【珍惜香港】TO：5/F 法子
其實閣下提到
仲裁，已經令我聯想起張炳良話會再研究
租管呢件事。
乜九唔搭八？租管關仲裁乜事？咁又喺，兩者嘅層次差天共地，不過呢個唔喺層次問題，而喺
基礎理念嘅問題！
之前我
講仲裁，講到好火，後嚟我向博士
道歉，跟住竟然有人
响我後面講埋哂啲乜乜
租管同
空置稅；呢個人真喺唔識趣，我同博士道歉，喺因為語氣太重，而唔喺立場轉軚！如果政府真喺玩租管，我喺會好似我講仲裁
果篇嘢嘅最後果段咁話，攞番段留言出嚟！因為我講嘅
基礎理念問題，正正就寫咗响果篇嘢嘅最後果段裡面：
必買必賣必租！
一個公平嘅商業交易，喺基於
合約精神；而一個公平嘅合約，喺要雙方完全
了解及同意裡面嘅 terms，先至可以 commit。而响一個商業合約裡面，
價錢，就正喺一個最重要嘅 terms！冇一個
確實嘅價錢，commit 啲乜？
响呢個世界裡面，只有一種交易，未知價就要 commit 咗先，呢種交易有個名堂，叫做
賭博！
點會喺賭博呀？雖然冇一個確實嘅價錢啫，但喺我地有個
「機制」嘛！大家就喺去 commit 呢個「機制」，由呢個「機制」run 出嚟嘅價錢，就必買必賣必租，咁咪可以保證呢個交易，一定唔會告吹囉！哦，原來喺咁！咦？响賭博裡面，大家都喺 commit 一個遊戲規則，而呢個遊戲規則 run 出嚟個價，又喺一定要接受喎！
如果喺賭博，無論個「機制」喺點，個價都由
天決定（出千除外）；但如果喺一個第三者判定嘅「機制」，咁就即喺人為啦，
人為去定價，雙方就一定要跟？果個喺乜嘢人？專業人士？政府？我咁多球買咗個物業，我鍾意自住又好，放租又好，空置又好，關你政府乜事？我租咗俾人之後，點解人地只要肯俾由政府呢個
第三者定嘅租金或者加幅，我就一定要
一世必租俾佢？租約一喺唔簽，一簽就一世？有冇搞錯！層樓喺我嘅，定喺你嘅，定喺政府嘅？不如咁，你政府立例要所有僱主一喺唔好請人，請就請一世，除非個僱員唔同意由政府呢個第三者定嘅人工或者加幅，否則唔准炒，睇下會點？
當日我之所以批
仲裁，唔喺因為方法有錯，唔喺因為「機制」唔啱，而喺因為個
基礎理念，根本就有問題！政府要達到施政嘅目標，喺應該制訂
積極正面嘅政策，
鼓勵羊群
自願去配合，而唔喺搞埋哂啲
消極負面嘅嘢，
強迫人地去做。就好似我
前晚發果個夢咁話，喺要令到啲人自願消費去刺激經濟，而唔喺去搶！如果庸梁真喺有嚴重地產商畏懼症嘅話，就不如揾唐英年幫幫手，叫佢帶幾支私人珍藏嘅紅酒，過去同啲地產商摸摸杯底，唔掂傾到掂；有時啲嘢，
唔一定喺個價嘅問題，一啲
雙贏政策嘅配合，一樣可以達至共識。
董曾當年就喺冇呢個大將之風，
矽港計劃先至會告吹。所以點解我果次咁話，如果曾蔭權真喺要道歉，對象應該喺幾十年嚟為香港打江山，最後將自己畢生嘅技術轉移到內地，淪落到失業嘅香港科技人才，而唔喺啲小業主。不過鼓勵
酒店投資，董曾反而又識得向發展商提供
拆售嘅優惠條款喎；人地當年肯
淡市投資，今日
收成正果喺
理所當然，況且要舒緩樓市供求，酒店易過工廈啦，何樂而不為？點知庸梁一招莫須有，就將呢樣嘢硬拉落嚟；同呢啲食碗面、反碗底嘅人做生意，真喺冇下次。
所以話，以前香港搞
租管，點解搞極都喺一鑊粥咁，唔喺因為方法有錯，唔喺因為「機制」唔啱，而喺因為個
基礎理念，根本就有問題！租金、樓價，本身就應該由
市場決定，就算政府要做嘢，都應該喺通過
積極正面嘅政策，例如提供稅務優惠之類，去
鼓勵業主
甘心情願咁租平啲，而唔喺搞埋哂啲乜乜租管去迫佢地就範！
不過咁，庸梁呢種咁好大喜功嘅人，一刀切嘅簡單嘢就啱佢，租管咁複雜，唔會喺佢杯茶。呢樣嘢，我好似
之前提過，但喺如果俾佢搵到個
Shortcut ... 咦？仲喺正月喎，唔講啦！
