| 瀏覽人次 : 71018
回應 : 132
|
買貴即是買錯
湯文亮博士
紀惠集團行政總裁
2015年4月16日
有老友的兒子問我現在好唔好買樓，我回答話如果是豪宅或者中型住宅，現在仍然可以考慮，我並不是這兩類樓宇有大幅上升空間，而是抗跌力強，就算樓價回調，我相信跌幅亦不會很大，但買細價樓就要小心，因為在過去一年，細價樓上升超過三成，如果唔係有SSD，已經有不少人獲利而將近一,兩年內買入的細價樓賣走，而且，買細價樓的人借貸比率高，防守力薄弱，當樓價下跌時，他們是最先守不住的一批人，所以，等等比較好，況且，就算整體樓市上升，今次將會集中在豪宅，而中型住宅亦將受惠於換樓人士，升幅將高過平均值，不過，我知道我朋友的兒子打算買細價樓，所以我的說話唔啱聽，但我亦想不到他拋出一句，話我的網友都說我英雄遲暮，實在唔應該問我，我對他說，我的網友就錯了，我從來不是英雄，只不過是一介庸俗商人，在網站寫吓文章，大家睇，我當是一種緣份，唔睇，我又沒有損失，至於是否遲暮，就睇個人心態，如果做人沒有目標，二十歲都可以遲暮，我認為講這句話的網友就錯了。
我朋友見我有少少不悅，立刻打圓場，始終都是父子情深，所以他說現在買樓是沒有錯，最多是有買貴冇買錯，很多人被這句說話欺騙，或者這是他們自己欺騙自己的說話，點會有買貴冇買錯，買貴即是買錯，買貴即是付出溢價，而溢價就是買錯的價值，不過，如果溢價可以令其他物業增值，而增加的價值又高出溢價很多，這樣的買貴當然是沒有錯，好似現在的創新高價，如果可以令附近的新樓盤增值，買貴當然是沒有買錯。
現在買二手樓，都是那些業主逢三退一退出來的物業，質素當然是會比較差一些，但要價絕不便宜，現在樓價飆升，大家都知道是供應不足，但這個情況正在改善，否則，地產商都不會以二手樓市價賣樓，當供應回復正常，那些質素不佳的樓宇跌幅會比正常大，那些當時心急買樓的人便會安慰自己說有買貴冇買錯，是否真的是如此，大家亦心知肚明，所以，我認為買貴即是買錯，不過，用一些說話來安慰自己亦不是壞事，我亦應該隨波逐流說，有買貴冇買錯。
|
|
|
|
|
|
|
|
|
|
|
|
"現在買二手樓，都是那些業主逢三退一退出來的物業，質素當然是會比較差一些"咁都得？現在市場上供應的二手樓房，都是那些業主逢⋯⋯⋯⋯，實在說不出口，sorry！ |
| 3. Uncle Richard2015-04-16 09:02:20 |
|
好多人心態喺租屋喺幫人供樓，點解唔自已去供。但佢哋冇想到，供唔到會點呢？或者經濟不好，到時點呢？現在香港人唔會想呢樣，到時，又話政府錯！😊 |
| 4. 豪宅抗跌力強﹖豪宅業主防守力強﹖自己睇2015-04-16 09:13:49 |
|
新界豪宅四宗損手 比華利山別墅最傷
大埔「皇宮屋」蝕千萬 | 7,543 | 【本報訊】樓價越升越有，新界三大豪宅蝕讓王卻逆市連環蝕讓，半月至少四宗。被視為「風水寶地」的大埔比華利山別墅出現首宗皇宮屋蝕讓，內地豪客購入巨屋齋擺四年變銀主盤，剛以1.23億元易手，賬面慘蝕逾1,100萬元。
記者：朱連峰 新界洋房地點偏僻，買家高價接貨後難甩手，樓王都要蝕讓收場。比華利山別墅錄首宗「皇宮屋」蝕讓，位於3期湖景道單號屋，建築面積逾萬方呎，達11,111方呎，屬屋苑其中一間「皇宮屋」樓王。原業主為內地客，2011年5月透過香港嘉捷地產控股有限公司，向恒地（012）以逾1.34億元購入，公司董事方武喬，報住深圳福田區。 內地客買入四年未入住 內地客購入洋房時不包裝修，屬清水屋，購入後亦一直沒有入住齋擺，至今屋內地台仍是石屎。洋房由渣打銀行提供一及二按，至去年底因斷供被債權人收樓，淪為新界近年最大宗銀主盤。
皇宮屋淪為銀主盤放售多時，終勁蝕收場。中國康樂園地產分行經理周偉航表示，洋房剛以1.23億元易手，以實用面積6,697方呎計算，呎價18,366元，內地客賬面勁蝕逾1,100萬元，若計及釐印費及佣金等開支，料蝕近1,900萬元，為繼港島壽臣山Shouson Peak一洋房去年12月勁蝕4,000萬元後，市場最大宗蝕讓。
嘉湖山莊日前錄1997年首宗千萬成交，一個複式戶造價1,050萬元，比華利山別墅蝕讓金額已買到這嘉湖樓王有餘。該皇宮屋去年底曾拍賣，底價1.17億元，即使獲承價搶高至1.43億元，銀主卻未到價拒賣。
上水「鬼城」天巒亦錄蝕讓。消息指，莫里茲大道單號屋，實用1,600方呎，剛售2,680萬元，呎價16,750元。土地註冊處資料顯示，原業主為真榮家具有限公司，公司董事包括陳麗冰及趙維真，報住該洋房，2012年4月向新地（016）以3,093.2萬元購入洋房，賬面蝕413.2萬元，連使費料蝕約571萬元。
豪宅成交回暖。代理指淺水灣冠園低層C室售4,580萬元。中半山曉峰閣2座高層A室亦售1,460萬元，呎價21,566元。  |
|
|
我睇借財仔上樓的, 一樣當交租, 但是負担與風險, 慘過租客.
|
| 6. 小寶神功2015-04-16 09:21:43 |
|
年初約定一齊唱淡, 這裏已差不多盡是淡友主塲，唱好就比人狂炳，客觀講、目前有幾類情況 1：層樓自住概--理得阿水豬up樓市狂升定爆煲，不買不賣 2：想換層樓upgrade下---理得阿水豬up樓市狂升定爆煲，高賣高買 3：有閒錢想買多間長收租--理得阿水豬up樓市狂升定爆煲，長揸冇有怕，有買貴、冇買錯。 學韋小寶神功最好！ |
| 7. 蜕变中嘅懒人2015-04-16 09:30:45 |
|
內地打贪豪客失踪，銅鑼湾贵鋪租值大跌3成，空鋪處處。 自由行缩水，普通鋪亦受銖連降價。 股市被内地資金及熱錢舞高弄低，多年蟹貨速鬆梆變現上車避再交租。 細價樓需求突增，比中、大價樓更穩固。 手持4隻小豬只租絕不放售，估計升到年尾無難度，只望平穩上升，唔好似股市急升，啊彌陀佛。 |
| 8. 打工仔 Andy2015-04-16 09:41:25 |
|
買貴是多付金錢, 但買入的樓房住得好好, 買錯是買入的樓房跟不合用就是買錯！ 好似買錯大件是d喎！ |
| 9. 蜕变中嘅懒人2015-04-16 09:45:02 |
|
對於在04年樓市入夠貨嘅人嚟講，升咗幾倍，跌3-5成都唔痕唔痛，停咗未驚過，97年大蟹貨都返咗家鄉啦，出力揸實、唔好縮窒，拍吓心口、終歸賺突。 |
| 10. 支持博士2015-04-16 09:53:33 |
|
大跌大即，物業會跌67成，有樓一定要盡怏賣 |
| 11. 蜕变中嘅懒人2015-04-16 09:54:26 |
|
懒人06年中4球買君滙港，10年頭3球蝕讓嘟無人吼，你話爆未，焗揸住收租到13年賣咗7球，連租金執3球幾，你話驚乜？唔好自己嚇自己。
没有買貴、只有賣貴。 |
| 12. Richard Tong2015-04-16 09:57:06 |
|
良藥苦口, 忠言逆耳.. from 过來人. smile |
| 13. 證人2015-04-16 10:04:14 |
|
"有買貴冇買錯", 係股壇常用語.
我見有留言者話有兩層樓, 一自住, 一出租, 就算跌都攬住不放, 收多幾年租就打和, 我唔想勸佢賣樓, 我有股齡數十年, 有明言話唔好同股票結婚, 即係值得放就放, 到時跌番就一場空.
我想同讀者計一下數, 一層細樓, 收租12000, 除管理費差餉, 實得11000, 如果樓價跌一成, 係40萬, 要收3年租, 跌3成, 要收十年租, 到幾年升番, 你其實輸過啦, 在守住呢幾年, 仲要諗埋維修費, 講緊幾十萬, 所以買新樓好過買舊樓. 我唔主張賣自住樓, 係最後防線, 股語云, 有食唔食, 罪大惡極.
我自報係睇淡樓市, 炒得太高, 過咗龍, 唔駛博士先生唱淡, 樓市難逃一跌, 我認為下跌之中, 係全面下跌, 不分細, 中, 豪宅, 覆巢之下無完卵, 我認為這次 "北水南調 "對樓市冇幫助.
|
| 14. Hit girl2015-04-16 10:05:58 |
|
同意9/F 反而豪宅好多貴97幾倍，離哂潽，現在才唱要買就買豪宅的人居心可測，誠哥最老實，現在開過千呎大單位呎價都會平細單位一、二成，而且想買細單位則要由合併買大單位才得優先。話晒中小型單位輸極有限，豪宅則輸身家，08年見貝沙灣賣4千血流成河，現在賣兩萬幾，你話一件貨輸你仟幾二千萬傷定係輸件自住細單位危險吖，的確實係無論香港及澳門冇左大陸條水，豪宅都冇乜成交，一成交就大跌，大家唱好只是想頂住等斑傻仔接貨，反而中小型單位是剛性需求，守得好穩，而且長升長有，我看今年中小型單位全年升最少二成，而豪宅相反會跌2-3成。 |
| 15. 蜕变中嘅懒人2015-04-16 10:06:36 |
|
腦內得2隻耳仔，命運是悲慘的。 |
| 16. 山高雲低2015-04-16 10:06:50 |
|
博士: 發展商之所以賣二手價，一方面當然是吸二手客，但更重要的原因是不想在熾烈的樓市中再加把火，因為燒得快，雖然燦爛，但也只是剎那光輝。 要長玩長有，就要慢火煎魚，這樣才有魚香。假如發展商MARK高個價，你說社會將有幾多燥音? 何不順水推舟，羸得社會良心之美。 如果發展商睇淡，就不會政府地，推一塊，吸一塊，而地價一點都不偏離樓價SPOT。
|
| 17. CL2015-04-16 10:19:24 |
|
湯博士你好，最近看你的專欄實在獲益良多。 你說現在買“豪宅或者中型住宅，現在仍然可以考慮”。請問精品豪宅（即500尺樓下，尺價約$18k）是否包括在內？ |
| 18. Alan Pepper2015-04-16 10:36:02 |
|
Thanks Prof,
I don't understand why people would attack others because they don't like what they see. Nobody forces them to read your articles...
Anyway, long time no see everyone. Good day! |
| 19. 流浪漢2015-04-16 10:38:12 |
|
『現在買二手樓，都是那些業主逢三退一退出來的物業，質素當然是會比較差一些 』
我唔敢講全部都係，不過，以我睇樓去年及年頭睇樓所見，我是認同博士今次呢句野。
- 全新裝修，極少，不過可以話無，因為你去到睇果秒鐘基本上早就已被秒殺，太空價
- 換樓客放盤四正裝修即時舒服入住果D，好少盤，有都叫價叫到離晒地
- 一般盤源多數係收回的放租盤，原裝裝修，睇你搵唔搵到保養好D既，呢D盤會銀行到價，問AA基本上都check到業主不只一套物業或全家一人一套果D
- 爛盤，擺三個月都無人買，廚房乜都無仲係得張磚頭台，呢D可以鋤低銀行估價一成
不過，呢個現象亦可以理解為確實盤源少，供不應求，唔一定係大把人拋貨
|
| 20. 珍惜香港2015-04-16 11:00:17 |
|
【珍惜香港】呢排股市當旺， 博士話，冇買港交所， 長在後悔中。今日，博士又話， 買貴即是買錯，唔知今日追港交所，又算唔算買錯？千祈唔好誤會，我唔喺想買港交所，我從來都唔沾手股票嘅。 我想話，如果你當日見個市淡，但又睇好將來啲 乜通物通，遲早開通，於是入定港交所長揸，但你又唔喺成日睇住個市，隨時手痕痕沽貨果種人，咁，你就可以玩股票啦！不過，如果你喺另一種，個市當旺就好興奮，當淡就好沮喪嘅炒友，咁，我就勸你，唔好掂股票呢樣嘢囉！ 今日聽到有朋友問，如果天降橫財，你會點用？ 不如我就問下大家，今日， 如果你中咗五千萬六合彩，你會點用？唔好同我講話會捐咗佢，呢個答案唔算數。 |
| 21. 亮劍2015-04-16 11:04:59 |
|
珍惜香港兄，你好似無畀答案我……哈哈！
小弟問過不少朋友，「如果你天降横財，你會不會去置業？」
原來有成一半以上受訪者會考慮喎。
那麼呢個股市牛三，大家估可製造多少個購買力？
香港人生於呢個三大金融中心的地方，不少人都有一定嘅投資經驗。
講到投資，因為股票入場門檻低，而且豐儉由人，不少港人都玩翻兩手。
近呢十年八年，因為好多人被迫供「強迫金」，使香港的市民，認識乜東東係平均分段式吸纳法。
香港的首置人士，呢弍叁拾年班首期的方式，除了阿爸阿媽借/畀/ 殿住先外，不離下列渠道:
1 儲蓄……10多20年前，不少港人曾在中資銀行做「零存整付」，息率绝對唔低，如果持之而恒，置業夢可成。
2 投資……不少人買股票及基金去為財富增值，而近呢十年八年，不少人以定期分段供股票或基金，如揀選股票或基金無大差池，咁呢幾年升幾成不難達到，打個譬喻 ，你今年初累積咗 40~50 個， 本想储多兩年就可作置業首期，但上個星期大陸大妈，因得阿爺首肯，蜂湧打錢入來香港股票市場，炒到個市澎澎聲，而引發嘅連鎖效應，又攪到歐美大型基金要狂補淡倉。
如此這般只要你持有當炒股，這幾個月身家升幾成非常正路。要是個零月打後，個市仲係有成 2000 億以上成交，而恒生指數仲喺 2萬7樓上，咁能踏上置業階梯者，就是成仟上萬。
呢次股楼互動反覆上升，實屬合理推算，你 CY、矛波、炳良、陳总……非戰之罪，因為阿爺為保經濟，焗住放水，你們呢鑊有得賴！
|
| 22. 打工仔 Andy2015-04-16 11:18:46 |
|
|
| 23. 平隱2015-04-16 11:23:00 |
|
To: 13樓 證人 你講的正係我的想法, 剛賣了沙田第一城的細單位, 下星期成交。如果樓價跌一成要收四年租, 兩成就八年租，所以決定一次過賺廿年租算啦。 博士亦講中了，我就係其中一個逢三退一，求平隱。 |
| 24. 證人2015-04-16 11:40:48 |
|
樓價對上一年升15至20%, 黎緊跌番20%, 話都冇咁易! 再升20%? 今晚早d瞓.
|
| 25. 打工仔 Andy2015-04-16 11:44:52 |
|
|
| 26. 流浪漢2015-04-16 11:44:53 |
|
23. 平隱
你覺得20年，菠蘿飽幾錢？
你係其中一個逢三退一，除非你真係天降橫財，或者你收入大又巨增過壓測，而家辣椒下，你想做按揭買返？？仲有SSD？？
你而家的確求平穩就岩喇。
|
| 27. 蜕变中嘅懒人2015-04-16 11:45:49 |
|
TO 19樓 流浪漢兄
懒人話：現在要裝修人工非常貴，而且好難揾人做，肯唔計價揾到人做都拖一段長時間至交到樓俾業主，所以大部分兄台見到嘅樓都無乜點執過，寧願平啲租或賣，懒人執靚嘅豬仔係放高價至肯租，並非完全係博士講嘅：『現在買二手樓，都是那些業主逢三退一退出來的物業，質素當然是會比較差一些 』。 |
| 28. 證人2015-04-16 11:46:15 |
|
To : 23
你收咗錢, 可以人民幣收5%, 穩坐釣魚船.
|
| 29. 流浪漢2015-04-16 11:53:26 |
|
To 27. 蜕变中嘅懒人
因為你有錢~~~ XDXD
九成槓杆銀行要到價，上車人仕特點，所以選擇範圍……
|
| 30. 屎忽論証法2015-04-16 11:55:26 |
|
淡友多如無恥刀，小學雞學生，有li無 理等認為有頭有面，多楼多錢，上電台，下電 視，見報纸，去演講。知名道高其言必真，不用置疑，見好友來一個就咬一個 似足红衙兵。 |
| 31. 平隱2015-04-16 12:00:10 |
|
講得都啱，宜家買返真係難，成本又高。我小市民，只能隨波逐流， 唔緊要啦，隨緣吧。 |
| 32. 流浪漢2015-04-16 12:06:38 |
|
31. 平隱
咁又唔怕，你唔係賣自住樓，問題唔大，五年適當投資可翻倍，到時再FP買，不過買到咩就唔知喇！
|
| 33. 平穩2015-04-16 12:13:51 |
|
To: 證人 多謝你的意見，我也有考慮存人仔息高，不過會抽部份投股海，看能賺多少，還是蝕錢離場。我唔係咁精投資，希望好運。 |
| 34. 生湯2015-04-16 12:53:51 |
|
裝修好睇客源，你賣比自用人仕，可能清水樓交比佢自己搞仲開心，投資收租就可能有D用，不過收租佬好多時有用慣裝修佬，你D「豪裝」在他眼中未必值錢。
相信博士講既質素係位置，層數，景觀之類的事。
話時話，而家premium咁高，放高質都係好事。
真正高質既盤好難在跌市買到 |
| 35. 證人2015-04-16 12:54:53 |
|
400萬存人仔5%, 年收20萬, 每月實袋16600, 好過收租.
|
| 36. 流浪漢2015-04-16 13:35:03 |
|
中原地產沙田河畔分行副分區營業經理招錦昌表示，沙田河畔花園最新錄得一宗高價成交，該單位為A座高層6室，實用面積269平方呎，建築面積385平方 呎，採1房間隔，外望東南山景，剛獲用家以398萬元承接，折合實用呎價14,796元，創屋苑造價新高，快將突破400萬元大關。
呢D就真係好錯……我都唔知咩係細價樓……
|
| 37. 平穩2015-04-16 13:38:27 |
|
請問邊間有5厘息呀? 我淨係知中信有4厘。 |
| 38. 生湯2015-04-16 13:53:33 |
|
比起弘景台4xx實呎要7.4,呢個變得好合理 |
| 40. 金錢遊戲2015-04-16 14:11:34 |
|
其實有冇邊個大都市樓價同租金20年唔升？ 又係一個蝕頭賺尾或賺頭蝕尾既問題。 當然，20年冇比銀行sell你買奇怪高息產品都唔易。
|
| 41. 兩餐一宿2015-04-16 14:19:54 |
|
To. 35 樓 證人 兄
真心求教，我自己都有想過賣出租樓後放在人民幣收息。但近日新聞都是講大陸經濟下滑，只有7% 增長。而為求經濟，會減息。我的理解是，人民幣弱，即是價跌。長遠計是蝕息又蝕價。
而放在股票，風高浪急。我都是要想清楚才做。暫時都係睇定D先，返正仍有租金收入。
各位師兄，不知仍有什麼可行方案呢？ |
| 42. 引刀劏淫2015-04-16 14:20:16 |
|
人地就快中暑問你買支水好唔好,你就話水價太高要回,叫人考虑買高價紅酒,抗跌力強喎!真係白狗痴,廢話連篇. 要數無恥,劏淫第一,引刀第二. |
| 43. 運輸工人2015-04-16 14:23:41 |
|
|
| 44. 流浪漢2015-04-16 14:29:41 |
|
To 41. 兩餐一宿
你都算幾清醒！！XD
|
| 45. Admin 22015-04-16 14:48:20 |
|
|
| 46. 爆肛2015-04-16 14:54:07 |
|
湯文亮博士 紀惠集團行政總裁 2015年4月14日 從一切跡象來看，細價樓應從今日開始爆煲。又話開始爆煲,感覺不到,但就覺得淡友就快爆肛. |
| 47. To 大寶二寶2015-04-16 15:03:46 |
|
好耐冇見。。。 |
| 48. to 40. 金錢遊戲2015-04-16 15:06:25 |
|
你條問題太易答，日本咪係 |
| 49. 證人2015-04-16 15:23:36 |
|
To : 41
呢個题目真係考起, 投資必定有風險, 祇有趨吉避凶, 睇下你對樓市的見解, 你認為跌嘅, 就算賣咗d錢擺在保險箱, 都算逃過一劫. 人民幣對港元滙率, 建基於人民幣對美元滙率, 人民幣唔加息, 對港元大升就明白. 當年日元及人民幣急升, 為美國所逼, 日元等升值即係美元眨值, 日本經濟太差, 唔理美國反對, 自己貶值, e家旅遊旺爆, 人民幣會唔會自插? 唔知, 但係貶值會輸入通漲, 敢唔敢狂減息, 天曉得.
中國有好多美債, 好多人都替佢危, 但美債有息喎, 美債3%, 美元貶3% 都係和氣收場蹯, 唔通年年貶3%? 唔會掛! 所以你認為收息會蓋過貶值, 就當為買個保險囉.
我甚少替人出主意, 不竟你是金錢的主人, 上面所言, 睇完垃圾佢.
|
| 50. 流浪漢2015-04-16 15:24:08 |
|
中原地產屯門碼頭分行高級分行經理陳漢文表示，剛錄得一宗澤豐花園自由市場呎價破頂成交。該單位為1座極高層M室，實用面積467平方呎，建築面積521平方呎，2房間隔，於自由市場以343萬元沽出，樓價屬於兩房戶新高，折合平均實用合價7,345元，呎價為屋苑新高。
原本係全港早平既居屋都要7千3，Crazy
|
| 51. 支持博士2015-04-16 15:51:16 |
|
就算中原指數上200，都係淡友win, 衣度淡友主場 |
| 52. to 金錢遊戲2015-04-16 16:11:52 |
|
德國同葡萄牙都係20年冇乜升。 如果你係冇係87-92年前買日本，你都捱20年都返到家鄉的，按息1厘，租金都有6厘，叫做賺左住，但輸修輯費。
|
| 53. 證人2015-04-16 16:24:43 |
|
To : 41 補充
其實7%GDP, 好犀利呀, 十年就番一番呀, 環觀世界一兩個%的都唔少, 成日要保8, 實有一日唔達標, 抖抖氣都要啦, 中國經濟未衰到自插的地步.
|
| 54. 引刀一快2015-04-16 16:52:24 |
|
我明白點解D“好友”要整咁多分身！
大量分身各司其職！有D負責講細價樓唔會冧，有D post豪宅蝕讓。
目的就係攻擊他人，但因爲互有抵觸，所以“另名行事”。
大家只要心水清少少，就會睇到佢地嘅動機。 |
| 55. 引刀一快2015-04-16 16:59:50 |
|
To 46樓 爆肛兄
哈哈，爆肛兄你好
哈哈哈哈，爆肛兄，天氣好好
哈哈哈哈哈哈哈 |
| 56. 引刀一快2015-04-16 16:59:52 |
|
To 46樓 爆肛兄
哈哈，爆肛兄你好
哈哈哈哈，爆肛兄，天氣好好
哈哈哈哈哈哈哈 |
| 57. 小人物2015-04-16 17:05:12 |
|
你朋友的兒子怎麼那麼白癡? 能夠說得出博士網友話博士英雄遲暮, 怎會不知道博士公司主要是投資豪宅, 甲廈和商舖? 問岩岩寫"細價樓爆煲論"既博士好唔好買細價樓, 真係話佢戇x怕佢嬲.
佢想要"岩聽"既說話, 求其行入去任何一間地產舖頭, 經紀一定會讚佢地放售緊既物業有幾好有幾靚. |
| 58. 支持博士同引刀2015-04-16 17:05:16 |
|
淡友齊心必勝，加息又話升，印錢又話升，佢地無point |
| 59. 引刀一快2015-04-16 17:10:30 |
|
To 26樓 流浪漢兄
你記唔記得20年前，隧道巴幾錢？ |
| 60. 笑看人生2015-04-16 17:18:48 |
|
回30樓人兄，你講屎講屁，我就想起前幾天同朋友經過旺角，人有三急，就上去一間乜野家借用洗手間，入到去嚇我一跳，因為坐厠上佔滿了你呢位人兄所講嘅屎，但係都無辦法只得一格，幾十歲人只可以當睇它唔到，之後我就想起如果下一個要用就好唔方便，好彩有刷有桶，我就幫它洗乾淨先出來，朋友問點解咁耐，我講俾佢聽，佢話咁污糟咁臭你都洗，我話呢D算係乜，有D人把口仲臭仲污糟啦。 其實我自己都知道無資格係呢個網站獻醜，但係想起有人講過，什麽是大學生，什麽是小學生；什麽是有錢人，什麼是無錢人。佢話名利同金錢只不過是一隻杯子，而修養和品性才是杯中的東西。 |
| 61. law student2015-04-16 17:21:21 |
|
好友如果有point 都值得討論(如引刀兄). 但可惜係更多係膠論, 如下: 1. 加息, 因為代表經濟復甦, 利好樓價; 息率不變, 供樓負擔無增加, 利好樓價; 減息, 仲好, 供樓負擔少左, 更加利好樓價. 2.政府唔再出招, 好消息,利好樓價; 政府又再出招, 供應會更少, 更加利好樓價. 3. 中國經濟向好, 利好樓價; 中國經濟下行, 大陸會放水, 更加利好樓價; 4. 股市下跌, 投資者對股市失去信心, 轉投物業市場, 利好樓價; 股市上升, 投資者套股換樓, 更加利好樓價. 你地咁講, 真係唔夠你地玩. |
| 62. law student2015-04-16 17:22:06 |
|
Sorry, a correction on 60/F 好友如果有point 都值得討論(如亮劍兄). 但可惜係更多係膠論, 如下: 1. 加息, 因為代表經濟復甦, 利好樓價; 息率不變, 供樓負擔無增加, 利好樓價; 減息, 仲好, 供樓負擔少左, 更加利好樓價. 2.政府唔再出招, 好消息,利好樓價; 政府又再出招, 供應會更少, 更加利好樓價. 3. 中國經濟向好, 利好樓價; 中國經濟下行, 大陸會放水, 更加利好樓價; 4. 股市下跌, 投資者對股市失去信心, 轉投物業市場, 利好樓價; 股市上升, 投資者套股換樓, 更加利好樓價. 你地咁講, 真係唔夠你地玩. |
| 63. 引刀一快2015-04-16 17:23:30 |
|
To 30樓 屎忽論証法兄
屎忽兄，閣下嘅論証法，有冇人話頒發諾貝爾俾你？ |
| 64. To 592015-04-16 17:25:45 |
|
１９９７年１２月 １日（一） 空調巴士全程收費由８元８角加價至９元４角，加幅百分之六點八二 |
| 65. law student2015-04-16 17:28:43 |
|
to 引刀兄, 引刀兄0係呢個好友場都唔知比人圍毆左幾多次, 而家個場多番少少唔同聲音, 0的好友就好似比人迫害大屠殺咁. 有比較先知引刀兄EQ有幾高. |
| 66. 頒獎2015-04-16 17:42:39 |
|
屎忽論証法獎是頒給一些個腦生係屎忽入面的人,引刀,小學生等當之無愧. |
| 67. Oscar Lam2015-04-16 17:58:00 |
|
回62 law student
在下大致上都可以說是好友一名，不過，我贊同你的說法，好友不能盲目樂觀。 |
| 68. Oscar Lam2015-04-16 18:02:11 |
|
回65 law student
刀兄的EQ(能耐）連博士也自愧不如啊！嘻嘻！ |
| 69. 運輸工人2015-04-16 18:08:25 |
|
揸住細價樓的業主盡快逃生吧!未上車的做好準備執平貨,仲有十幾日就開始爆喇! 永遠支持湯文亮博士 |
| 70. Oscar Lam2015-04-16 18:13:39 |
|
回41兩餐一宿兄，
個人認為，收租比人民幣收息或買股票更加穩健，除非你有很多樓，如果只有一、二間收租，保持原狀可能更好。
鄭重聲明：以上只是個人意見，每個人的喜好和情況不同，你自己思考。 |
| 71. 笑看人生2015-04-16 18:20:49 |
|
回66樓人兄
你話我呢個小學生乜嘢乜嘢，我都唔在乎。重要的係，你咁樣講之後，你的內心開心嗎？快樂嗎？ |
| 72. law student2015-04-16 18:31:27 |
|
To Oscar Lam 兄， 閣下言論言之有物，我亦絕對尊重，我只係唔buy "head u win, tail i lose" 既言論。 |
| 73. To證人2015-04-16 18:59:02 |
|
|
| 74. 生湯2015-04-16 19:05:33 |
|
細價爆煲-->博士有先見之明 金管及各人看博士論文之後冷靜下來-》博士勇救地球
咪一樣head I win, tail you lose?
不過呢個係佢地盤，我們一定要比面佢。
真心等看只有細價爆煲但中上價追落後 |
| 75. 兩餐一宿2015-04-16 19:08:17 |
|
謝謝各位師兄給我的回覆! 其實看這論壇已有一段日子，近日才多些發問。各位的觀點讓我多很多角度和點子去考慮。當然，錢是自己的，必然自己去負責。投資從來都是這樣子。
我是個很實際的人，只求兩餐一宿。像我這些打工仔，幸運地坐了順風車，有多一個物業在手。但這也不過是希望退休後過到日子，有錢供仔女讀大學。各國QE不斷，不儲資產只儲錢必定輸硬。
我個人覺得賣不賣樓，其實都係看用同一畢錢，有冇比樓更好的資產。若有，我會轉，若無，我會守。
若預期要守，就要預佢跌一半，計清楚租金減少後，自己受唔受得住。 |
| 76. 證人2015-04-16 19:29:52 |
|
To : 73
5 厘息唔係在香港, 內地5年期約5%.
|
| 77. Oscar Lam2015-04-16 20:14:56 |
|
回75二餐一宿兄，
看你的回覆，相信你心中已有數。物業從來都是一項最穩健的投資，要找另一個替代品絕對不容易。 |
| 78. 支持博士2015-04-16 20:16:31 |
|
勸告有樓朋友盡快賣摟，等爆煲後才買回 |
| 79. to 生湯2015-04-16 20:55:04 |
|
中哂points，所以博士就係博士，邊有得輸。 輸的就係而家諗住等跌上車果班，等下，又破頂，等下又破頂。。。 |
| 80. 李小姐2015-04-16 20:56:34 |
|
湯生：您好！睇您既博客已多年，十分欣賞您的獨度眼光與堅持自己的睇法。現有一事想向您請教，我現在持有鑽石山星河明居三房單位，想出售然後換入紅磡海逸豪園三房+工人房。請問現在是合適的時間嗎？ |
| 81. to 74, 792015-04-16 21:01:29 |
|
咁點解你又要睇？？？ 因為你人生除左睇博士文章就無其他意義？？？ |
| 82. to 812015-04-16 21:11:18 |
|
又唔駛咁燥，要講到冇其他意義咁正氣撚上身。 睇佢點兜又夠過癮啦，反正睇左個開頭，點都睇埋5月大結局嘛。 |
| 83. To證人2015-04-16 21:20:34 |
|
|
| 84. to 822015-04-16 21:23:47 |
|
睇你地一路鬧又要一路睇仲過瘾。 你地十足睇tvb啲師奶，一路鬧老土，但又集集追，仲要圍埋黎討論劇情。 所以話博士只會人氣愈來愈高，因為有你地呢班不離不棄既fans. |
| 85. To 842015-04-16 21:34:29 |
|
見証完五月八号爆煲大日子就會離開,唔駛勞煩你哋的打手掃我哋出去. |
| 86. to 852015-04-16 21:45:00 |
|
我會睇多一個星期，果個星期先係高潮。 |
| 87. 惜緣2015-04-16 21:56:19 |
|
|
| 88. 證人2015-04-16 22:02:43 |
|
To : 83
唔駛心急增加資本呀, 好大機會做錯, 最緊要保本, 保存實力, 唔好大駛咗d本呀, 你要上番車架.
|
| 89. to 85, 86·, 各好友2015-04-16 22:14:32 |
|
你地千祈唔好走，走左博士就少左人留意，佢既爆煲論就少左影響力。 |
| 90. 平穩2015-04-16 22:15:01 |
|
To 83
FYI, 香港的中信銀行國行人仔一年定期4厘，這可能是香港現時最高息的。
|
| 91. 珍惜香港2015-04-16 22:18:41 |
|
【珍惜香港】今朝我問大家，如果中咗五千萬六合彩嘅話，你會點用？ 亮劍兄話，我冇俾答案。其實，我日間唔喺好得閒寫嘢，番到嚟，個回應箱都差不多已經 EXPIRED；如果寫長嘢嘅話，更加會搞到好夜至 POST，真喺冇乜人會睇到。而我又唔會為咗要俾多啲人睇，就等到第二朝至 POST 响一個新嘅回應箱度喎。 所以，睇到我寫嘢嘅人， 真喺要好有緣。就好似尋晚响一個比較冷清嘅回應箱度寫咗篇嘢咁，唔知又有幾多人睇過？而回應，就只得兩個，咁呢啲，就真喺 罕有嘅緣份啦！ 真正嘅緣份，喺好罕有。記得果次我話博士喺 英雄好漢，今日佢就話自己從來都唔喺英雄，我覺得佢實在太謙！博士日日晨咁早就出文，要睇博士嘅文章，根本唔使要好有緣份嘅。所以博士話，大家睇佢嘅文章，就當喺一種緣份，我唔喺太同意。百多個回應，N 咁多個分身， 算乜緣份？有幾罕有？講起分身，呢度有人歸咎喺 好友嘅所為，又搬埋哂啲陰謀論。我真喺唔明白，自己以淡友嘅姿態，俾人攻擊，就話所有分身都喺好友嘅陰謀。咁呢排 三傻喺咁俾人攻擊、 PP 兄俾人攻擊，咁又算喺乜？哦！原來又喺好友嘅反間計啫！咁就真喺乜都俾你講哂啦！ 當你太著意啲挑撥離間嘢，而又自以為是咁，以一廂情願嘅陰謀論，去反擊你以為喺分身背後嘅留言者果陣，其實，你已經不自覺咁成為咗一個挑撥離間者，所以我從來都當果啲嘢透明。記得 順民兄話我，因為言論鏗鏘，無人夠膽郁我；但試問，啲人連博士呢個主場都敢郁，又點會顧忌我呢個 繁體字人？只不過我當哂佢地透明，咁佢地郁我，咪即喺同空氣講嘢？ 想起當日，有人睇穿 法子兄個性嘅弱點，利用 笑爆咀事件，以欲加之罪，對佢作全天候嘅攻擊。千祈唔好扮唔記得，果次件事喺邊啲人有份做就嘅。果陣，我以珍惜香港之名，奮力營救，但結果都喺徒然；我想問各位，當日，你視而不見，定喺踩多幾腳？最近，有人問我，有乜嘢辦法可以令法子兄出番嚟，我只喺好無奈咁答咗一句： 冇計啦！所以，果次博士對啲 群組有微言，我就認為喺捉錯用神。希望博士明白，回應箱裡面嘅每一個留言者，都喺獨立嘅個體。你可以話佢地喺 字母人，但絕對唔喺你嘅乜嘢 隊員，唔喺你話點，佢地就要點。响一個公開嘅平台之上， 人聚人離，自然咁發生，邊喺由你話事。 正如尋晚响果個冷清嘅回應箱度寫果篇嘢，雖然只得兩個回應，但今朝我响 20/F 嘅問題，後面成七十個留言之中，就只有 亮劍兄一個回覆。所以，緣份呢樣嘢，仲要睇下你啱唔啱咀形，响呢個股市當旺嘅大時代之下，講埋哂啲掃興悶蛋嘢，真喺冇人會睬你。 總之， 真正嘅緣份，喺好罕有，希望大家珍惜。我仲欠 亮劍兄一個答案，夜啲 覆。 |
| 92. 證人2015-04-16 22:19:26 |
|
|
| 93. 平穩2015-04-16 22:37:31 |
|
To 證人
雖然我唔係83，但你的中肯意見，亦係我在尋求的意見，謝謝。 |
| 94. 安全駕驶2015-04-16 23:00:41 |
|
|
| 95. 珍惜先生果然有料到2015-04-16 23:06:20 |
|
好友從來都知樓價會升會跌,但就不大認同在這極短少時間內就爆煲.實在太誇張.
與好友務實作風不符合.好友更不是憤青,一味 9 up只望人pk.損人又不利己.
|
| 96. to 91. 珍惜香港 阿伯2015-04-16 23:09:05 |
|
你想知道點解無人回應你？以下希望你睇得明。
上年我同個friend去大球場睇波，後面有個阿伯成日搭嗲，但又柒到核爆，大佬，係度講胡國雄，李惠堂.... 但我同個friend 見佢一把年紀，平時應該無人同佢傾訴，所以由得佢吹，當做善事。 希望你睇得明。 |
| 97. 物業初哥2015-04-16 23:32:40 |
|
TO 珍惜香港兄
中左5千萬會點用，我諗左好耐但腦不停浮現一個答案...
買入不同類型買物業 |
| 98. 小李2015-04-17 01:42:22 |
|
位放賣，我們又何苦要在這時以高價搶低質盤？理想的做法，是在樓價下跌，人心惶惶時以低價吸納優質單位 湯先生，這ㄧ天會出現嗎？感覺好難。
|
| 99. 我是15樓2015-04-17 02:09:21 |
|
我對珍惜兄的發文，如覺得值得學習，必足用記事本把它記下。 |
| 100. CCL2015-04-17 02:16:00 |
|
5月8號CCL破150 |
| 101. 珍惜香港2015-04-17 03:10:32 |
|
【珍惜香港】TO：21/F 亮劍、97/F 物業初哥 如果中咗五千萬六合彩嘅話，你會點用？兩位果然喺 有緣人，連個答案都同我一樣。 其實，睇得多我寫嘢嘅，都會估到我呢個答案，當然喺， 全部用哂嚟買磚頭，仲要喺 最優質果啲啦！至於乜嘢先算喺優質，就因人而異，而且呢度咁多專家，我唔使講埋呢啲嘢，再者，呢個亦唔喺重點。 總之，响咁嘅情況之下， 有買貴，冇買錯。咦？咪即喺同博士唱反調？非也！ 皆因呢五千萬，喺由天跌落嚟嘛！即喺話，你用 近乎零嘅資源，換嚟呢筆虛擬數字。所以，當你用呢筆虛擬數字，去購入物業果陣，就等於用近乎零嘅資源，去換取物業呢個可以衍生出 時間回報嘅寶貴資源。任何非零嘅嘢，除以零，都喺無限， 所以呢個資源交換嘅效益，點計都喺無限！既然效益喺無限，咁仲等乜嘢？當然喺以第一時間，去行使呢個資源交換啦！仲理得個樓市，喺高定喺低？ 吓？又喺 資源？ 我上次果 一連六篇嘅系列裡面，其中一篇長嘢就喺 專講資源。我用咗 懒人兄做例，話如果懒人兄用嚟 FP 買屯門小豬果三百萬，喺用三年行醫賺番嚟嘅，咁實質上，懒人兄就喺用咗三年嘅醫學專業資源，換嚟一隻小豬。抵唔抵，就睇佢認為， 呢個資源交換，值唔值，而唔喺睇三百萬呢個樓價。 好多人，都俾啲虛擬貨幣，沖昏咗頭腦。佢地忘記咗，原來設計貨幣嘅基礎目的，就喺要用嚟 增持資源，而呢樣嘢，喺無論你點玩，都改變唔到嘅一個 市場本性。所以，响一生裡面， 最長時間持有最多嘅資源，先算喺贏；但如果你大部份嘅人生，都只喺持有貨幣，而唔喺持有資源嘅話，你都喺輸。 正如我對 機場三跑，就睇得好簡單。又唔使政府俾錢， 發下啲虛擬債，就變出咗個咁龐大嘅 基建資源出嚟，而呢樣嘢，衍生嘅時間回報，以及觸動連鎖效應，而創造出嚟嘅其他有形、無形嘅資源，更喺不計其數。千四億呢個虛擬數字，算得喺乜？要付出嚟交換嘅資源，又可以响成事之後，分階段行使，點計都值啦！ 所以我點解話， 中國嘅領導層，喺好清楚國家需要啲乜嘢。有啲人對 亞投行不以為然，甚至冷嘲熱諷，呢啲人，又喺俾啲虛擬嘢，沖昏咗個頭腦。 以融資方式投放亞洲嘅基建項目，本身就喺增持資源嘅手段。依家唔喺淨喺美國佬至識得變錢啦，阿爺就喺要通過虛擬數字，吞噬亞洲各地嘅基建資源。貨幣，只喺大家用嚟互相欺騙嘅數字， 而資源，就好實在。大國要贏，就要爭奪資源，因為全世界最終極要爭取嘅，就喺資源。 增持資源，至喺王道！咦？咁啲 錢點算？啲 債點算？哈哈！你被騙啦！當生米煮成咗熟飯之後，你啲錢點玩，啲債點玩，重要咩？到時，果堆基建都已經出哂嚟囉，啲資源又被吞噬哂囉；你點玩啲虛擬嘢，果啲實實在在嘅資源，一舊舊擺哂响度，唔通會倒轉頭消失番咩！咁你話，邊個輸？邊個贏？ 人望高處，水向低流，萬物皆有其獨特本性嘛！ |
| 102. musicfreer2015-04-17 05:01:15 |
|
珍惜香港兄果然厲害, 簡單的一條獎金應用問題, 竟然可延伸至貨幣與資源的討論, 佩服!
問題是會產生回報的"資源"並非只有樓, 如何在最適當的時機選擇最適合的"資源"才是最大的難題
"有買貴冇買錯"當然不對, 但亦有云"早買早享受", 遲買回否平幾球我不知道, 但起碼我享受了自住樓的安穩, 享受了低息, 享受了供平過租的優惠。 |
| 103. 引刀一快2015-04-17 06:31:39 |
|
妄語，係會有報應嘅，大家記得喇！ |
| 104. 八十後2015-04-17 06:52:01 |
|
中左幾千萬六合彩的話，心理一時難平衡...
應該係分俾家人居多, 餘下買樓收下租, 自己去做個4500蚊既老師？ |
| 105. 早買早享受2015-04-17 06:56:11 |
|
To 101/F 我們較年長的一輩在見䀆近二十年風浪之後，一定明白只有磚頭才是最穩實的投資。你唔知道幾時係底，幾時樓市會爆煲，但是知道今日唔買，明年會更貴又或者只會買貴不會買錯是過去二、三十年樓市投資的結論，你就不會錯過2003，2008，2010等入市時代，當年若你能有十萬圓，就可做9成半按揭上間細車了、又或者大時代的來臨，3幾年後你也會後悔錯過了2015年入市的機會，早買的確早享受，起碼人生還是有一個儲錢、奮鬥的目標。 |
| 106. 生湯2015-04-17 07:25:21 |
|
關鍵在於，你有五千萬budget,你會買一個五千萬？兩個二千五萬？四個一千二百五十萬？八個750?
不要忘記要包括DSD？
想一想就知道為什麼一些仍在蝕錢中但另外一邊連續破頂了 |
| 107. 自我陶醉2015-04-17 08:45:24 |
|
投資的成敗在於投資者能否在適當時間， 以適當價位買入及賣出適當資產， 以提升總回報率， 對於買貴不等於買錯的論點， 在某情況下可以成立， 就是如果你買入後， 價格繼續上升， 而你又能及時賣出獲利， 那說你沒買錯可以說得通。 又以珍惜香港兄的5000萬六合彩為例， 5000萬就是你的資源， 可以自由投資， 假設你中獎時間是在1997年中， 用了全數買了10個細單位， 2003年樓價跌了七成， 就是說同樣價錢1個單位的價錢可以買到3個單位。同樣的5000萬， 那時可買30個細單位。當然最終都能升回所買的價位， 只是不同時間入市， 結果就大大不同了， 以每個細單位現值600萬計， 97買的10個單位市值6000萬， 而03買的現值1.8億， 這便是入市時間錯誤的分別了， 如果硬着頭皮說你沒買錯， 因為錢是從天而降， 回報率同樣都是無限大， 那便有點自欺欺人了吧， 買六合彩也要計成本的， 零就是零， 近乎零就不是零了， 假設成本為10元， 那回報的分別就是10元變6000萬， 與10元變1.8億的分別了。 |
| 108. Oscar Lam2015-04-17 09:25:55 |
|
自醉兄，
好久沒見了！有冇興趣加入我們的QQ群？好多老友，大江南北、無所不談。 |
| 109. QQ2015-04-17 09:28:38 |
|
To: ９１／F 珍惜香港兄
的確係要講緣份嘅，唔係個個都有緣俾人插，唔啱嘴形就跪低求人哋插都無人吼，法子兄俾人插死咗亦係佢嘅福氣.
|
| 110. law student2015-04-17 09:42:57 |
|
to 108. Oscar Lam, 我可以加入你地QQ群嗎? |
| 111. 自我陶醉2015-04-17 10:02:22 |
|
Oscar 兄，早晨! 多謝邀請， 我沒有QQ, 遲些一定會開個帳戶， 加入你們群組。
這一段時間忙著炒股， 爆煲前一刻的股市最是燦爛， 有買貴冇買錯 (走得切的話)， 絕不可錯過， 呵呵！ |
| 112. 初哥一名2015-04-17 10:10:21 |
|
各位前輩, 不才 看了此欄半年, 獲益良多! 能予 不才加入QQ群嗎? 十分感謝 !! |
| 113. 打工仔 Andy2015-04-17 10:27:20 |
|
致網友,為了有效管理Q群, 由即日起暫停接受新登記之網友加入Q群, 新登記之網友要加入Q群, 需要在地產網登記後的一段日子, 經常在地產網發言才被考慮接受加入Q群。 至於地產網內之資深網友想加入Q群, 則可直接聯絡本人QQ: 2821683206 請大家繼續支持地產網及支持博士。 |
| 114. Oscar Lam2015-04-17 10:27:20 |
|
回 law student,
歡迎加入我們的大家庭！請你開個QQ帳戶，打工仔兄會invite你進來。 |
| 115. Oscar Lam2015-04-17 10:29:19 |
|
|
| 116. 打工仔 Andy2015-04-17 10:32:00 |
|
自醉兄, law student兄, 歡迎加入Q群。 |
| 117. 自我陶醉2015-04-17 10:48:51 |
|
Oscar 兄， 打工仔兄
非常感謝兩位邀請。
打工仔兄，
你所設的加入條件非常明智， 開好QQ戶後會第一時間通知你。 |
| 118. law student2015-04-17 11:11:44 |
|
|
| 119. 引刀一快2015-04-17 11:31:13 |
|
|
| 120. 引刀一快2015-04-17 11:37:17 |
|
自我陶醉兄
你真係强悍，我尋晚睇見珍惜香港兄呢篇91樓嘅文，我真係怕咗，一睇就知道要3－4個鐘頭打字去“糾正”珍港兄佈下嘅“謎障”，我倒頭就瞓咗。 |
| 121. 自我陶醉2015-04-17 12:46:30 |
|
引刀兄，
是呀！見到珍惜兄那些似是而非的道理， 總是忍不住要出來說說的。
以那97入市18年賺20%，每年複合回報不到1%， 與03入市投資12年賺3.6倍，複合回報每年11.26%比， 完全是錯誤時間入市的最佳體現。
|
| 122. 引刀一快2015-04-17 13:51:40 |
|
自我陶醉兄
咪係囉，我好相信呢度個個都好睇重投資回報，講講下講到好似色即是空咁，係咪有違大家喺呢度討論嘅本意呢。 |
| 123. 引刀一快2015-04-17 13:58:01 |
|
主旋律最推崇嘅就係，磚頭嘅投資回報，每次D人話賺咗幾多幾多，幾十年升咗幾多倍，有咩理由又變咗賺多賺少都冇所謂呢？ |
| 124. To 1202015-04-17 15:39:10 |
|
快哥：惜哥嘅文章最令人頭痛嘅地方就係一睇見就頭痛，嘻嘻。 |
| 125. 著名博客井底望天2015-04-17 16:00:42 |
|
http://blog.wenxuecity.com/myblog/36009/200910/10558.html AIIB是中国帮助印度基建 老广：中国帮助印度基建，用自己绳子吊死自己 【俺的废话】老广真是老成谋国之言。
帮助印度基建是非常短视的行为，可以说是现在最愚蠢的行为，比人民币捆绑美元更甚。文章有道理没道理其实都在文章的假设前提是否正确。如果前提假设有问题，那文章也就有问题。帮助印度基建一个最基本的假设，就是“中国公司不去建，外国公司也会把生意接过去。” 这个假设不成立。这个假设要成立，那世界上基建早就不是问题了. 应该每个国家基础设施都一样好才对。老广不是说中国公司不去建，外国公司也不会去接生意。他们会去接，事实上印度的大的基建项目没有一个是他们自己做的，或者总包给外国公司，或者包给塔塔之类的国内公司，然后这些印度公司在分包给外方。在中国之前，印度需要把项目给英美欧洲公司，后来马来西亚，韩国也来接，现在是中国。印度之前为什么修高速公路慢，他的设计监理要给英国人，施工要马来西亚公司来做。为什么修电站慢，也是一样。以前是不给中国人，现在给了中国人，尝到甜头了，所以以后会越来越多。中国要真的帮印度把基础设施建立起来了，那就是比苏联帮中国建工业体系更傻的事情。倍数，我掐指算了下，大概是 9.745倍吧。
那么既然老广也说了，中国公司不去建，外国公司也会把生意接过去。那为什么反对中国公司去接呐。原因是中国公司的效率太高了，太可怕了。首先是成本，中国公司投标价就是横砍一刀，这个钱就是很大一笔。印度的基建项目的融资没有什么自由资金，都是国际市场上搞来的，现在利息低，但印度的债务评级不低，比垃圾股差那么几个台阶，所以投标价低个1/3,1/2。后面还有工期的节省，那个省的钱老了去了，全寿命费用省个一半算是起码的。而且西方公司建项目后面还要赚你的服务费。所以服务项目和基建项目是分开的。那个是长期钓鱼合同，印度彻底殖民化，对这个很认的。所以项目建完了，保养维护照样每小时几百刀供着。中国人估计项目建完后，天天盼着回家，短期徒刑就不错了，谁愿意在哪里服无期徒刑啊。西方公司就可以，项目要价高高的，雇了仆人，司机，租个别墅，买了发电机，卫星天线在那里耗着。所以中国项目实在是帮了印度很大。事实上中国去投标本身，就是帮了印度省了很多钱，中国人一去，大家的标价都要往下砍。西方原来 100%的利润，起码砍掉2/3否则一点戏都没有。中国华为，中兴的进入使得印度可以无中生有建起一个电讯业。这不是说华为，中兴拿了多少项目，而是西方公司因为华为中兴进入，少要了多少钱。就电讯业本身，中国帮印度省下1000亿美元，这个估计我觉得不过分。中国公司不过去，西方公司会慢慢的把印度的油熬出来。西方公司之间可以有默契，竞争会有分寸，中国公司这帮野人（这是西门子的印度裔经理对我说的）进去了，价格全砍下来了。而且华为，中兴不是单卖设备，而是安装调试一揽子交货。要知道在印度，最要命的最要价的就是安装调试这些事情，人家是充分尊重服务业，哪像中国，软件服务都是搭的东西。华为中兴就是在给他们送馅饼呐。西方公司帮印度基建要的都是硬通货，印度债务上多1000亿美元，少1000亿美元就是经济垮台不垮台的问题。 |
| 126. 引刀一快2015-04-18 03:47:53 |
|
To 124樓兄台
教你一招，copy岀嚟放喺.txt上面，統一字體顔色粗幼，咁就睇得好快架喇。 |
| 127. 珍惜香港2015-04-18 11:16:21 |
|
【珍惜香港】呢度有 人叫我做阿伯；唔好睇少呢個人，佢真喺唔簡單，知道我同引刀兄，戲言過關於 上咗年紀嘅話題。好彩我唔 BUY 埋哂啲陰謀論啫，唔喺就梗會賴佢喺引刀兄嘅分身啦！ 其實我，真喺好後生咋！講到阿伯，話說， 香港有個股神，喺一個 七十幾歲嘅阿伯嚟。 自醉兄咁耐冇見，別來無恙？見到我又寫埋哂啲 似是而非，唔知講乜嘅 長嘢，就頂我唔順，即刻彈出嚟同我 SAY HI 囉！在下真喺 受寵若驚。哈哈！自醉兄，我只喺講下笑啫，千祈唔好嬲。閣下講 似是而非，又令我諗起博士早前亦有篇 似是而非的理論；唉！最近網站是非多，真喺好高興見番啲認真嘅老朋友，呢句至喺真心。 其實閣下講果啲，同我講嘅喺兩個唔同嘅 TOPIC。仲有， 錢，唔喺 資源。 啲「如果」可以 摸頂、撈底，就可以點點嘅歷史，坦白講， 睇番轉頭，邊個唔識。至於將來幾時喺頂，幾時喺底，我就自問冇資格睇得咁準啦！又或者閣下喺呢種 神人呢？唔喺嘅話，不如請教一下果位 股神，千祈唔好問我。 果位 股神，已經喺一個 七十幾歲嘅阿伯，稱得上喺股神嘅，賺咗咁多年錢，人到老年，仲唔喺身家億億聲嘅超級大富豪？唔知呢位最後用 二百萬响深井上番車嘅股神阿伯，依家嘅身家喺幾多？ 個報導裡面，佢果堆 買入賣出嘢，真喺睇到我 頭昏，就好似又有 人話我啲嘢睇到佢 頭痛咁。不過，我就見到股神阿伯曾經有 兩個九龍塘千多尺嘅豪宅連車位，兩間都响 近三十年前沽哂，賺咗三百幾萬喎！ 咦？唔知佢 HOLD 到依家，乜都唔炒嘅話，副身家會喺幾多呢？ 又唔知，佢乜都唔炒之餘，仲一有鬆錢，就再平入 九龍塘豪豬長揸唔放嘅話，咁依家佢副身家，又會喺幾多？ 要強調， 喺鬆錢，亦唔喺天降落嚟果啲喎！ |
| 128. 引刀一快2015-04-18 14:46:46 |
|
珍惜香港兄
“我就見到股神阿伯曾經有兩個九龍塘千多尺嘅豪宅連車位，兩間都响近三十年前沽哂，賺咗三百幾萬喎！ 咦？唔知佢 HOLD 到依家，乜都唔炒嘅話，副身家會喺幾多呢？
又唔知，佢乜都唔炒之餘，仲一有鬆錢，就再平入九龍塘豪豬長揸唔放嘅話，咁依家佢副身家，又會喺幾多？”
四様嘢要講：
1，你點知佢賺返嚟嘅三百幾萬，加埋本金，依傢可以變成幾多？賺咗十幾億都唔定喎。
2，有賺嘅時候唔賣，你點知佢會唔會喺樓市差嘅時候，要應急賣呢？
3，“仲一有鬆錢，就再平入九龍塘豪豬長揸唔放嘅話”，想有早知，仲難過摩頂放喇。
4，早排電視咪講過，有人呢十年靠炒細價樓，買賣160次，賺咗一個億，進取与保守係個人處事取向，得運與否睇天，如果香港幾十年來個個都係買咗唔賣，香港極可能冇今日嘅繁榮。 |
| 129. 自我陶醉2015-04-20 08:50:27 |
|
回127樓 珍惜香港兄：
早晨! 又是這位喜歡拗頸的老朋友來了， 呵呵！
很奇怪每次我用97與03入市的回報率舉例時， 這裡的好友們總是說只有神才知道什麼時候是頂和底 。 用這樣的藉口真的可以成為自己在高位入貨的理由嗎？ 當然， 沒有人會知真正頂位和底位那一刻會出現， 但作為一位合格的投資者，最基本要做到的是了解自己的投資， 何時已超出入理價位， 不是時候入市， 何時跌到不合理， 不能出貨， 你說是嗎？ 這樣很難做到嗎？ 連這點也做不到， 還算投資者嗎？ 我看他們只是盲目投資吧了。
這令我想起一位心理學家為評估兒童將來的成就所做的一個EQ實驗，他們讓 孩童的媽媽給孩子一位他們喜歡的糖， 告訴他們這粒糖暫時不要吃 ，她現在去買更多好吃的糖回來， 回來時沒吃掉這粒糖的話，就會多獎兩粒， 他們發現有的孩子轉頭就把糖吃掉， 有的會申手去取，但又痛苦地控制自己忍着不吃， 有的會詐看不見， 也有的會氣定神閒的在等， 他們發現孩子們EQ越高，能忍受誘惑的時間越長， 他們長大後的成就普遍都較大。雖然孩子們都不知媽媽何時會回來， 但可以肯定的是媽媽回家時， 可得到的會比眼前看到的要多， 為何有的孩子能做到， 有的不能呢？ 莫非只有神才知媽媽何時回來， 就是先把糖吃掉的理由嗎？ |
| 130. 亮劍2015-04-20 10:13:51 |
|
自我陶醉兄……
自對上一年起，小弟已開始不讚成投資者走去買楼收租。 這唔係我認為楼市見頂，而是小弟認為果時開始出、入場費太高，隨時揾埋唔夠畀乜 D 物 D。
但在另一方面，要是你已經持有物業，又有楼收租的話，咁除非有死人冧楼事件，否則你無奶油喺呢個「低位」沽出！
可能兄台你會話，「亮劍你儍 L 咗咩，咁嘅位仲話係低位？」
其實道理一字咁淺，我呢幾年重複寫一樣嘢，就是「口裏說不動作卻很誠實！」
你政府高官們，肯定掌握最新經濟及楼市数据，雖然你哋不斷恐嚇話個市爆煲，仲係咁出招令準買家唔好入市，但你們自己友，又喺度做緊乜？
大家心照！ |
| 131. 引刀一快2015-04-21 04:11:16 |
|
自我陶醉兄
有時真係幾沮喪，睇住一個佢地日日重複又重複嘅“不賣理論”，無論點花時間去同佢地辯論，就算辨到佢地冇得駁，第二日佢地又再將“不賣理論”足本重播。
自我陶醉兄有冇諗過係點解？ |
| 132. 自我陶醉2015-04-21 09:00:19 |
|
引刀兄
我從來沒有打算勸這裡的人賣樓， 我發言目的只是想指出那些“高價買樓接貨冇問題， 一樣有錢賺” 的論點存在什麼問題， 我只想那些借到盡的首次置業人仕再慎重考慮， 別以為買樓必賺而已。
其他人賣與不賣， 何時賣都是自己的決定， 其實所有投資都一樣， 到他們心中價位， 他們自然會賣， 而且也取決於他們入市價位， 若然是很低位入， 不賣也不會是問題， 也有些人買貨後見升市是不會出貨的， 他們會在跌到慌時才出貨。人各有志， 何須為他們費心呢！
|
| 133. 珍惜香港2015-04-25 18:57:43 |
|
【珍惜香港】TO：129/F 自我陶醉 自醉兄，我嘅回覆，POST 咗响 果邊。 |
|
|
|
|
