當局需要研究。 他補充，民主黨3年前已提出有關建議，主要是看到尤其是早期居屋，有不少家庭的子女已置業或移民，甚至只得長者一個人住，有些長者已搬出與子女同住，但仍不願出售居屋，寧把單位用作擺放雜物。 不過，自由黨立法會議員方剛則認為分租居屋建議不公平，涉及雙重福利問題。 |
|
|
一籃子想搞租管,苦於民望過低,唔方便出聲.只能靠湯生呢D財主精英幫忙制造輿論試水溫.起到社會[普遍討論]的效果,到時政府[順民意]推出租管. 到時,我哋就唔駛買樓,又損害唔到豪宅業主的利益. 不過你哋呢班窮鬼小業主就......哈!哈!哈! |
| 10. Scoliosis2015-02-10 13:13:32 |
|
一石激起千重浪。博士，一切是否如你所掌握？ |
| 12. 亮劍2015-02-10 13:25:49 |
|
亮劍 2015-02-04 15:15:34 小弟發覺政府真的好驚十下十下，每次出招壓楼市，都係 CCL嗰陣的指數，比對一年内的平均價，升咗一成果陣。
例如 CCL 喺 09 年 7 月 27 日到 8月 2 日嗰期，已經開始升穿一年平均價一成呢條死線。
直到同年 10月12日~18日果期，政府見呢個指數比一年 CCL 平均升咗 15.11%，真係是可忍孰不可忍，所以果斷在 10月24日出「減 20 M以上豪宅的按揭成数到6成」，打嚮打房第一槍！
開第一槍之後，楼市並無回落，所以政府再喺 10年2月25日，再「加 20 M嘅豪宅 SD」。
CCL 喺連吃兩招悶棍後，升幅回咗「只係少少」，最新報的 CCL，大多比 1 年平均價升一成，因此政府继續在 10 年 4月 28 日出 「9 招 12 式」及「一手楼銷售規管」，呢嘢勁囉，因為呢鑊打到發展商咩一聲！ CCL 自此真的回應政府訴求， 當堂好似打了懵仔針咁，真的升得慢了好多，政府乘勝追擊，再喺同年 8 月 14 日出埋「 3招 14式」加「禁楼花摸售」！
我最記得果陣，阿堅叔上電視電台鬼揸，曾蔭權就滿面春風，成為強烈對比。 点知 10 年 11月 1日到 7 日果期 CCL，又升破 1年平均 10 %，呢次權哥發爛渣了！ 佢立即叫伙記做嘢，呢次喺 10 年 11 月 20日出 「SSD」！
正當曾蔭權躊躇滿志之時，坊間有識之士就話：呢個 SSD 的後果，會做成鎖盤效應，因為業主賣完楼若是要再買翻，咁就要鎖你兩年，那阿水賣楼變現？
之後劇情的發展，係2手成交急降，但個價就係咁升，政府继續睬你都優，「增地皮供應」、「復建居屋」。 到 CY「意外地」做咗特首，又拍心口會增加供應，同一段時間，CCL畀人為撳實，只是慢慢上升。
直到 12年 10月15日~21日嗰期，呢個 CCL又再次比一年平均升超過一成。 呢次梁班子效率真的好快，立即喺同月 27 日公告天下，「SSD 加夠 3年」，再私人醒你 「BSD」！
但因為呢個市底真係厚，大把剛需客繼續入市，楼市拒絕回落，因此CY再喺 13年 2月23出埋「DSD」！
呢次CY真的「打蛇打七寸」，呢下自殘攪到無論乜差嘢磚頭，那些買家立即一哄而散， 成交大幅回落，地代唯有齊齊返公司食蕉！
現在呢一刻，CCL現指数比一年平均要高出 7.71 %，呢次 CY 幾時再出蕉，小弟拭目以待！
………………………………………… 2月6日最近公布呢期 CCL，指數是 136.35，比較一年CCL 平均值，升咗 9.27%，極接近政府十下十下的底線，因此湯文亮叫人睇車，未必無因！！ 不過呢個政府亦有公道的一面，如果他們見個「市」受控，亦會放你一馬，例如在 2013年11月25日到12月1日開始，呢個 CCL 做 119.53，比對一年CCL平均数約 119.87 仲要低，而且持續成半年出現呢個低水現象，咁政府就於 5月中宣佈放寬楼換楼限制，令一手楼銷售得以旺翻。
|
| 13. 維稳責任重大2015-02-10 13:27:38 |
|
博士，用心良苦，講到芋頭駁人頭咁！樓市健康，細水長流，慢慢升，“瘋牛”變“慢牛”更好！
樓市慢慢跑好過快跑，前面如果有塊石仔，睇唔到跌倒，受傷就唔好啦！1/2 ~full paid，或有能力負擔供樓（如：醫生，護士，公務員……份工稳定人土，專業人士……薪金優厚，就幾時都冇問題！）量力而為! |
| 14. Li2015-02-10 13:29:30 |
|
在公營房屋不足，木屋，寮屋消失了。 瞓街狂法的情況下。 細價樓基本上是民生必需品。 實行租管直至供應充足，也有道理！ |
| 15. 討論租管 和 討論取二奶2015-02-10 13:35:30 |
|
湯生話,佢沒有說要推租管,只是理性討論. 這好比,有醫生診斷新抱冇仔生,兩公婆同老爺奶奶都無奈接受.點知,八姑奶奶不停係度討論分析:"男人無後一定唔甘心的,佢遲早會取個二奶返來生架,講明啊,我係反對架,不過我細佬肯定會咁做架,計我話,如果真的要取,就必須.....1.. 2..3.." 取二奶的問題就由冇人提出變作合理化了. |
| 16. 回14樓2015-02-10 13:43:29 |
|
目前男女比例嚴重失調,在強姦案狂飆的情況下,實行共妻制,直至比例回復正常,也有道理！ |
| 17. 路人甲2015-02-10 13:51:38 |
|
要在細價樓處開刀租管?! 說易行難!!
甚麼人最惡? 窮鬼最惡是也; 仲要係呢度開刀, 恐怕反應會好大U_U |
| 18. 陸東樓2015-02-10 13:51:46 |
|
博士此話甚有玄機，印像中政府出招往往針對誠哥，好似同佢有仇，見到誠哥D細價樓咁好賣唔順超，又要整佢一🐺wok. 佔計今次當誠哥開大型新盤時就整佢等佢又冇運行，cy又幾毒。難怪明眼人都睇得出，誠哥都係怕左佢才遷册。 |
| 19. 出租未補地價居屋可增加租盤2015-02-10 13:52:15 |
|
按業權比例出租未補地價居屋可增加租盤，可阻止租金狂升，好主意！不過得罪全港私樓出租業主！ |
| 20. 路人2015-02-10 14:01:33 |
|
博士說已經研究左財仔好耐，點解咁肯定3個月內會爆? |
| 21. 政府高官迫死人2015-02-10 14:01:35 |
|
再出招就迫死這三年鎖死的新買家，而且新買家大都是自用而血汗錢，這批人過去是反樓價高又聽政府高官叫人唔好買樓等左幾年而被迫上左車一族，所以已上左車不再嘈，如果再出招比政府害沒有能力還錢，跳樓. 燒炭都係唔出奇，反正樓升左小小，我仍認為語出驚人目的是先壓一壓升勢令樓市長遠更健康，根本不能亦不應岀招，等PP兄分析一下就知實況。 |
| 22. Ng2015-02-10 14:09:09 |
|
買細價樓已被標籤為沒有實力，借貸過度既人。幾篇文章加上傳媒力吹，樓市又有新境象。好野！今日已經收到東網新聞兩次notifications |
| 23. 租管vs未補地價居屋出租2015-02-10 14:12:21 |
|
比我揀，寧願比“未補地價居屋出租”， 增加租盤，降低租金，樓價随之而降低，好處多過壞處（壞處：搞到細、中碼價私樓樓業主不能狂加租，中細碼樓價也因此不能狂升），
但總好過“租管”（租管壞處不用我多說，睇返歷史＆呢度Post…………已經有答案！！！） |
| 24. 師奶仔2015-02-10 14:12:49 |
|
洗濕左個頭, 唔驚得咁多~ 有租收, 懶得理咁多啦!
哈哈! |
| 25. RedHill2015-02-10 14:28:43 |
|
希望博士呢招出口術吾係棄車保帥... 引爆細價樓市場呢個炸彈, 保住豪宅市場自已玩開嗰pool, 吾使攬炒.....博士....明嘅....重要關頭....自求多福啦!!! |
| 27. Li2015-02-10 14:29:08 |
|
細價樓的業主有樓自住，有房收租，一定不是最窮的一群人。 反而租住細價樓的，是就無助的一群，已經是退無可退！ 租管，對佢地一定有好處！ |
| 28. Li2015-02-10 14:34:23 |
|
至於，以前租管的壞處，既然已經知道. 可以有優化的空間。 循序漸進，一步步來優化。 況且，博士也提議五年為限，以時間換供應。 問題應該不大。 業主損失的，只是預期的租金升幅！ |
| 29. 劫貧濟富2015-02-10 14:47:00 |
|
出租細價樓的小業主,唔少都係基層人士(劏房波除外),收入低過佢哋D租客.如果實行租管,豈不是劫貧濟富? |
| 30. 如果出租管, 香港經濟自由巿塲價值會變得蕩然無存2015-02-10 14:47:49 |
|
無言。。。。。。 |
| 31. 租管等於引租霸入室2015-02-10 14:52:04 |
|
TO：Li
“租管=引租霸入室（引狼入室）”，唔係預期租金上漲或樓價上漲 |
| 32. 不應討論2015-02-10 14:56:55 |
|
我認為,如果大家熱烈討論租管問題,就中咗奸計. 一開始爭論應唔應該實行,跟住就會討論如何實行,最終就順理成章立法通過. |
| 33. 包租婆元秋2015-02-10 14:57:35 |
|
我收租收親都係收年繳吾係月繳, 再出租管就加爆您租.... |
| 34. law student2015-02-10 15:01:48 |
|
似乎近日的爭議在於財仔的運作及其在物業市場既參與程度. 小弟自問唔曉財仔運作, 見呢度有的唔開名既朋友似乎認為Dr Tong唔了解財仔運作, 以至分析出錯. 如果Dr Tong對財仔運作理解正確, 細價樓上升係由財仔推波助瀾, 細價樓當然會爆煲(即係同美國次按無分別, 首先借比的無還款能力既人, 跟住按上按, over-leverage). 反之則不然. 想問下有無資深brother(亮劍兄等)可以指點下Dr Tong有無弄錯財仔運作? |
| 35. 路人甲2015-02-10 15:09:52 |
|
湯生, 咪再吹水啦~ |
| 36. 不負少年頭2015-02-10 15:11:16 |
|
湯博士講得非常有理啊, 但我始終覺得今次升市同美國的放水行為大關係多啲, 特區政府不停出招只是表面的花招, 管咗香港幾十年, 政府有齊數據, 唔駛我哋教佢哋點出.政府是唔可以出招噤低個市的, 前幾年美國一個月八百億新美元推出個市場, 都唔知幾多錢流入嚟香港買嘢, 香港要維持美元兌港幣除咗升樓升鋪外無其他方法可以對沖到, 咁而家QE停咗銀行唔駛再谷高資橙價格細碼貨倒退唔是無可能啊 |
| 37. 毋須租管2015-02-10 15:23:28 |
|
作為小業主, 不必操心,都冇能力解決租金是否太貴的問題. 這是政府的責任. 由CY當選特首一刻起,我就對解決香港住屋問題充滿信心,比小小時間佢,信相香港好快會變出好多樓出來. 宜家提租管到正式推出起碼幾年時間, 學CY話哉,供商不足已到尾聲,到時已無實行租管的必要拉. |
| 38. BC2015-02-10 15:29:12 |
|
It is more easy to estimate the supply side of housing, just count the number of flats under construction in the coming years, u will have a picture about it. But, how about demand side? Any brothers can share his view? |
| 39. 扮客打去財仔問下咪知羅2015-02-10 15:30:01 |
|
Law Student, 想知？ 買張太空電話卡，唔好用自己個電話，分分鐘比人騷擾，扮客打去財仔問，先上網做資料搜集，了解一下財仔運作，打開報紙或網上，睇財仔廣告，逐間打去問1-5線財仔，揾答案都要全面咁去，做完記得比我地知！
|
| 40. 亮劍2015-02-10 15:32:15 |
|
想問下有無資深brother(亮劍兄等)可以指點下Dr Tong有無弄錯財仔運作………………
小兄弟，呢度嘅網主有做按揭轉介同經營財仔。 我估湯博士之前有同佢咬耳仔的。 |
| 41. law student2015-02-10 15:44:35 |
|
|
| 42. law student2015-02-10 15:47:35 |
|
今次Dr Tong 似乎打開了Pandora's box. |
| 43. 中女社社長2015-02-10 16:05:08 |
|
近日湯博士對樓市大吹淡風, 當然我沒有像他看得那麼淡, 不過值得留意既地方, 係每一次樓市出現問題不外乎係借貸, 經濟及供應一方或同時三方出現問題. 至於近期升勢過急, 細心想過冷靜之後, 現在預測依然依照我的預算範圍內進行. 湯博士星期一提及財務公司借貸風險, 係基於借貸人循環借貸, 即借貸人借完又借, 以借回來的款項還債所出現的債務風險. 如果借貸是信用卡借貸, 借到最盡有限額, 但如果以物業抵押, 物業價格升幅太大就會令限額無限伸廷, 理財不善者只會借完又借, 最後無法還款而被迫賣出物業還債.
一向以來, 把手槍送給猩猩一向是極危險的事! 因為猩猩不懂開槍後的後果. 就正如爛賭一樣, 不斷借錢去賭, 是一個無底深淵! 最後破產收場.
可能大家會覺得奇怪, 這只是極端情況, 就算此等借貸數量不多, 理應對整體大市影響不大. 湯博士指出的, 是因應此等劣質借貸人因無力還款, 被金主強制賣樓即銀主盤, 而做成的連鎖反應, 因為銀主盤只望收回貸款, 絕對不會跟你以高價成交, 除了拖低大市, 銀主盤增多更會令市場氣氛憂慮後市發展. 不過, 這是他認為令樓市下跌的基本經濟因素, 是否如他的劇本而行, 有待驗證.
我的預測和湯博士有一共同點, 就是本港樓市於本年第三季起開始調整, 分別在我預算是橫向, 他預算是爆破大幅向下, 這就是大家的分別, 其實這是大家用詞上不同之處. 如果以第四浪特點, 市況上上落落以調整期來說是最正常不過的事, 問題在於波幅! 沒人喜歡摸頂買樓! 沒人會喜歡買樓後樓價調整5%至10%, 更加沒人喜歡樓價向下爆破10%至20%. |
| 44. 蜕变中嘅懒人2015-02-10 16:08:38 |
|
倡議25000 x 5年租管 、 3-6月細樓爆煲 、4按父母細樓爆变銀主盤 係湯博士己經射出嘅三支箭，瞄準嘅係意图令(豪、大、中、細、劏.......）價樓市造成大災難嘅OFC財仔怪獸，博士甘冒被財仔怪獸反撲嘅危險，俾壓力柑管局做野挽救眾生，實大智大勇，懶人佩服，如果6個月後樓市仍全面（唔止係細價樓）崩盤，係正苦唔正视博士已预警嘅危機淨係掛住食柑，如果6個月後樓市仍正常無爆(豪、大、中、細、劏.......）大鑊，就係柑管局肯做野+博士救市有功。
你想博士预言準定失準？ |
| 45. 不明2015-02-10 16:11:12 |
|
不明白為何要增加居屋供應，全新公屋轉居屋出售? 不是應增加公屋供應嗎? 調高入息標準讓更多人入住，待其入息及積蓄至若干水平再換私樓? 現在不少人以貴價買入白表及綠表居屋，若樓市真的轉勢向下，幫民政策即變害民酷刑。 還有如居屋可免補地價出租，這是否雙重福利? 如實行的話，建議向他們的租金收入收取雙/三重物業稅，以資助公屋建設。 如實施租金管制(我真心反對)，請政府設定每區租金範圍(例: 沙田第一城 $21-25呎)，實施日起全以此範圍呎租為準，對雙方亦保障。 |
| 46. 師奶仔2015-02-10 16:21:41 |
|
講完又講, 呢幾日, 天天都係爆破呀! 細價樓會暴跌呀, 等等! 聽到都好悶! (U_U)ZZZZ
租管? 上有政策, 下有對策, 我唔認為咁容易可以控制到. 現在政府做法, 同D 百厭犯事小孩的老豆老母一樣, ''我個仔一定係被人教壞的!!'', '' 以前無咁差的'' 云云. 就等於政府唔正視問題-- 重中之重: 供應不足. 佢自己教仔無方, 又賴老師唔盡責, 又賴個仔太純被人教壞左, 再唔係又壞世風日下, 個仔被牽連'' 乜都佢講, 可能個老豆/老母根本無做好自己應做的, 由得佢放任.
去到無得救果陣, 就困住個仔, 唔准出街, 群D衰朋友. (唔准個巿升, 咪唔限制呢, 限制路, 來束綁個仔囉)
有用咩?
個仔細個時要教, 去到10歲8歲教唔到拉!!!! 晒氣 (RT 咁多年有做過D乜? 唸埋D 屎橋, 又唔廣增供應, 現在反而怪其他人?!)
|
| 47. 麗娜2015-02-10 16:25:14 |
|
會不會爆煲，當然我們不想爆，但是又可能因為骨牌效應，就會連累整體經濟。
博士真的用心良苦，希望官員儘快整理博士這幾天的文章做個總結，儘快建議如果要出招，究竟出什麼招能阻止爆煲，但又不會太傷害小業主。例如：
儘快審查財仔，得知貸款情況；及review財仔監管制度，儘快改例； 收緊上車盤按揭，取消9成按保 取消SSD。。。 其他的招數，我不敢提啦，租管，唔好啦，居屋出租，我唔識，不敢評論
官員們，希望你們不要搞到我們小業主啦。
其實呢，小妹見到有些所謂投資者竟然用百多二百萬買公屋來收租，小妹真的覺得匪夷所思，那麼多投資選擇，為甚麼要高價買公屋收租呢？如果一隻牌跌，骨牌效應，到時這些投資者真的不能怪人，正如，甘多野買好買唔買走去買比特幣，無曬的錢，能怪誰呢？ |
| 48. 居屋出租2015-02-10 16:43:42 |
|
居屋出租，扣除管理費、差餉等，同政府按業權份額對分租金，是否可行？ |
| 49. Ng2015-02-10 16:59:14 |
|
諗極吾明博士為何在農曆新年前發出驚人既言輪，彷彿想樓市硬着陸宜不是擔心財仔問題。農曆新年為傳統淡季，樓市成交會自然下降。如一早覺得借貸問題大，為何不在之前提出。亦為何不提出豪宅亦有超額借貸？ |
| 50. 白武士2015-02-10 17:02:47 |
|
不知湯生是否逢三退一退到盡頭了，等待爆盤，准備以白武士出現？ |
| 51. 自我陶醉2015-02-10 17:13:45 |
|
無論財仔是如何運作， 只要有金融風險的， 金管局就應正視， 錯則改之， 對社會必然是好事， 博士做得非常對。可敬! |
| 52. 陳啟宗：港樓市三個月內難爆煲2015-02-10 17:35:22 |
|
紀惠集團行政總裁湯文亮昨於網上撰文預言，細價樓將會在三個月內爆煲，恒隆集團（010）主席陳啟宗不表認同，他認為本港樓市三個月內絕對不會爆煲，因為金管局有一風吹草動便會預警，而本港按揭情況健康。
不過，他指出，「當全世界追價時，有啲追追下可能會仆低，咁都係無辦法。」
此外，他將樓價高的問題歸咎上屆政府多年不賣地，認為現時政府已著手增加土地供應，料不需10年樓價可以回復到市民可負擔水平。 |
| 53. 湯生Fans2015-02-10 17:44:35 |
|
為什麼不見數據王PP兄的回應呢? |
| 54. 分析員隔空對戰2015-02-10 17:47:17 |
|
分析員林一鳴，今日在個人Facebook表態不認同湯文亮看法。他表示，近期細價樓升勢強勁基於5個原因，一是細價樓印花稅細；二是額外印花稅(SSD)下，盤源驟減，令二手業主叫價更硬淨；三是政府政策令樓市流轉減慢，供應減少；四是低於400萬元物業可做九成按揭；五是政府多年前停建居屋，首次置業人士迫走進私人市場。他認為，要令細價樓爆煲，必須是上述5項原因有變，令需求大減或供應大增，才會令細價樓造價急遽下跌。
|
| 55. 按居2015-02-10 18:00:16 |
|
看過幾篇博士文章，他提租管的背後原因似乎都是迫政府管財仔。
至於財仔，最佳的拆彈是叫想埋來睇的人預生散開之後引爆 - 這也是真實拆彈的安全方法！ |
| 56. 按居2015-02-10 18:02:30 |
|
...借驚租管的小巿民一齊迫政府去管財仔... |
| 57. 管財仔2015-02-10 18:21:04 |
|
呢個世界買樓又好，唔買都好，如果管好財仔, 天下太平…………唔准借錢年息超過35厘，唔准收介紹費、行政費……加起來等所有費用不得超過3000蚊，以防取巧。 |
| 58. Li2015-02-10 18:24:48 |
|
財仔的洗腦式，鋪天蓋地，合理化借錢消費，的廣告早應規管。 這是摧毀一代，兩代人的理財，消費觀念。 流毒甚深。Ff |
| 59. 引刀一快2015-02-10 18:39:52 |
|
|
| 60. 引刀一快2015-02-10 18:40:10 |
|
To 51樓 自我陶醉兄
呢舖湯生的確係威震，分分鐘效力大過DT講SSD！ |
| 61. a 70 s 2015-02-10 18:49:54 |
|
to 博士 细價樓爆上，
最重要係新樓豪宅化，呎價高但實用性太低！ 普通舊楼280 net ..或多70呎，少少地也有1房or 2 房！ 小家庭夠用！ 但而家新樓細單位 18000 net 價 280 net 尺， 真係大到不得了！ 例如佐敦柏軒，附近尖沙咀，佐敦只是10000零 net. 相差6000……12000 豪宅化樓宇， 厠所 280net 睡房 280 net 厨房 280 net 全是開放式至夠用！ 4……5M....買得開式！ 但舊樓4……5M .可買2房！
|
| 62. 自我陶醉2015-02-10 19:10:52 |
|
60樓 引刀兄
沒錯， 的確威震。 如果格林斯潘管次按可以防範於未燃， 07就不會爆煲了。 樓市爆唔爆跟本不是重點， 重要的是能健康發展， 長玩長有。 |
| 63. 子婷2015-02-10 19:25:43 |
|
很同意80/F大寶二寶兄。 在文中實在看不到甚麼有力的理由能以確信的姿態推測三個月內會爆煲... 無論如何，事情將如何發展，小妹拭目以待。 |
| 64. 子婷2015-02-10 19:27:35 |
|
按錯文章了呢。抱歉 ~_~" |
| 65. 澳門仔2015-02-10 19:36:29 |
|
睇左好耐湯生的文章，終於等到你有較為明確及指導性的預測，深感雀躍，支持你繼續多寫網誌，令我等小巿民獲得不可能靠自己獲得的資訊，早作部署。
|
| 66. 多嘴街2015-02-10 19:41:54 |
|
支持博士 同一句話，一般人講同有份量的人講，影響力當然差好遠啦！ 我話爆有鬼用咩！無論幾時爆，博士的話題巳引起香港由上到下的關注，大家小心些，預防［樓感］，幾好呀！ 上得這個台，大佬呀，你冇話比我知你唔知樓市有高低、生意有賺蝕，早幾年買落的穩坐釣魚船，怕得那麼多咩。就算跌落來，打個折，賺少些，社會和諧冇什麼不好。
|
| 67. 多嘴街2015-02-10 19:50:34 |
|
博士講： 投資物業，心態上要贏，實力上要輸得起。 我自已明白少少啦！ |
| 68. 運輸工人2015-02-10 19:54:54 |
|
|
| 69. 打工仔 Andy2015-02-10 20:31:01 |
|
今日有中介打來, 話有人出市價買我一個單位, 但係對方原來要做九成按揭, 我聽見後, 心情一沉! 我對中介說, 對不起, 我不賣了! |
| 70. liam2015-02-10 22:07:53 |
|
雖然不太理解財仔運作係咪真係好似博士你講到咁，不過借機帶出呢個議題俾社會正視下都係好事
多謝博士做第十人 |
| 71. Li 真身唔通係博士2015-02-10 22:08:14 |
|
Li， 一有機會就唔放過“針對細價樓做租管”提議，唔通真身係博士？？？ |
| 72. to 69樓 打工仔2015-02-10 22:23:49 |
|
"今日有中介打來, 話有人出市價買我一個單位, 但係對方原來要做九成按揭, 我聽見後, 心情一沉! 我對中介說, 對不起, 我不賣了! "
唔明, 無論買方打算做9成, 7成, 5成按揭, 到成交日你都會收足十成樓價款項, 為什麼你會介意你將會收到的款項是來自銀行還是買方 ? |
| 73. Li2015-02-10 22:28:40 |
|
嘩 ！71 / 樓老兄， 小弟如何敢高樊博士啊！ 有博士千百分之一的成就也甘心了。
小弟只是覺得博士今次好嘢罷了。 |
| 74. Li2015-02-10 22:31:00 |
|
72 樓的問題，小弟也想知？ |
| 75. 無名2015-02-10 22:40:30 |
|
政府係時候要出招ga la 樓主總無可能無止境升落去 |
| 76. 我是大淡友2015-02-10 22:42:22 |
|
To44樓懶人兄 你這公字我贏、字你輸，精彩絕倫，再來記乾坤大挪移把責任推向...... 為免博士再用斧底抽薪這招，我還是禁聲罷了，不然怕又抽了哪一位無辜父母官的水，罪過罪過...... 要爆的自己會爆，信市場吧。
|
| 77. Li2015-02-10 22:49:04 |
|
各位大哥，前輩， 我地是否過份妖魔化租金管制呢？ 比如說，公營事業的利潤管制，為什麼又變成了利潤保證呢？ 這個租金管制，又可否改名做租金保證制度呢？ 不過，說到底，這有日落條款，到時可以優化再優化！ |
| 78. 雲在青天水在瓶2015-02-10 22:54:39 |
|
本作者 發表於 2010-11-20 05:06 PM
⋯⋯補充兩點： ８）由於打壓措施只限住宅物業，資金除流入股市之外，也會流入商業物業，令資金流竄從豪宅／一手樓，到二手樓，再到商業樓宇的方式加速進行；
９）銀行收緊按揭成數，令財務公司的生存空間擴大，今後兩年，財務公司錢景亮麗。
4 年前對財務公司的前景預測，如今人人可見。博士如果早一些參考本人的看法，早一點投資財務公司，今日已是秋收時節。
|
| 79. Marko2015-02-10 23:03:46 |
|
湯博士13/14年叫人逢三退一，在下反而叫人不變應萬變，可以不買但別賣，雖然博士宅心仁厚，擔心小業主讀者負擔過重，但作為小小業主，賬面相差二三百萬對我們來說已是極大的影響！我選擇繼續持有物業！ |
| 80. 大寶二寶2015-02-10 23:14:10 |
|
回72, 74
咁都唔明？ 因為冇實力要做九按係呢家風頭火勢下不如唔好買。一則谷爆盤，二則當市況逆轉時毫冇防守力，盞害己害人累街坊。
打工仔兄，对嗎？ |
| 81. 打工仔 Andy2015-02-10 23:28:41 |
|
孖寶兄
全對! 㩀中介話, 對方銀根不足要做九成按揭, 問我可否交吉交易, 本來問題不大行緊生約, 但我不想賣比實力不足的買家, 唔想有乜意外累咗後生仔! |
| 82. 打工仔 Andy2015-02-10 23:32:57 |
|
老實講, 賺錢都要袋得安樂先得, 正反思博士的文章! |
| 83. 蜕变中嘅懒人2015-02-10 23:43:11 |
|
TO 77樓 LI 兄懒人想逐点同兄台討論：
兄台話：我地是否過份妖魔化租金管制呢？ 懒人答：租金管制係對業主嘅不公平條約，好處向租客倾斜。
兄台話：比如說，公營事業的利潤管制，為什麼又變成了利潤保證呢？ 懒人答：公營事業係1對多嘅專利（亦即無競爭对手）必須供應者，使用者無第二個供应者選擇，如果利潤不受管制，使用者俾供应者任意索價，如果供应者無一定嘅利潤保證就唔會投資，所以利潤要受管制、同時利潤亦要有保證，其實係同一件事嘅平衡點。
兄台話：這個租金管制，又可否改名做租金保證制度呢？ 懒人答：租管對業主方租金加幅受限制，而對租客係租金唔使加嘅保證，最重要一點係租管除咗管制租金之外，業主日落前不得拒絕租屋俾肯付（歷史）法定租金嘅租客，而租客可以唔租（例如無租交）。
兄台話：不過，說到底，這有日落條款，到時可以優化再優化！ 懒人答：無論點優化再優化，都無可能平等，平等即係無須租管，始終對業主不公平。
請指出懒人思慮不週嘅地方，謝LI兄。 |
| 84. 打工仔 Andy2015-02-10 23:46:47 |
|
|
| 85. Marie2015-02-10 23:51:52 |
|
三個月之后，個樓市升5%之內都當湯博贏! 佢應該係覺得政府想加辣，想利用媒體嘅noise 同公衆壓力去兇政府同小市民攬炒嘅後果，果真高手中高手............地主會咪呢啲囉，真係戲如人生。 |
| 86. Marie2015-02-10 23:52:33 |
|
現在泛民什麼都反，施政報告所有房屋政策只會停留在紙上，尤其佔中之後，未來一段很長時間泛民都會與梁振英及之後的特首長期對立，他們一定會盡力破壞所有未來所有有建設牲的房屋政策: 公屋條龍越來越長，私樓土地無以為繼，從而令香港樓市屢創新高。他們會不斷阻礙房屋供應，推高樓價來制造大量民怨，絕對不會容許樓市有任何調整，因為這樣只會令梁振英政府及其後繼人建立功績同民意。而泛民推高香港樓價，犧牲市民居住問題之後，就會無賴地反過來利用樓價高企、市民居無定所的問題來不斷指責地產霸權、官商勾結和政府管治能力，打擊政府威信。 所以未來政府所有房屋政策只會因此而議而不行，了無寸進，泛民亦會利用房屋問題推諉到真普選問題上，將責任推到中央政府同特首頭上。泛民不合作行動絕對系未來10年香港樓價猛升的主要引擎。
佔中之後，樓市已經又加速了，並不是因為佔中事件過去，而是聰明的投資者都看穿了這個泛民帶來的機遇；所以展望2015上車一定要快，今日的貴等於明日的便宜，我相信樓市這個"泛民溢價"未來十年甚至二十年也會持續下去，有泛民攪局，香港露宿者同劏房只會越來越多，香港樓市未來十年絕對沒有下跌空間!!
再加上全球央行輪流無限QE，要用負利率抵抗通縮，強美元同低油價令美國根本冇通脹壓力，而且美國亦唔想美金過強影響復蘇，所以美國最後可能只會加一或二次息就完成所謂加息週期，政治上泛民不合作運動癱瘓政府揾地，房屋供應斷層，大量分支家庭不問價入市，之前幾年賣左樓有實力人士又開始撲番入黎瘋搶，引致購買力源源不絕，加上樓市升左甘多，大量市民洗濕個頭，所以睇死政府一定唔敢攪啲既得利益者同近幾年上車市民，最後樓市只會再無限期不斷攀升，中原指數今年極有可能上望二百點，每兩年以一百點步伐上升。
如果有$，宜家掃貨絕對吾遲，冇$就借/按盡佢，QE陸續有來，今年美國零機會加息，預料未來一年起碼有五成水位，下年市區兩房入場起碼一千個! 新界八百個! 一注獨贏樓市真係絕對冇得輸。 |
| 87. 蜕变中嘅懒人2015-02-11 00:08:36 |
|
TO 80、81、82 大寶二寶兄、打工仔兄
佩服2位顧全大局、宅心仁厚。 而如果懒人面對2位兄台同一件事、做2位兄台同一决定嘅原因會係想反價。
我知我衰、我無用、我貪錢。 共駡之，哈哈。 |
| 88. 大寶二寶2015-02-11 00:25:08 |
|
回懶兄
你唔使讚我，你讚打工仔兄得喇，我只係代答罷。
如果係我，我可能會賣平D比佢，因為我唔賣比佢一定有业主賣比佢，一樣救佢唔到。哈哈哈…… |
| 89. 我是大淡友2015-02-11 00:26:33 |
|
To82樓 你不賣給這位仁兄他也會找別的買，對吧？ 換了層更貴的也不怕，財仔會推他上車的，對吧？ 那從你角度想他是否死得更慘烈？我不殺伯仁，伯仁卻...... 為何不打個95折呢?不會這樣做的？你情我願？ 社會風氣如此，怪誰？ 曾幾何時一元一尺地廠租不出，賣廿多萬2000呎廠廈，哪來地價?哪來建築成本?怎計算？ 地獄還是讓我來下吧，只要有人要，我賣、賣、賣...... |
| 90. 買樓小業主2015-02-11 00:28:37 |
|
我都係其中年幾前聽政府高官同金管局高層話不買樓的人當年本來淘大花園樓價一百八十萬元當年我儲蓄四十萬元本來夠比二成首期買，但聽完這批高官話樓價將大跌不要入市，不敢買了，到現在五年大約儲了五十萬元，淘大花園現在去到五佰幾萬了等了太耐又要考慮結婚結果只能坐借由度去年不聽政府蠟板高層廢話借錢上了車，像我們這批近年迫上車的大約三四十歲的人都是這樣做，去年我們不支持去佔中甚至支持政府繼續經濟發展繁榮樓價慢慢上升大家將來生活邊有改善，如果好似網主的話政府寄去搞租管，又話張樓價降低三成至五成，將我哋小市民辛辛苦苦的血汗錢蒸發，到頭來還要欠下一身債及負資產甚至破產，到下一次的政改諮詢又或者激進團體發起的佔中反政府行為我哋都決定一齊出來參加反政府遊行，我相信像我常有這種想法的小業主不少於十萬人。政府每每未能體策民情，大部份地要留比起丁屋及大地主，又怕左地區利益人士而不好好做好增加供應工作，取消丁屋政策等，玩有資產與冇資產的反資產階級鬥爭去破壞市場經濟 |
| 91. 多嘴街2015-02-11 00:31:01 |
|
我覺得博士公司有財仔牌，不過要來做生意，同業拆息媽，幾平，段估唔會放債比一般人，從紀惠的宗旨來睇。 |
| 92. Marie2015-02-11 00:46:04 |
|
- 首先用一個震撼性嘅標題加上佢嘅地位，去引起傳媒廣泛報導。
- 大家爭相討論，傳媒不斷放大財仔問題嘅影響力跟樓市下跌(爆煲)對普羅大眾(尤其近年上車人士)的災難性影響。
- 然後就會有若干傳媒或某些有心人走出來暗(明)示政府/金管不應干預市場，否則銀行唔掂、小市民受害、整體經濟受拖累云云等嚇破膽言論；亦會有一些最近上了車的人響傳媒面前預先哭喪，話好驚變負資產，被銀行call loan，講到似層層好似真係已爆煲甘。
- 政府/金管感到四方八面嘅壓力，最后都係選擇乜都唔做，免得最後被千夫所指，寧願眼白白睇住樓市爆升。
- 最後，樓市當然不會"爆煲"，而是繼續爆升，仲要連政府干預這個長期顧慮都一拼消除埋，就是這一著的重點及厲害之處。
- 名節呢樣嘢，唉.....認真?!便輸鳥。
- 三個月之後，大家便知道什麼人輸了，什麼人贏了。
|
| 93. 珍惜香港2015-02-11 02:10:10 |
|
【珍惜香港】TO：44/F 蜕变中嘅懒人 大智大勇，挽救眾生？ 就算喺 真正嘅大師，都只喺看透世情，預測世情； 但能夠準確操控宏觀結果嘅，只有神！响 市場巨獸面前，大如一國之君，都要跪低。仲記唔記得班無知黃虫？佢地面對市場，驕橫無道，結果粉碎咗自己口口聲聲要捍衛嘅 香港夢，到依家仲喺懵然不知，執迷不悟。今日，如果有人話， 要打救蒼生，我會問佢，究竟有冇諗清楚，自己要 「打」邊個， 「救」邊個？ 被打嘅，喺唔喺真喺抵打；要救嘅，又喺唔喺值得去救？對於天，一定要好謙卑。沙士果陣， 帶住口罩去睇樓，從來唔覺得自己喺乜嘢白武士；後嚟，投資物業呢樣嘢， 唔再受歡迎，我冇再入貨，亦唔講得上喺乜嘢偉大。其實， 我只喺順勢而行啫，而任何一個响經濟體裡面力求生存、力爭上游嘅參與者，亦同時給予其他經濟活動參與者生存、上游嘅機會， 呢啲就喺貢獻。 响社會裡面，喺充滿著取巧投機者、乘勢追擊者、善於渲染嘅傳媒、各謀私利嘅政客，同搖擺不定嘅羊群。博士選擇 語出驚人，引發冇人可以駕馭嘅蝴蝶效應，我不敢苟同。但既然喺用心良苦，以挽救眾生為出發點，咁我喺 衷心祝福佢成功嘅。我話， 玩曲線，同玩火冇分別；但曲線已經拋出，咁博士嘅朋友， 包括三傻，當然可以選擇讓路。不過，若見羊群於亂局之下，誤入歪路，何不一如既往，助之回正途？ 行直線，講真話，幾時都唔會有問題嘅！ 我從來行事， 三思而後行，而重點喺响三思度。 猶豫，只為深思熟慮；落刀，就必須快狠準。我話過，危機，有一個共通點，就喺選擇， 每當危機出現，都一定會涉及選擇。 一個明智嘅選擇，可以化危為機；一個錯誤嘅選擇，可以令你 PK！每一個重要決定之前，請博士三思，請政府三思，請各位三思！ |
| 94. Marie2015-02-11 02:22:47 |
|
1. 首先，用一個震撼性嘅標題加上佢嘅地位，去引起傳媒廣泛報導。大家爭相討論，傳媒不斷放大財仔問題嘅影響力跟樓市下跌(爆煲)對普羅大眾(尤其近年上車人士)的災難性影響。
2. 然後，就會有若干傳媒或某些有心人走出來暗(明)示政府/金管不應干預市場，否則銀行唔掂、小市民受害、整體經濟受拖累云云等嚇破膽言論；亦會有一些最近上了車的人響傳媒面前預先哭喪，話好驚變負資產，被銀行call loan，講到似層層好似真係已爆煲甘。
3. 政府/金管感到四方八面嘅壓力，最后都係選擇乜都唔做，免得最後被千夫所指，寧願眼白白睇住樓市爆升。
4. 最後，樓市當然不會"爆煲"，而是繼續爆升，仲要連政府干預這個長期顧慮都一拼消除埋，"揭政府底牌"就是這一著的重點及厲害之處。
5. 名節呢樣嘢，唉.....認真?!便輸鳥。
6. 三個月之後，大家便知道什麼人輸了，什麼人贏了。
最近個市可能會因為呢篇文章而成交有些放慢或者有若干業主會冇以前企得甘硬，放盤亦有可能會上升，AA會不斷call業主恐慌性賣樓，個市然後會靜同談一陣子，所以我說這一段"靜"的日子會是一個好好嘅入市機會，因為大家三個月之後都睇穿了政府/金管最後都係冇料到嘅時候，啲錢餓一排又再報復式入市，所以未來一年個市反而會因為少左政府/金管干預這個主要後顧之憂而更加瘋癲 (因為呢篇爆煲大作將政府/金管最後底牌都揭了出來!)，以及升勢將會更加持久及有力。 |
| 95. 上環永利威酒莊2015-02-11 03:23:49 |
|
賤蟹男上環永樂街[老千家庭全家老千做生意程超豪] Wing Lee Wai 1987 |
| 96. 愈黎愈唔明2015-02-11 06:35:08 |
|
今朝睇動新聞，博士話林一鳴誤解左佢，又話3個月後指數升10%都唔出奇，愈黎愈唔明，又話爆煲，指數又升?我好暈呀。。。。 |
| 97. 引刀一快2015-02-11 07:09:52 |
|
to 96樓兄台
得閑睇下三國，好多嘢都會心領神會。 |
| 98. 打工仔 Andy2015-02-11 07:59:58 |
|
孖寶兄 懶人兄 早晨,
其實我無咁衛大, 過咗年先算! 哈哈哈! |
| 99. 細樓大好友2015-02-11 08:12:54 |
|
博士一時一樣，時好時淡，
睇唔通，被你嚇到出左貨又或者自住樓都賣埋果啲。。。
今翅仆街鳥。。。。 |
| 100. 。。。誓要去，入刀山，浩氣壯，過千關。。。2015-02-11 08:19:48 |
|
基本上，大部份財務公司都同黑社會有或多或少嘅關係，湯博士要政府嚴管財務公司肯定會得罪晒大部份香港嘅黑社會，好lun大鍋呢 ^_^
幫博士上翻枝香先。。。。。。。。。 |
| 101. 蜕变中嘅懒人2015-02-11 08:49:24 |
|
回93樓 珍惜香港兄
珍港兄对問题每有令人猛然醒悟嘅真知灼見，懒人一向拜服。 對於湯博士今次驚港之舉，起初亦使懒人大吃一驚，過度反應，也許是正中博士下懷，畢竟博士閱歷遠於懒人之上，事情發展至今我完全認同博士嘅心意及處理手法，最重要之處係基於認同博士係宅心仁厚，為蒼生而非為利是图嘅好人。
請容許懒人以一個為視光師學生時嘅小插曲為例，支持博士今次嘅善意圈套： 當時理工舉辦免費為任何正配戴隱形眼鏡人仕免費覆驗，而在小休時課堂上有講師問咗一個問题，你對一位剛喺外面相熟多年、極信任嘅眼鏡店配咗一對隱形眼鏡不久，自覺完全無問题，只不過貪免費而又順便過來覆騐，但經過以精確儀噐及過程仔细檢騐後，發覺呢對鏡片有潛在問題，若再配戴一段時間必對眼晴造成損害，你會如何處理？ 當時大部分同學答，說明鏡片不应再戴後，提議客人回去叫店員更換，或自費在理工過另一對鏡片，最後講師問懶人（因為懶人係高材生，如講師對答案不盡滿意，必係最後被問嗰個）。 當時懶人答：（將問题合理地盡量誇張嚇一嚇佢先。）即時哄堂大笑，但講師嚴詞正色道：（你哋笑乜野？應該係咁做！）
兄台話：（我從來行事，三思而後行，而重點喺响三思度。猶豫，只為深思熟慮；落刀，就必須快狠準。我話過，危機，有一個共通點，就喺選擇，每當危機出現，都一定會涉及選擇。）
懒人深信博士己經：三思而後行。猶豫，只為深思熟慮；落刀，就必須快狠準。危機出現，都一定會涉及選擇。）而博士己經選擇咗合適嘅刀法。
懶人如有歪理，請不吝指正。 |
| 102. 自我陶醉2015-02-11 09:11:02 |
|
To 96樓
博士意思應是細價樓在三個月內將見頂回落， 所以在此前的走勢還是向上。 |
| 103. 80後小小業主2015-02-11 09:16:36 |
|
我都是剛上車的80後（14年中），因樓價升只買到舊單幢樓。我贊成規管財仔，但不贊成取消九按。九按下有壓力測試，供的人財政狀態多少被審查過（如我工作很穩定，只是眼光不夠好，沒有早一兩年入市，所以買的東西已經不夠好，但我工作十分穩定）。另外當年好多人用95按上車，他們發了達就要封後生後門?那太自私了。
將心比己，即使我有瓦遮頭，但我很明白沒有家底大部分平凡80後的苦況。 |
| 104. 麗娜2015-02-11 09:42:51 |
|
93樓珍惜香港，101樓懶人前輩：
你們這幾天的留言是最亮眼的，謝謝！ |
| 105. 珍惜香港2015-02-11 11:38:27 |
|
【珍惜香港】TO：101/F 懒人兄 記得果次分享 2003 年發生响我身上嘅 故事， 小陽姐話我執生， 自醉兄就話喺非常規手段喎。 其實，如果只喺面對緊 一個客，又或者 一個機構代表嘅話，稍有異動，執生喺冇問題嘅。 但當你要面對 數十萬，甚至數百萬嘅羊群果陣，稍有異動，唔知你又點執生？ 羊群，喺唔嚇得架！仲要誇張嚇一嚇？呢個唔喺一般嘅蝴蝶效應，當中引發嘅每一波，你喺估計唔到。而响社會裡面，除咗搖擺不定嘅羊群之外，仲充滿著取巧投機者、乘勢追擊者、善於渲染嘅傳媒、同各謀私利嘅政客。呢啲人，你唔認識，又睇佢唔到，但唔知幾時，就會出嚟殺你一個措手不及，你又點頂？ 都喺果句， 我喺衷心祝福博士成功嘅。呢鋪真喺兵行險著， 就算唔喺，都要視之為喺。所以點解我請博士嘅各方好友， 包括三傻，唔好只喺讓路，若見羊群稍有異動，或誤入歪路，應一如既往，助之回正途。 三思而後行，唔喺淨喺第一步， 之後，仲有好多步，都要三思而後行！ |
| 106. Oscar Lam2015-02-11 16:35:47 |
|
各位師兄，
君子貪（不是貪污）財，取之有道！
共貪之，哈哈！
87. 蜕变中嘅懒人 2015-02-11 00:08:36 |
| TO 80、81、82 大寶二寶兄、打工仔兄
佩服2位顧全大局、宅心仁厚。 而如果懒人面對2位兄台同一件事、做2位兄台同一决定嘅原因會係想反價。
我知我衰、我無用、我貪錢。 共駡之，哈哈。 |
|
| 107. 蜕变中嘅懒人2015-02-11 22:29:17 |
|
TO 105樓 珍惜香港兄佩服兄台一向心思細密、謹言慎行，觀察變局確有一番真知灼見。 懶人駕馭一個客人心態自問游刃有餘，但面對一大堆羊群、兼有一大群掠食猛獸環伺在側就非懶人能力所及，不單止救唔到啲羊、隨時連自己都壯烈犧牲成為猛獸點心；但湯博士何許人也，懶人深信憑藉其江湖閱歷、社會地位、人脈關係、高瞻遠矚、预見能力必定可以運籌帷幄於股掌、决勝於樓市於失控之中，事情經數日發展下來，博士應己成竹在胸、得失成敗早己計算週詳，對此，懒人充滿信心。 |
| 108. 我只是個多口的老香港不是什麼大師2015-02-11 23:40:20 |
|
To：珍惜香港兄 引： 就算喺真正嘅大師，都只喺看透世情，預測世情；但能夠準確操控宏觀結果嘅，只有神！
响市場巨獸面前，大如一國之君，都要跪低。仲記唔記得班無知黃虫？佢地面對市場，驕橫無道，結果粉碎咗自己口口聲聲要捍衛嘅香港夢，到依家仲喺懵然不知，執迷不悟。今日，如果有人話，要打救蒼生，我會問佢，究竟有冇諗清楚，自己要「打」邊個，「救」邊個？
珍惜老兄這麼大的帽子叫人怎扣得下？
還是老伴説的對，做人眼濛耳聾就算了，唔死也大半百了還理那麼多做乜，該死的唔駛病，要受苦的人總有他的原因，何必去招風雨呢！去執吓紙皮食多籠蝦餃啦...... 唉，覆巢之下那有完卵，博士做得對，把點子放上抬面譲市場自行拆解，各安天命。 博士好比法團趁財仔未殺到前出手註契追收管理費，既能保障無辜小眾業主，也對社會盡了道義，這功領定了，對吧。 |
| 109. 珍惜香港2015-02-12 01:09:31 |
|
|
| 110. 蜕变中嘅懒人2015-02-12 04:44:21 |
|
懒人係財經盲毛、對於財務公司運作，九竅只通一竅，人人話財仔做二按無契在手，無可能收樓變銀主盤，但係亦有路邊報導話：
有業主直接放契向細財仔1借錢，細財仔1向細財仔2班水，細財仔2向細財仔3班水，細財仔3向大財仔班水，大財仔將收集嘅一揸樓契緄綁向銀行以商業貸款形式借；
又或者多個細财仔以樓契向同一大財仔班水，同樣，大財仔將收集嘅一揸樓契緄綁向銀行以商業貸款形式借，细財仔除樓按外多數無乜其他業務，直接同銀行借嘅將會俾塵得淋新例廹倉，而大財仔就有其他生意業務罩住無問题，博士所謂12000單4按會唔會包理呢渣大財仔緄綁契呢？
部分细財仔除樓按外多數無乜其他業務，直接同銀行借嘅將會俾塵得淋新例廹倉，博士口中步置追数中嘅財仔，會唔會就係呢啲少數直接同銀行掛鈎嘅放贷人呢？博士今次最終嘅目的係唔係警告塵得淋新例廹倉唔好迫得咁急，以引致樓市震盪，又警告正苦唔好同時出口術或步處出招双重震盪，引發環環相扣嘅樓市連鎖反应倒下呢？
以上段嚿估情況係唔係博士孤注一擲押上名聲，用旱天雷方式去救市嘅終極目的呢？到現在仲係一個謎！ |
| 111. 引刀一快2015-02-13 03:02:19 |
|
懶人兄
唔駛咁心急搵答案，我認爲今次如果要爆，一定係幾個原因相互作用下催生嘅，依傢大陸又印銀紙，會唔會有班人，監住BSD落嚟搶貨都未知，又或者上面樓爆浮面，我依傢睇多過諗。 |
| 112. 蜕变中嘅懒人2015-02-13 07:19:17 |
|
TO 111樓 引刀一快兄，早上好近日鋪天蓋地駁斥同揣測博士突然高調唱淡背後動機，各式數據、專家、學者、傳媒、大細財仔、甚至政府、地代及細價樓有關者都紛紛捲入旋渦，可見博士言論實對地產界舉足輕重，目前可說是毁譽参半。
懒人諗得簡單，最主要嘅原因係博士洞察咗一般人睇唔到嘅危機，急瘋了但不純為私人利益，博士將會求仁得仁，輸比贏更有意義，所以懶人對博士突然高調唱淡事件係肯定而敬佩。 |
| 113. 蜕变中嘅懒人2015-02-13 07:27:32 |
|
最主要係博士贏咗令事件得到政府同社會關注，而將自己應贏而變輸，或者正係博士所講嘅社會責任大於一己名聲，懒人自問諗唔到，諗得到都做唔到。 |
| 114. 引刀一快2015-02-13 11:20:33 |
|
懶人兄，早晨
湯生今次唔會毀譽參半，一句天下應，係威震武林就真，江湖地位得到廣泛認定，三到六個月之後，邊個夠膽抽佢後脚，咪盞俾人圍攻。
|
|
|
|
|
