很多人唔係幾明白，既然中央政府暴力救市，國內幾種指數都止跌回升，但點解昨日恆指會大跌800幾點，早幾日，國內股市大跌，香港反而唔跌，昨日，國內唔跌，香港大跌，叫人摸不著頭腦，其實道理很簡單，不少在香港有買股票的國內人，昨日賣走港股，轉買A股，行內人叫轉倉，與股民賣走一隻股票，同時間買入另外一隻股票的道理一樣，不過，相隔兩地，用轉倉來表達就唔係咁貼切，用班資回朝比較好。

　　在過去幾年，有很多評論員預測香港樓市會大跌，除了耳熟能詳的辣招，加息外，班資回朝亦是其中一個原因，我不斷反駁，認為已在香港置業的國內人，唔會無端端賣走香港物業，將所得款項匯回國內，因為成本是很高，除非唔再打算在香港置業，如果真的是要班資回朝，首先都會考慮賣走股票，他日要再回購亦很容易，成本又不高，不過，衰在太多人做相同動作，所以累到香港股市大冧，大家又千祈唔好忘記，有危才有機，昨日成交量超過2,000億，即是有很多人趁低吸納，其實，趁低吸納是股票市場自動調節機制，政府毋需干預，而政府出招支持，以為幫那些股民，其實是弄巧反拙，幫了人仲會俾人鬧，最少，那些準備趁低吸納的投資者就不會滿意政府這種行為，甚至會有人說政府毀了他們的生計，官員們未必知道，毀人生計者如殺人父母。

　　大家唔好以為持有股票，甚至大量股票的人一定望股市不斷飆升，其實，很多玩股票的人希望股市久不久就大跌一次，好讓他們趁低吸納，如果股市不斷飆升，始終會令到那些股票持有人賣走他們的股票，但當他們賣走股票後，如果股價不跌至一個極低水平，他們是不會再入市。在物業市場亦有同樣情況，不少在過去幾年睇淡的人，他們當中有不少持有相當多物業，但仍然不斷說樓價會大跌，他們更加希望國內人班資(金)回朝，以低價出讓在香港資產，老實說，樓宇的機會就很微，股票的機會就大得多，昨日香港股市雖然大跌，但亦有不少人很開心，他們當然不是變態，只不過他們能夠用低價買入值得投資股票，雖然冇人知道股市日後走勢，但在他們來說，已經是買了平貨，心理上好似賺咗錢，相當滿足。