| 瀏覽人次 : 170057
回應 : 228
|
細價樓將會在三個月內爆煲
湯文亮博士
紀惠集團行政總裁
2015年2月9日
政府穩定樓市措施可以說是成功了三分之二，中型住宅單位及豪宅樓價穩定之餘，更有下調跡象，唯獨是細價樓狂飆，雖然說措施迫令市民偏向購買細價樓，但亦不至於令細價樓樓價狂飆，一定會有一些因素被人忽略，或者有人刻意隱瞞，而官員們對於細價樓狂飆可以說是一籌莫展，唯一可以做就是推出租管，希望可以壓抑細價樓租金而令樓價不會急升，不過，租金管制不但是最後一著，如果稍為處理失當，這個政府在佔中後所得到的民望將會失去，所以，官員在任何場合都否定會推出租管，但我認為越否定，租管亦將會變成事實，有點此地無銀三百両味道，故此我認為，如果推出租管，應該集中在細價樓，與及以五年為限期，不過，在推出租管之前，應該管制財務公司，這個提議不但被網友媽到飛起，更加令我和一些資深網友unfriend， 的確始料不及，同時有網友話，他身邊買細價樓的朋友資金是來自他們的父母，不是財務公司，我有點懷疑，於是問一些做財務公司的朋友，他們同意買細價樓的資金不是來自小業主，而是他們的父母，不過，他們父母的資金大多數來自財務公司，做父母的將手上物業向財務公司申請二按，將資金交給他們的兒女買樓，因為在現行法例，是很難向銀行借錢買樓，於是，我又打電話給另一位朋友問財務公司增長速度，答案是雨後春筍。
雨後春筍，我相信大家未見過，財務公司增長速度大家亦未必知道，在2009年，全港只有300間財務公司，今日有1,200間，不但數目增長速度驚人，而每一間財務公司所涉及借貸亦同樣驚人，而那些借貸已非二按那麼簡單，而是三按，四按。那些細價樓業主，從第一日向財務公司申請二按開始，根本無力清還，不過，樓價急升，他們可以將物業轉按，以貸養債，從數據來看，根本沒有欠款不還，而事實上，他們越借越多，連經營財務公司的人都感覺到已經到達了臨界點，最近有一個銀主物業被發現經已四按，雖然，拍賣後所得款項不但能夠還清欠款，業主亦可以得回些少本金，但一葉知秋，現在，最基本的就是每一間財務公司最少都有十個四按物業，即是市場上最少有12,000個四按物業，這是一個火藥庫，莫講話樓價下跌，就算平穩都會引發危機，我認為快則三個月，慢則六個月，這個危機一定會爆發，結果當然是樓價下跌，如果政府管制財務公司，這個危機會立刻出現，大家驚唔驚。
如果政府不了解實情，官員們在情急之下昂然推出租管，樓價會即時借勢向下，所有小業主都會怪責政府，與及我這個曾經提出租管的人，不過，我是說，如果在出租管之前，一定要先管制財務公司，可能我文筆不順，網友唔明白我的意思。但無論是否管制財務公司，是否出租管，樓市在三月個內必定轉勢，政府現時只要學物業投資者，「等」便可以得到想要結果，想快一些，管制財務公司，在這之前，千祈唔好出租管。
|
|
|
|
|
|
|
|
|
|
|
|
其實樓市確實已到極度危險的地步，只不過因為全環球低息，股市又唔稳陣，唯有買物業來抵抗通脹，一旦加息，问题就會即刻顕現，相信政府暫唔夠膽貿貿然出招...但肯定研究紧如何防止爆煲... |
| 2. 大寶二寶2015-02-09 08:41:20 |
|
博士話過 CCL 上半年睇升，依家又話细價樓三個月內爆煲，有矛盾嗎？ |
| 3. 蜕变中嘅懒人2015-02-09 08:46:34 |
|
TO 150樓 引刀一快兄，早上好。
租管持續多年，好似超過20年，筲箕湾道山邊連綿累積潛建木屋住咗50萬人，年份实際数字要番查至確定，咁長時間薰陶下人人都識租霸ABC唔使人教，稍為用心即成專業租霸，只要你夠狠，懒人父母都係包租，佢哋識但唔會咁做，老實人也。
現在唔交租到俾執撻吏趕走须時約2個半月，所以租霸無市場，CASE少至咁快，一旦實行租管，CASE即大增，到時要2年半都唔奇，死未，租管係政府鼓勵好人做賊。 |
| 5. 蜕变中嘅懒人2015-02-09 08:55:10 |
|
當年有一個專業好出名，叫做專業租霸，租金不論几貴都ok，星期6下午俾票業主攞鎖匙，星期1入咗屋業主知道彈票悔恨己遲，或者星期5入張空頭支票叫業主星期6上午去打簿，簿仔有數業主就俾鎖匙，星期1簿仔条数打回原形，但專業租霸已入咗屋，當時開空頭支票當民事，租管慰安男/婦一個仙都無收过但悪夢由此不断，俾專業租霸任砌無還架之力，勒索金額不受管制。 租管係一座山墳，碑文係小公業主，生於....，卒於....。 |
| 6. 蜕变中嘅懒人2015-02-09 08:56:43 |
|
孖寶兄，呢個唔係我遭遇，當時啲人無咁醒，不过醒都無用，港英租管好陰濕係以簽租約曰期分段管制，即今日公佈即時生效，一年前簽嘅所有租約即時受租管法例管轄，之後嘅就不受租管法例管轄。
懒人间屋1年前租出，咁就入咗册，嗚嗚，条租客即時起唔交租，懒人由即日起因供樓月尾無錢開飯。 |
|
|
湯博士用心良苦， 標題先下一個馬威， 叫政策制定者要三思後行。 |
| 8. 蜕变中嘅懒人2015-02-09 09:00:15 |
|
回130樓 引刀一快兄。
老街坊應該無作大，呢位老街坊係60年代租管慰安男/婦，當年典型被冷血租霸蹂躪嘅淒慘場面，懒人當年幾經折騰後收番間屋當日，全部門穿晒窿，坐廁、洗面盆爛咗，牆身、地板、天花污跡處處，今日倡議租管者以為自己識租管，又点知當年租管衍生縱容極多無良租霸，可以無法無天地恣意滛辱租管慰安男/婦。 |
| 9. 深層次矛盾2015-02-09 09:04:30 |
|
CY既行為真係一路走來，始終如一。 簡單一句，就係消極施政，積極鬥爭，人民鬥人民！ 深層次矛盾其就係有人信香港買左樓，有人唔信香港信自己以為可以向下炒， 但CY就令發展商消極建屋，租金急升，但波縮只係話有人唔比起樓，基本就係好以反佔中咁叫其他人shout at them，其實矛盾就係你唔比D保賞居民，佢地有D人真金白銀買左樓，又點會毁佢家園呢？明明係政府3D令市場供應少左，乜L事你要其他市民埋單？ 之前反佔中既業主朋友，可能唔使一年，政府又會發動所有媒體反佔中咁去威迫（但唔利誘，一味凶你shout at you! 如果CY唔下台，未來兩年都會有好多人民鬥人民既事係香港發生，管租會係下一步，但唔係最後一步。
|
| 10. 師奶仔2015-02-09 09:14:23 |
|
温水煮蛙
煮蛙持作羹, 漉豉以為汁。萁在釜下燃，蛙在釜中泣。本自同根生，QE何太急。 |
| 11. 蜕变中嘅懒人2015-02-09 09:14:41 |
|
懒人租管血淚史、辛勤嘅下場
懒人在40年前，當年廾幾歲時買弟一個細單位，當時正實行租管最嚴勵之時，每2年加租不得超過百分之廾，加多過百分之廾若租客反對要法庭批准，若租客要續租業主不能反對，想收樓要求個租客同意（當然要俾夠着數益個租客），否則要向法庭排期至少六個月，期間不能收租，最慘就係請埋律師打成功率都低過一成，因為法官當時考慮嘅因素係困難大嗰一方至可得值勝訴，租客困難多數比業主大、而且租客以相同租值一定不可能租到同様質素單位，業主幾乎一定輸硬，當時懒人要靠租金補貼否則人工未夠供樓兼食西北風，所以一定要出租幫補供樓，可惜屋漏更兼逢夜雨，我個租客係租管個仔叫做租霸，佢一年之後開始直頭唔交租，懒人未到月尾就無錢開飯，當時同亞媽住唔駛交租都唔掂，亞媽一邊借錢俾我一邊叫我慳啲使，當時實在慳無可慳，鬱澀無奈、傷痛最深是無淚亦無言，當時懒人心中埋怨天理何在、法理何存、什麽是合約精神！
博士話：（我一講租管，很多網友便發出反對聲音。從回應來看，他們並不認識租管。我會另外寫一篇關於租管利與害的文章。）懒人已嘗夠租管嘅害處，好想知租管對當時嘅我作為一個如廝小業主有何好處！ |
| 12. Peter Paker 2015-02-09 09:16:35 |
|
我贊成應管財仔，以免濫借，但租管應可免則免，最終一定出現更嚴重的缺盤，有史為證 |
| 13. 打工仔 Andy2015-02-09 09:25:37 |
|
早晨懶人兄 所以在出租時的兩個月按及一個月上期, 全部收現金後才交鎖匙, 首年全部收晒簽約開的期票先, 有乜差遲多揸住三個錢先！ |
| 14. 肥師奶2015-02-09 09:47:26 |
|
美國應該3年內冇能力加息，相反，負利率就應該有好大機會係呢一兩年出現，負利率出現之後大家先開始需要擔心樓價會下跌。 |
| 15. 蜕变中嘅懒人2015-02-09 09:48:56 |
|
TO 13樓 打工仔兄，早上好。以前蠢現在算你精咗，都不過係緩刑3個月，再做租管慰安男。 |
| 16. 亮劍2015-02-09 10:00:11 |
|
我前日同小女出席兩個家長聚會，期間有人提到呢家D细路，比我們呢班「老人家」讀書嗰陣辛苦！ 因為我們讀書那一個年代，大家的家庭背景，都是咁高咁大，間唔中有一個半個的家庭過得去，最多咪有個私人補習同你補全科跟下D功課。 其餘嘅講句唔好聽，真係自生自滅，讀倒就讀，讀唔倒咪出來做嘢，反正果陣大學學位有限，你身邊唔係咁多人擁有學位，唔洗咁自卑！ 但香港在教改之後，有部分「名校之中的名校」，轉咗做直資 Or 私校，佢哋可繞過教育局收生機制，自由收學生，咁畀着你係呢D学校的管理層，會唔會收D蛋散返來壞你學校的名聲？ 收返來的已經係精英，你一年级讀一年班的課本，考一年班學生的試卷，對精英學生來說，毫無挑戰性。 因此呢D學校要同學仔讀高一年班係常態，但玩下玩下，呢班學生的家長，已經在學校還未開始教到，就揾私人補習老師同佢讀定晒，同學仔上堂只是走過場重新溫多次，咁到呢班小朋友默書、測驗同考試，仲唔絕大多數考滿分？ 學校見班學生仲有位走盞，就缩短測驗同考試時間，本來正常要一粒鐘才能完成的試卷，現在只能在 45 分鐘內完成，那麼你真的要讀到D書滾瓜爛熟，倒轉都識背才能攞滿分。
如此這般，那些平凡学校讀緊書的小朋友，你就是： 平凡 VS 精英 一年班 VS 二年班 無或集體補習 VS 高質素私人单對单補習 充裕作答時間 VS 開埋本書畀你抄咁上下的作答時間…… 現在单講呢兩班人將來平均公開試成績，請問有無得揮？
呢家香港的楼市，正正面對上述情況，有班20出頭的後生仔背後，擁強勁火力銀彈支援，幾百個隨時有！ 但亦有班 80 後因為老豆老母莫財，而自己揾得雞碎咁多又唔識投資理財，但亦想進駐私楼做其業主，就去行歪路，借財仔、去轆咭籌首期……
边位住喺資助房屋或租緊楼住嘅人，如果有能力有機會，唔想向上游上私楼？ 有那一位家長唔想自己的子女，可進入名校進行優質教育？ 但無咁大個頭，千萬唔好頂咁大頂帽！ |
| 17. Small Potato2015-02-09 10:01:28 |
|
以前有租管既年代， 我真係吾敢出租D物業， 因當時聽過週邊朋友一D痛苦既經歷, 見到佢地金錢損失兼精神上既折磨，聽到都真心叫慘！ 因此，我當時都寧願凋空單位，賺小小就賣左佢就算，免得傷神兼損財。老實講，Ｄ職業租霸明係有心害無心既，你又要番工搵食，佢係職業Ｌ你錢既，自問一定吾夠佢玩，所以，如果租管一旦番生，我諗我係吾會再出租，因為真係好驚， 真係吾敢博！ |
| 18. 大寶二寶2015-02-09 10:12:52 |
|
回樓上眾師兄
計我話好似租比大學生咁，先預交一年租金加兩個月按金先至租比佢，唔係就過主。仲有差餉，管理費，維修，地租全部食佢自己，唔係就過主，揀到啱先租。
共勉之，哈哈！ |
| 19. Small Potato2015-02-09 10:14:22 |
|
其實當個市趺起上黎, 應該所有樓都有影响, 如果因政府政策而趺既, 豪宅可能影响較小, 但如果係因為環球經濟而產生既, 就一定會骨排效應, 但希望呢D吾好發生, 會死好多人, 太殘忍! |
| 20. 打工仔 Andy2015-02-09 10:16:46 |
|
To 17 SP 兄 可能只租比公司客, 或願意一次過付一年租金既客, 否則自用(凋空) 算數！ |
| 21. 打工仔 Andy2015-02-09 10:18:41 |
|
|
| 22. 白痴仔2015-02-09 10:20:10 |
|
租管2015如出籠, 我諗唔會再單方面傾向租客啩?! 至於財仔做三按四按就定要管啦!
|
| 23. 大寶二寶2015-02-09 10:31:09 |
|
仲有一招一定要提供工作地址證明，份工嘅年資要過五年，慎防佢容易轉工。唔肯比唔該又過主。
工作地址要來有朝一日佢改咗名叫租霸時，直接上佢公司嘈佢，睇吓佢面及有幾吋厚。
共勉之，哈哈！ |
| 24. LYC2015-02-09 10:31:59 |
|
供不應求+QE印銀紙兩大因素不變,樓市大方向是不會變!
就算真係爆煲,最終都會升反上去. 不過博士不停唱跌都好,等D人唔好盲目追價,等個市唔好升咁快,慢慢升,仲可以有排升! |
| 25. 打工仔 Andy2015-02-09 10:35:57 |
|
仲要佢揾一兩個直系親屬做擔保人, 同樣要有證明先租。 |
| 26. 粉絲2015-02-09 10:36:12 |
|
大寶二寶 <勁勁勁> |
| 27. law student2015-02-09 10:44:45 |
|
小弟未經歷過租管, 但同意各位高人所講, 有租管, 寧願唔租出去. 到此忽然醒覺, 咁政府如果真係出租管, 真正用意可能唔係幫基層人士, 而係為左打擊收租佬, 令樓價下挫為實. 而家收租既物業, 可能會有一半放番出黎, 而收租物業既demand亦會大跌, 做成一個無炒家, 無投資者既市場. 到時真係剩番剛性需求, 細價樓無得唔跌. 湯博士似乎今次無得輸. 樓市續高位, 政府無得唔做野, 一定要挫低個價, 到時湯博士win; 樓市而家若已到頂, 三個月內下跌亦非不合理, 到時湯博士亦win. |
| 28. 美國加息2015-02-09 11:05:45 |
|
>>美國應該3年內冇能力加息
美國3年內冇能力加息?? 最快第2季加息了!!
美國就業數據超理想
|
| 29. law student2015-02-09 11:06:25 |
|
卓能（00131）荃灣壹號九龍山頂與政府抗爭逾7年始獲預售，上周四首度開售即「捧蛋」，發展商封盤不足3 天，隨即把首批30 伙大幅劈價近30% 清貨，平均呎價由1.64 萬元減至1.17萬元，本周三（11日）以先到先得形式發售。 「米奇則」減幅最小 卓能地產於過去周六更改壹號九龍山頂價單，首批30 伙全部減價，大部分單位減幅在20%以上，其中7 樓C 室，實用1346 方呎，原價2180.52 萬元，調低至1480.76 萬元，減價達32%；單位設計被稱為「米奇則」的頂層連天台特色戶，價單售價減幅則最小，由3820.55萬調低至3305.22萬元，幅度僅約13.5%。 項目減價後，原有提供的折扣及回贈全部取消，以力保所有單位折實呎價在1 萬元水平以上，減價後平均呎價1.17 萬元，項目入場費降至1054.08 萬元，為3樓B室，實用976方呎，呎價1.08萬元，全數30 伙本周三以先到先得形式發售。 雖然項目減價後，呎價仍較附近的麗城花園和荃灣中心等傳統屋苑高，但相對區內全新指標屋苑萬景平均呎價1.38 萬元，仍折讓約15%，更低於新地（00016）去年推售的汀九星岸整體成交呎價約22%。 雖然整體樓市升溫，但減價賣樓情況已非首次出現，英皇國際（00163）西灣河港島東．18 及九龍城御．太子較早前亦劈價推售貨尾，整體減幅逾20%，但幅度仍不及壹號九龍山頂。 |
| 30. Pp leung2015-02-09 11:35:20 |
|
我贊成應管財仔，以免濫借，但租管應可免則免，最終一定出現更嚴重的缺盤，有史為證......
所以即時又叫烏滿海張炳放風話可放寬居屋免補地價出租增加供應，幾毒。
|
| 31. Ssandy2015-02-09 11:48:06 |
|
居屋免補地價出租，即代表原業主不需要使用居屋 未補地價, 應該將所收租金3-4成交政府, 其餘租金要交稅, 咁仲有人拿去出租? 如果不和政府分賬, 等於不公平制度, 大把人出聲反對 |
| 32. 打工仔 Andy2015-02-09 11:48:39 |
|
反對政苦隨意改變居屋政策, 如果未補價都可以出租, 舊居屋及新買果d又可以出租, 就會好多人利用呢個方法, 居屋出租, 自己就出去搵好d靚d 既私樓租住! 分分鐘搞到私樓租金更高! 真係又係屎橋一條! |
| 33. 路人甲2015-02-09 11:52:46 |
|
|
| 34. Pp leung2015-02-09 12:00:52 |
|
搞得租管，D小市民將D錢又谷高工商鋪，又或者走去買比特幤，咪最終比政府累死啦。 |
| 35. 大寶二寶2015-02-09 12:02:28 |
|
眾師兄師姊
你哋唔好攪錯，係未補地價居屋分租，唔係整間出租！否則对已補地價出租嘅唔公平。业主要同租客共處一室，共用厨厠！
唔排除到時有业主靜雞雞成間出租，所以好難監管，鼓勵黑市租客。
不如改做劏房出租，租金同政府对分，仲更受歡迎，更實際咯。 |
| 36. 大寶二寶2015-02-09 12:03:04 |
|
眾師兄師姊
你哋唔好攪錯，係未補地價居屋分租，唔係整間出租！否則对已補地價出租嘅唔公平。业主要同租客共處一室，共用厨厠！
唔排除到時有业主靜雞雞成間出租，所以好難監管，鼓勵黑市租客。
不如改做劏房出租，租金同政府对分，仲更受歡迎，更實際咯。
共勉之，哈哈！ |
| 37. 大寶二寶2015-02-09 12:03:05 |
|
眾師兄師姊
你哋唔好攪錯，係未補地價居屋分租，唔係整間出租！否則对已補地價出租嘅唔公平。业主要同租客共處一室，共用厨厠！
唔排除到時有业主靜雞雞成間出租，所以好難監管，鼓勵黑市租客。
不如改做劏房出租，租金同政府对分，仲更受歡迎，更實際咯。
共勉之，哈哈！ |
| 38. 師奶仔2015-02-09 12:03:06 |
|
博士, 按您所說細價樓價大跌, 甘,請問,多少$@尺才為之[ 合理價 ]呢? 可否講解一下.
現在, 以目前起樓成本, 發展商要賺的%水份加起來, 其實, 無一萬都9千拉. 咁一萬蚊以內買, 其實都唔應該點貴乜濟.
當然個巿直插就唔識講. 再說, 當磚頭入左手後, 之後個巿升或跌, 都與起樓時的成本/買入價,顯得毫無關係了. 等$ 使又或者慌張要急$時,就再平的, 都要放拉.
這個是以成本計算出來的樓價沒有直接必然關係. |
| 39. 打工仔 Andy2015-02-09 12:16:12 |
|
下！分租！更加白痴到無輪！無得救！ |
| 40. Kitty Ng2015-02-09 12:22:58 |
|
終於明白，點解翡翠台半夜有咁多「財仔」廣告，原來係吸引嗰啲借唔到銀行，搞到失眠而要半夜睇電視嘅細價樓買家。 |
| 41. 用心良苦2015-02-09 13:08:42 |
|
政府建議讓未補地價居屋分租，可能是曲線改善劏房質素呢！因為可以把部分劏房戶，由工廈、唐樓轉移去居屋！ 果然係好(屎)橋！ |
| 42. Small Potato2015-02-09 13:11:33 |
|
因為在租管年代，我真的見好多無良租客，實際上，D業主係要比個租客任劏，都要死忍爛忍！佢地既行為係'' 合法'' 地明搶你。香港經常以有'' 法治''為榮，但法例上又可以容許租管呢D對小業主，咁不仁同不平等對待，任由租客生劏，真心咁樣講吾過去，所謂過得人過得自己。
如果有C兄，係租管年代有好嘅経驗，希望可以同大家分享一下，藉希望可以改變一下大家既睇法，吾好咁一面倒，謝謝！ |
| 43. 肥師奶2015-02-09 13:17:31 |
|
To：28／F
美國就業數據不可信，我很多住美國各地嘅朋友反映，失業情況還很嚴重。
|
| 44. 閒人2015-02-09 13:19:07 |
|
博士的確是宅心仁厚! |
| 45. 供樓- 難理樓價跌2015-02-09 14:22:03 |
|
小弟每月供款約$9,500, 其中本金為$ 7,800~7,900, 即利息才不過是$1,500左近。 不管樓價升定跌, 實情只付千餘元, 以已經上了車的人而言. 真的無動機要賣樓。 尤其自住樓。
所以, 樓價跌的; 政府實施租管的, 有一大班人係唔關事的。 |
| 46. 平淡2015-02-09 14:48:04 |
|
觀乎博士近月對細價樓言論.
講真, 而家個市日日新高, 估升咪重易中(好似D AA日日講個D)! 點解要唱反調, 仲要呢度90%以上都係業主, 博比人媽咩?
所以相信他有一D資料我地D蟻民睇唔到. |
| 47. Pp Leung2015-02-09 14:54:20 |
|
去年亦咁唔好彩遇到租霸，只交了按金就開始欠租，足足大半年才由執達收到樓。仲比租霸串話政府比佢有㩲不交租直到執達收。叫埋差人都話我冇權收 。
用租管，我們小業主的辛苦就化為烏有。 |
| 48. 村長2015-02-09 14:54:41 |
|
財仔樓 ==> 美聯物業高級營業經理黎鎮彰表示，沙田御龍山盤源相對充裕，故吸引不少外區買家到來置業。該行剛促成一宗御龍山銀主盤成交，外區換樓客斥約1,823萬元承接，屬罕有大碼成交。 剛成交的御龍山為10座中層A室單位，實用面積約為1,227呎，建築面積約為1,575呎，四房雙套連工人套房間隔，望馬場景，由1,880萬元傾至約1,823萬元成交，折合實用面積呎價約為14,857元，建築面積呎價約為11,575元。買家為一名外區換樓客，見單位屬罕有大單位，而且價格合理，故決定承接。 本月屋苑暫錄得約5宗成交，成交暢旺。 |
| 49. Scoliosis2015-02-09 14:58:20 |
|
博士，以一人之力避免硬著陸出盡口術，難為你。但身為業主，真係難以感激。租管，是雙刃刀，怕殘局一發不可收拾。不想说的你亦盡說了，不如就轉個話題吧。 |
| 50. Pp Leung2015-02-09 15:05:49 |
|
𣎴如博士分享一下預防及對付租霸的方法等我地學下野。 |
| 51. 散戶2015-02-09 15:25:14 |
|
細訂二十萬已決定放棄，希望博士今次中，3個月夠快， |
| 52. 求問2015-02-09 15:28:13 |
|
博士，請問你祗爆煲，跌幅是多少？ |
| 53. BSD照賣，爆煲先兆2015-02-09 15:31:25 |
|
峻瀅搶貨 【經濟日報專訊】將軍澳峻瀅1月錄得35宗買賣個案，交投量比太古城30宗多15%，屋苑交投量突出，與一批內地業主積極沽貨有關，2房戶作價470萬元，幾乎平通全個將軍澳。
內地業主 貼市價放盤
數據顯示，峻瀅1月錄得35宗買賣個案，2房戶佔近8成，2房戶售價介乎438萬元至534萬元，其中23宗樓價低於500萬元。
樓價低於500萬元可購買2房戶，又屬新樓，實在甚具吸引力。
過去一個月買入者最好撻訂睇定D。 |
| 54. ＴＯ： ５１樓散戶2015-02-09 15:35:39 |
|
20萬, 不管係自用, 定投資者 都係血汗錢
買樓應該深思熟慮, 我見到說撻訂, 不知怎麼說, 無言.....
祝君好運! |
| 55. 大寶二寶2015-02-09 15:43:35 |
|
樓上，你咁認真，祝你好運。 |
| 56. law student2015-02-09 15:57:36 |
|
|
| 57. 小讀者2015-02-09 15:59:38 |
|
嘩, 連博士都話會趺, 我都撻訂啦, 撻訂都係三四十萬, 博士話三個月內一定爆煲, 咁起碼都趺幾成 !
大家都係小心D, 最好聽博士話撻訂, 如果唔係第時你地變晒銀主盤就唔好喊! |
| 58. 三易十専士2015-02-09 16:01:36 |
|
以博士副身家, 自己投地起樓做小型發展商好過啦 一係學玩具大王咁一座座買, 仲咁小家玩炒樓收租
|
| 59. 亮劍2015-02-09 16:09:56 |
|
其實今日香港樓市搞到一鑊泡，CY同 DT 兩兄弟真係責無旁貸！ 想當年係邊一個叫董建華搅八萬五？ 就是呢位人兄將本來十年用的土地儲備，一炮過喺三年内耗盡，咁不单止搅到香港楼市插水式下跌，而且整到下一手要同佢埋尾！
不過下一手又真係唔抵爭，在金融海嘯之後，其實佢應該要拿拿聲開發土地， 以便第2時用來起屋，但他就好似食左幾十擔豬油咁，做事慢半拍， 呢一鑊佢就玩翻下一手轉頭。
到呢家紙包唔住火， 無殼蝸牛見到你政府喺度瀬晒屎， 求人不如求己，仲唔狗衝？唔通等死？
現在最慘既係，大家都唔知耶倫搅邊科，呢個CY又畀地產霸權及泛民主派玩緊！ 呢家無論業主、租客同收租佬， 都只有自求多福， 離開事發現場，費事「無姑姑」畀人「唧濕」！ |
| 60. 回58樓2015-02-09 16:10:53 |
|
你新來ga |
| 61. 師奶仔2015-02-09 16:17:51 |
|
早排有人講:-
買樓有風險! 唔買樓的亦一樣有風險!
所以, 不能唸得咁多, QE殺到埋身, 我地點都濕身. |
| 62. 廢佬2015-02-09 16:30:17 |
|
http://hk.apple.nextmedia.com/realtime/finance/20150209/53419899
【港樓瘋狂】準到得人驚！ 大好友湯文亮罕有轉軚 紀惠集團行政總裁湯文亮向來是樓市「大好友」，就算2014年初十個講樓，9個睇淡，湯文亮仍然堅持樓價易升難跌，故今天在網上撰文，大膽預言「細價樓將會在三個月內爆煲」，出現180度的轉軚可謂令人大感意外！
湯文亮去年曾表示，上半年樓市以穩定、牛皮來形容，惟下半年壓抑多時的情緒爆發，需求推動價格上升，全年升幅半成至一成。據中原城市領先指數，去年首半年指數都是120點樓下窄幅徘徊，惟六月尾升穿120點後發力，直至年尾，剛剛好錄得一成升幅，可謂準到有點得人驚，當時佢仲話「賣咗買唔返」。
另外，漂亮的一仗是在2012年，因外圍經濟惡化，政府再進一步收緊按揭成數，以及增加土地供應，成交量減少，當大家以為樓市無運行，當時他仍是力排眾議，年頭已表示該位是入市好時機，結果就如他所說，樓價一去不回頭，全年更錄得逾兩成的升幅。 |
| 63. LYC2015-02-09 16:33:04 |
|
樓市上升週期可以超過20年,不斷大漲小回。升得急之後回番D,又會有什麼出奇!
博士話爆煲就一定會爆煲嗎!? 如果三個月後無大跌, 到時博士又怎樣自圓其說呢?
唔好信晒任何專家,自己分析下,信自己好過啦! |
| 64. 廢佬2015-02-09 16:34:37 |
|
http://hk.apple.nextmedia.com/realtime/finance/20150209/53419731【港樓瘋狂】紀惠CEO：細價樓三個月內爆煲！ 細價樓升到癲，破頂成交日日見，為家族投資及管理近400億元資產、紀惠集團行政總裁湯文亮於網上撰文，大膽預言「細價樓將會在三個月內爆煲」！ 紀惠集團行政總裁湯文亮向來是樓市「大好友」，堅持過去幾年樓價易升難跌，據過往幾年紀錄，湯文亮的預言可謂準到有點得人驚，如預測2014年是，先牛皮，後急升的格局，據中原指數上半年的確是先牛皮，下半年發力，最後錄得一成升幅，他去年初更指「賣咗買唔返」。 湯文亮分析，官員們對於細價樓狂飆可以說是一籌莫展，唯一可以做就是推出租金管制，不過，租金管制不但是最後一著，如果稍為處理失當，這個政府在佔中後所得到的民望將會失去，所以，官員在任何場合都否定 會推出租管，但我認為越否定，租管亦將會變成事實。 他認為，如果推出租管，應該集中在細價樓，與及以五年為限期，不過，在推出租管之前，應該管制財務公司。何解？湯文亮向財務公司的朋友查詢，獲悉買細價樓的資金通常由父母借出，不過，他們父母的資金大多數來自財務公司，做父母的將手上物業向財務公司申請二按，將資金交給他們的兒女買樓。 湯文亮續指，部份細價樓業主，從第一日向財務公司申請二按開始，根本無力清還，但樓價急升，他們可以將物業轉按，以貸養債，但亦意味越借越多。 他估計，現時每一間財務公司最少都有十個四按物業，以1,200家「財仔」計，即是市場上最少有12,000個四按物業，這是一個火藥庫。湯文亮大膽預言，快則三個月，慢則六個月，這個危機一定會爆發。 |
| 65. Oscar Lam2015-02-09 16:36:22 |
|
湯博士，
在下十分明白您對於細價樓爆煲的擔憂，您的擔心是合理的。不過世事無絕對，您只要把擔憂的原因寫出來，希望大家小心謹慎，但點到即止便好了，如果過於肯定事情一定會發生，或者過多提及一些損害大衆利益的政策，如租管，在下擔心被有心人包括政府所利用。另外，也有可能嚇壞一些經驗和實力不足的準業主，在未經深思的情況下做出一些錯誤的決定，如撻訂。
在下並無惡意，請不要介意。 |
| 66. 中女社社長2015-02-09 16:37:50 |
|
相信大家也知道Apple Daily發佈了博士言論...除左冇眼睇外, 我沒什麼可以發表了 > <" |
| 67. climbing a wall of worries2015-02-09 16:45:39 |
|
博士用心良苦用自己信譽為樓市撥冷水。
其實冷水再多，供應唔夠，樓價唔升租都會升。
中慢牛點都好過癲牛炒爆。
有冷水,至有得慢慢玩。 |
| 68. 朗晴2015-02-09 16:59:39 |
|
如果平均每間財仔都有十果4按物業，咁總數應為一千二百間財仔x 十間除4=三千間4按物業． 因為同一個物業分別會在四間財仔同時出現． |
| 69. 打工仔 Andy2015-02-09 17:00:00 |
|
博士 今日我親自打電話比財仔業內人士問過, 是否你所講的三, 四按用來買樓, 佢話五,六按用來江湖救急短時間就有, 一向都有(平常事), 但只是好少數case, 從無聽按上按攞錢比人上車買樓！ 30%利息用來買樓, 無咁既人！ |
| 70. 自我陶醉2015-02-09 17:01:03 |
|
To 65 樓 Oscar 兄
請放心， 這裡說會撻訂的人就像那些叫引刀兄猜CCL的人一樣， 為的只是要博士在預測不兌現時難堪，你看不出嗎？ 況且投資乃個人決定， 幾年前已有不少專家說樓市會爆煲， 心理素質差的人早已投行了， 那會等到現在？ 而現在真正撻訂的， 應該是那些無能力而免強在高位入市的人， 撻訂對他們來說不一定是壞事。
賣樓買比特幣那位仁兄更可笑， 不如誇啲話用左嚟買六合彩大包圍喇!
|
| 71. 小陽2015-02-09 17:07:36 |
|
其實所謂既需求都係心理作用，價升D人心雄，價跌D人縮。一個男人住又話剛需，一家人霸三間公屋又係自用。有樓好似好威，後面其實左借右搶，搶父母養老金，其實已透支一家人未來開支， 博士上蘋果，代表博士江湖地位高，可喜可賀 |
| 72. 棄車保帥?2015-02-09 17:18:21 |
|
希望博士呢招出口術吾係棄車保帥... 引爆細價樓市場呢個炸彈, 保住豪宅市場自已玩開嗰pool, 吾使攬炒.....博士....明嘅....重要關頭....自求多福啦!!! |
| 73. law student2015-02-09 17:25:30 |
|
同意70/f 小陽. 剛性需求根本就係地代搵黎講. 何謂剛性需求? 而家的後生仔, 個個一畢業就要獨立空間, 要買樓, 呢的係咪剛性需求? 未結婚前, 點解唔可以同父母住先? 我問過身邊的同學仔, 個個都話遲左買唔番, 反正父母比埋錢, 梗係買左先. 我再問, 假設樓價係會跌既, 2年後買可能平的, 咁你會唔會買, 10個有9個話梗係唔會, 寧願同父母住住先. 咁剛性需求又有幾剛? |
| 74. Oscar Lam2015-02-09 17:28:01 |
|
70樓自醉兄，
現今世界真是甚麼人都有。但願初次買樓者均能小心謹慎，且有好的心理質素。 |
| 75. law student2015-02-09 17:28:06 |
|
|
| 76. Oscar Lam2015-02-09 17:39:16 |
|
71樓小陽，
博士上生果報，我最擔心的是，博士說白，報紙將它變黑。 |
| 77. Mr Wong2015-02-09 17:39:41 |
|
Dear Mr. Tong: Is this similar to the US sub-prime financial crisis? |
| 78. kE2015-02-09 17:40:14 |
|
博士，你今篇文出現左好多普通人看不出的破綻，但我選擇唔駁您，明白您可能有政治任務在身 |
| 79. 1仔只係有大價樓再按例子2015-02-09 17:49:19 |
|
除非失業率升，否則會唔會係細價樓硬淨D？ 之前喜雅銀主都係7.5M，近6M入，點講都唔係細價樓
在眾多 sub-mortgage中，以東亞銀行造得最多。記者在西貢一獨立別墅找到業主 Gloria Law，她今年三月以一千五百多萬，買入這個背山面海的別墅一個單位自住，並於同月向財仔 GIC借一千二百萬元樓按。根據金管局按揭指引，這類千萬豪宅，銀行最多只可借五成，不受監管的財仔，則借幾多都有！羅小姐便借足八成。只有三十多歲，打扮入時的羅小姐說：「搵 GIC都係貪方便，夠簡單。見佢賣咁多廣告唔會有咩古怪，但利息貴銀行六釐！」按土地註冊處資料顯示， GIC在今年六月，再將這物業連同豪宅紀雲峰及元朗工廈等，共七個由其他不同業主持有的已抵押物業，再抵押予東亞銀行，亦即 sub-mortgage。記者向羅小姐透露此情況，她驚訝地表示毫不知情：「真係㗎？」她更乘機向記者投訴 GIC：「我唔知！而且我一直同佢哋講想借一千萬，點知到簽約時，先知佢哋預備咗一千二百萬，氹我借多啲﹗」 |
| 80. 大寶二寶2015-02-09 18:02:17 |
|
除非博士有D未公開嘅秘密資料，如果剩係已公佈嘅理由，我吾相信细價樓係未來三個月會爆炸。
如果唔爆，又會有人出來鬧爆兼拆招牌。博士三思。得罪。
明白可能呢D文唔係寫比我地睇，我明嘅……，難為博士，我明嘅……。
共勉之，哈哈！ |
| 81. CRD2015-02-09 18:15:10 |
|
。。。。。。。 |
| 82. 亮劍2015-02-09 18:17:33 |
|
更加令我和一些資深網友unfriend………… 博士，其實有時小弟唔同意你部分觀點，並非與你抬槓，因為我相信呢個世界，真理應越辯越明，而且你係我最尊敬的磚家，小弟一定不會主動 unfriend 您，如果我有乜狗噏唔對路，下次見面我自對三杯賠罪。 |
| 83. 樓蟹2015-02-09 18:18:55 |
|
見今日篇文咁激, 唔知爆煲指跌幾多？如果三成，咪近兩年入貨都要馬上走？火燭呀! |
| 84. 路人2015-02-09 18:20:17 |
|
博士講到咁盡，回響之大，實在係勁，簡直是名譽之戰。 博士何不指點我們之後的走勢如何，調整有幾深，時間有多長，中價樓和大價樓又如何? |
| 85. CDR2015-02-09 18:28:55 |
|
博士講到咁盡，回響之大，實在係勁，簡直是名譽之戰。 X 2 |
| 86. 楊衛隆2015-02-09 18:43:35 |
|
肥劏今次烏鴉口
天靈靈，地靈靈，肥劏今次開口……中。
|
| 87. 如果真係要估點解爆2015-02-09 18:47:58 |
|
我估可能係人仔一次大幅眨值，咁就會造成香港，甚至全球通縮。 香港銀行借比大陸既錢多過按揭好多，如果人仔一次過大眨，咁真係要即時call loan，大部份財仔即時要執，市面上亦會多好多供應，但冇人敢接貨。 不過如果人仔只係慢慢眨值，咁反而會令大陸人更快來香港買野（事實上而家就係），如果一年只係眨2-3%，咁反而會令香港出現經濟泡沬，事實上亦係而家既情況。 |
| 88. 引刀十塊2015-02-09 19:10:44 |
|
12000個四按單位？香港全年住宅成交數量都係一兩萬，當你細價樓比例佔四份一，都係得五千個，即是要兩年多的時間才能累積？定還是12000個裡面好多唔係細價住宅？係豪宅？工商舖？另外，博士之前提過日立財務，我曾經問過，佢地只做1手樓按揭，唔做二手，唔做工商舖，家下細價樓成交主要在新界的2手樓，你話日立有份幫手推波助瀾細價樓我實在不敢茍同。
博士近來的文章的確係破綻百出，難以令人信服。 |
| 89. 引刀十塊2015-02-09 19:26:04 |
|
有12000 個四按物業唔出奇，當中可包含其他類型物業例如豪宅工商舖，但說這12000個全都是細價樓我絕不認同，細價樓升幅可以用瘋狂來形容只不過自14年中開始，而這段時期細價樓成交量頂多4000個。 |
| 90. 同不同2015-02-09 19:45:24 |
|
|
| 91. 蜕变中嘅懒人2015-02-09 19:48:56 |
|
1. 細價樓將會在三個月內爆煲？ or 2. 中價樓將會在三個月內爆煲？ or 3. 大價樓將會在三個月內爆煲？呢
他們同意買細價樓的資金不是來自小業主，而是他們的父母，不過，他們父母的資金大多數來自財務公司，做父母的將手上物業向財務公司申請二按，將資金交給他們的兒女買樓，因為在現行法例，是很難向銀行借錢買樓，於是，我又打電話給另一位朋友問財務公司增長速度，答案是雨後春筍。
答案係父母手上的物業係乜價樓。 如果父母手上的物業全部係細價樓，答案係1. 如果父母手上的物業全部係中價樓，答案係2. 如果父母手上的物業全部係大價樓，答案係3. 如果父母手上的物業乜價樓都有啲，答案係123爆大鑊. |
| 92. 蜕变中嘅懒人2015-02-09 20:02:30 |
|
估得中就要睇3個月後爆邊瓣，估唔中就燒濕水炮仗無野爆。懒人段嚿估風平浪靜、萬里晴空。
無事嘅、無事嘅、無事嘅、無事嘅、無事嘅、無事嘅、無事嘅、無事嘅、無事嘅、無事嘅、無事嘅、無事嘅、無事嘅、無事嘅、無事嘅、無事嘅、無事嘅、無事嘅、無事嘅、無事嘅。
點解咁多無事嘅？因為講多啲就會自我實現，無事嘅。 |
| 93. 蜕变中嘅懒人2015-02-09 20:13:49 |
|
呢個盤口5月9日開估，買爆？買唔爆？買爆隔離嗰瓣？瓣瓣都想買，買邊瓣好呢？ |
| 94. Ka Shing2015-02-09 20:15:07 |
|
|
| 95. 亮劍2015-02-09 20:23:49 |
|
91 楼 蜕变中嘅懒人 C兄…… 最近你忙於同寶貝豬仔扮靚，可能唔得閒看新聞，因為呢一排接二連三有「投資者」被骗案發生。 例菜諸如倫敦金果D唔講，但唔知C兄有無睇過有「 新聞價值 」的例如隔山買倫敦楼收唔倒楼； 比特幣龐氏騙局？ 呢兩單嘢吸睛在原來香港人如此有米！ 香港有D人嘅錢，可能係執翻來嘅，係咁2呃呃騙騙，都可滾你幾拾個億，咁你仲敢唔話家長客無實力？ |
| 96. to 86/F2015-02-09 20:27:03 |
|
|
| 97. 所謂2015-02-09 20:36:37 |
|
|
| 98. Hongkong People2015-02-09 20:43:19 |
|
要防租霸,其實可參考美國嘅做法,美國租樓基本上要俾Resume ,俾晒所有資料業主,當然包括工作資料,但最有用嘅係準租客要俾5O美金及授權地產經紀去信貸資料庫查準租客的財政狀況,業主可根據得到的報告同資料去決定租與不租該準顧客。而美國的信貸資料具細無遺,包括該租客以前欠租情況。 |
| 99. 財仔2015-02-09 20:49:05 |
|
我借訂$等樓价跌到時買可行否? |
| 100. 所謂2015-02-09 20:49:21 |
|
如果澳門元被低估四成,我們會唔會用一對一嘅港元換佢些少澳門元,又或者買佢哋嘅物業(在佢嘅幣值仍未升值之前) 香港物業市場是否單純係港人市場,要港人十幾年收入來買! 十三億人認為可靠嘅嘢,就會搏命同你搶!你冇錢但唔等如人家冇! |
| 101. 財仔2015-02-09 20:50:18 |
|
我借訂$等樓价跌到時買可行否? |
| 102. 同不同2015-02-09 20:54:51 |
|
看博士言論真的不可水過鴨背。哈哈哈 今天我竟重複看了5次。 |
| 103. 魚蛋仔2015-02-09 21:13:46 |
|
短短幾天時間，整個物業市場的預測，好像由天堂跌落地獄，真的有點不知所措。很想請問Oscar兄，打工仔兄，大寶二寶兄，你們應該特有很多物業，此刻你們打算如何應對目前的情況。請分享一下。 |
| 104. Small Potato2015-02-09 21:16:13 |
|
左諗右諗，覺得博士呢幾日不斷唱淡，必有佢既原因，因為博士早前先話樓價上半年會升大約10％，年尾睇跌，博士咁突然轉淡，一定係有D野即將發生，大家應謹慎。祝各位好運 |
| 105. 所謂2015-02-09 21:23:37 |
|
我2001年8月26曰和2002年尾在大陸買咗兩間別墅,分別係165萬和280萬人民幣!當時港幣100元換人民幣約105,現在兩間別墅分別係900萬和1600萬! 現在人民幣升值預期巳經逆轉!但港元其實係一直被低估! 我亦曾經諗過沽咗大陸嘅物業來港去買屋,斷估香港物業跌番CCL 56點嗰個位,巳經係好恐怖! 我自報我係在 CCL 53至56 時在港買咗十幾個物業! 所以大陸有好多人亦相信有同樣嘅諗法!搏買港元升值,用大陸物業來換香港物業! 等於沽美股買A股 |
| 106. 所謂2015-02-09 21:30:22 |
|
博士其實心中和大家一樣,啲樓價升得健康啲就冇太大問題!若果好似A股前派咁升法,阿爺唔起腳踢爆佢至奇!我揸咗咁多,我都唔想樓價癲咗咁升! |
| 107. 細價樓2015-02-09 21:32:24 |
|
博士有啲夾硬來，話細價樓升過左火會調整唔奇，但講到實幾時，仲用爆來形容!! 博士都有講過，能知三日事，富貴萬千年，博士預測三個月後嘅事，係咪講大左? 攪到成個陸東咁，所謂理據又錯漏百出，今次又特別高調，蘋果東方都出埋，恕我有小人之心，懷疑博士是否有私心，怕細價樓係癌細胞早期，想整死佢以免波及整個市場，不過我大家唔駛擔心，知名度強如陸東，沈振盈，羅家聰，都吹唔郁個樓市，依家先去買樓嘅人都唔知博士係乜水!
|
| 108. 珍惜香港2015-02-09 21:39:47 |
|
【珍惜香港】邊個咁大膽，UNFRIEND 博士？唔緊要啦， 博士，我 FRIEND 你！唉！乜搞到咁大鑊， 上埋生果報？咪話過， 玩曲線， 同玩火冇分別囉！真喺冇眼睇！ 我唔鍾意高調，依家烽頭火勢，本來唔想寫嘢，但 9/F 開口埋口講消極，費事俾人以為佢喺我，冇法啦。我想講，如果博士真喺 用心良苦，叫政府三思後行，又或者只喺 出下口術，為樓市 撥冷水嘅話，點解唔直接啲？ 行直線，講真話，唔會有問題架！ 監管同干預，只喺一線之差。如果政府要監管財仔，優化呢個行業，喺無可厚非。但只喺為咗 樓價，而走去郁財仔嘅話，就喺 本末倒置。呢個行業，小至卡數，大至樓按， 深入民生，牽連好廣。就算政府要監管財仔，都只能夠 遏止增長，絕對唔可以令之萎縮。小郁冇效，大郁又唔得，咁郁嚟做乜？ 租管又點？燃燒一個無辜階層嘅血汗， 同不善理財者埋單？真喺阿彌陀佛！ 我講過幾多次， 消極施政，喺死局，冇得救！點解講極都唔明？點解仲唔肯面對現實？點解仲唔肯講真話？一個大話蓋另一個大話，蓋得幾多次？ 五年租管為樓市降溫？恐怕半年都捱唔住！同庸梁講：切腹啦！OH，SORRY，手快打錯咗添，唔喺切腹， 切 DSD 啫！打通番樓市嘅 縱向流動性，即喺通過 啟動換樓潮，釋放上車盤嘅供應量囉！不過咁，叫庸梁切招，咪即喺叫佢 自拆生招牌，同切腹冇乜分別喎！ 叫得做 一男子嘅，男子漢，大丈夫嘛！一人做事一人當， 犧牲小你，完成大我，何樂而不為？不過唔好話我睇死你，邊有咁偉大，況且 DSD，唔喺話切就切， 仲要一系列政策配合架！有名你叫，庸梁嘛！你得咩？ 切腹啦！（又打錯） |
| 109. 打工仔 Andy2015-02-09 21:47:12 |
|
To 103 樓兄
我自己近日睇博士新書逢三退一, 又每日追博士文章, 真的半若兩人! 我想, 博士是個很老實很有責任心的人, 絕不會隨意在沒有任何跟據下發放消息! 樓不是股票, 不是話沽就沽, 真係要計下數先! |
| 110. 對財2015-02-09 21:47:59 |
|
對待財仔有簡單。財仔只能收樓，不能行使個人擔保就可。 |
| 111. 所謂2015-02-09 21:51:44 |
|
若果樓價只係保持住呢個LOOK!咁 樣用時間俾大家冷靜吓!呆住一年半載,政府就唔使大手大腳,天下太平! |
| 112. 蜕变中嘅懒人2015-02-09 21:52:23 |
|
回95樓 亮劍兄
懒人當然信香港嘅家長有實力，所以我都話無野3個月內會爆，博士嚟排全力唱衰細價樓，道理牽強到極，點會家長全部用细價樓去財仔做幾鋪二按俾子女買細價樓，倡議租管又只管细價就最合適，中高價樓商業樓全無問题，好似陽痿濃患有嚴重青光眼淨番隧道視野，只睇到細價樓deung住嚟鋤唔放，極之唔合理，表面唔合理嘅事情可以存在，必然有隱藏咗而合理嘅原因有待揭發，老實講尊重唔代表盲從，段嚿咕嘅野都要用眼睇睇諗諗，而且懒人就猛咁諗，不過懒人資質平平諗掂，亮劍兄你博學敢言，靠你嘞。 |
| 113. 網中人2015-02-09 22:04:05 |
|
應該是: 他們父母的資金大多數來自銀行加按及部分財務公司的二按... |
| 114. 多人持不同意见2015-02-09 22:10:57 |
|
資深投資者湯文亮表示，細價樓將會在未來三至六個月內爆煲，環球信貸（1669）主席王瑤指，近期樓市升得好犀利，但看不到爆煲的轉捩點，因為預期今年美國都仍維持低息，政府已推出一系列措施調控市場，已抑制樓價的升幅。
就環球信貸而言，王瑤指，她們的客戶多是中小企老闆，客人借錢多是為了生意，故看不到有家長再按物業讓子女上車的情況，公司亦都沒有做三按、四按的生意。
她又指，由於公司客戶多是中小企，現時營商環境未見惡化，故生意都有平穩增長，行業則平均有約5%至7%的貸款增長，但看不到樓市急升為按揭業務帶來爆發性的升幅，因為樓市成交仍然較低。 |
| 115. 蜕变中嘅懒人2015-02-09 22:11:46 |
|
昨日有地代電召懒人話帝拍凱湾有個1700萬銀主盤，比市價平百幾萬。 今日有地代電召話屯門市懒人隻豬仔連约可做到400萬，係理想價做到就拍爛手掌。 地代同博士反方向趙埋嚟，唔知仆到邊便至啱。 |
| 116. 大寶二寶2015-02-09 22:13:59 |
|
回1O3 魚旦仔兄
觀乎近日博士言論，我估計(講咗等於冇講): 1. 佢收到風有負面嘢即將發生， 2. 刻意唱谈，……你明㗎喇。
無論边樣我都相信佢係善意嘅。我地绝对唔應該懷疑佢有私心，我相信博士係正直嘅人。
現階段我會靜觀其變，因為: 1. 我始終相信CCL係會見150 2. 亮劍兄都未轉軚，嘻嘻！
共勉之，哈哈！ |
| 117. LYC2015-02-09 22:17:39 |
|
50-70後的家長經歷過1997-2003，會選擇這時候按左層樓俾財仔而後套$給子女買樓，不是太合理啊！ 冇乜說服力！ 李超人都話今年樓市安寧。
|
| 118. 活躍的財仔約一百間2015-02-09 22:22:31 |
|
據公司註冊處資料顯示，現時財務公司接近一千二百間，○九年時則為七百九十間，第一信用（8215）主席冼國林表示，現時活躍的財仔約一百間，但部分僅做私人貸款或股票孖展，純做物業按揭的僅為十餘間，餘下近千間沒有日常業務，「牌照費一年都係四千蚊，放返喺度無乜所謂。」
http://hk.apple.nextmedia.com/realtime/finance/20150209/53421240 |
| 119. 魚蛋仔2015-02-09 22:57:15 |
|
|
| 120. Li2015-02-09 23:18:37 |
|
絕對相信博士知道一些重大的消息，而一般人唔知的。 再者，大家不妨退一步想想，其實年輕人要動用父母，甚至祖父母的棺材本才能上車，這其實是很不合理的了。 姑勿論這些錢怎樣來，一個人出來工作，上不能反哺父母，還要啃老上車，真是廢廢青！ 但現在，如亮劍前輩，好像都將它合理化了！ 合理化一些不合理的現象，不是很危險嗎？ |
| 121. Oscar Lam2015-02-09 23:25:56 |
|
致103樓魚蛋仔，
請問目前的物業投資市場與三個月前有分別嗎？除了中原指數上升了一些以外，影響樓市的基本因素完全沒有變。
那我們害怕甚麼呢？三個月前大家不是很開心嗎？三個月前我們怎麼做，現在就怎麼做。逢三退一，就算不退一也不要追貨。努力工作，保留實力，增強現金流。就這麼簡單。 |
| 122. 打工仔 Andy2015-02-09 23:47:14 |
|
Oscar Lam 兄
我同意你的講法, 退不退要自己計數, 決定了就去實行, 保持平常心, 世界無賺到盡的投資! 最緊做了決定, 瞓得好食很好就Ok, 對嗎? |
| 123. CH2015-02-09 23:49:11 |
|
今日個標題儼如軍令狀！大有不出半年攻陷敵首都之勢，今日生果同方向報幾次發出特別新聞“警報“。在一遍質疑聲中，湯生莫非已有背水一戰覺悟？ |
| 124. 珍惜香港2015-02-10 00:29:53 |
|
|
| 125. e_kam2015-02-10 00:39:40 |
|
湯文亮於網上撰文，預言「樓市在三月個內必定轉勢」。湯文亮接受本報記者電話訪問時解釋，當下只有「恐懼的人才會買樓，貪心的人不會買樓」，認為樓價會由高位轉勢，最少跌兩成，他唔知個高位可以升到去邊，但可以肯定升得越高，就會跌得越急。
另外，湯文亮又指，現時財務公司借貸狀況的確不正常，好多物業「一味加按又加按」，「原本可能借300萬，加按之後變了借350萬」，他亦估計有人做到四按 的話，根本是顯示出無力還錢，引發泡沫危機。他建議政府應檢討財務公司制度，監管他們的借貸比例，有關問題不能不正視。
值得一提的是，湯文亮女兒的湯振玲，日前曾現身華懋紅山半島銷售處，市場消息指她斥資9,000多萬元向華懋集團等買入4伙，莫非湯文亮覺得女兒是「恐懼的人」?
不過，湯文亮之後又講到，近兩年豪宅市場表現好穩定，入市豪宅的都是「理智買家」
http://hk.apple.nextmedia.com/realtime/finance/20150209/53420526
|
| 127. Marie2015-02-10 02:12:25 |
|
三個月之后，個樓市升5%都當湯博贏! 佢應該係覺得政府想加辣，想利用媒體嘅noise 同公衆壓力去兇政府同小市民攬炒嘅後果，果真高手中高手............地主會咪呢啲囉。 |
| 128. Marie2015-02-10 02:19:19 |
|
現在泛民什麼都反，施政報告所有房屋政策只會停留在紙上，尤其佔中之後，未來一段很長時間泛民都會與梁振英及之後的特首長期對立，他們一定會盡力破壞所有未來所有有建設牲的房屋政策: 公屋條龍越來越長，私樓土地無以為繼，從而令香港樓市屢創新高。他們會不斷阻礙房屋供應，推高樓價來制造大量民怨，絕對不會容許樓市有任何調整，因為這樣只會令梁振英政府及其後繼人建立功績同民意。而泛民推高香港樓價，犧牲市民居住問題之後，就會無賴地反過來利用樓價高企、市民居無定所的問題來不斷指責地產霸權、官商勾結和政府管治能力，打擊政府威信。 所以未來政府所有房屋政策只會因此而議而不行，了無寸進，泛民亦會利用房屋問題推諉到真普選問題上，將責任推到中央政府同特首頭上。泛民不合作行動絕對系未來10年香港樓價猛升的主要引擎。
佔中之後，樓市已經又加速了，並不是因為佔中事件過去，而是聰明的投資者都看穿了這個泛民帶來的機遇；所以展望2015上車一定要快，今日的貴等於明日的便宜，我相信樓市這個"泛民溢價"未來十年甚至二十年也會持續下去，有泛民攪局，香港露宿者同劏房只會越來越多，香港樓市未來十年絕對沒有下跌空間!!
再加上全球央行輪流無限QE，要用負利率抵抗通縮，強美元同低油價令美國根本冇通脹壓力，而且美國亦唔想美金過強影響復蘇，所以美國最後可能只會加一或二次息就完成所謂加息週期，政治上泛民不合作運動癱瘓政府揾地，房屋供應斷層，大量分支家庭不問價入市，之前幾年賣左樓有實力人士又開始撲番入黎瘋搶，引致購買力源源不絕，加上樓市升左甘多，大量市民洗濕個頭，所以睇死政府一定唔敢攪啲既得利益者同近幾年上車市民，最後樓市只會再無限期不斷攀升，中原指數今年極有可能上望二百點，每兩年以一百點步伐上升。
如果有$，宜家掃貨絕對吾遲，冇$就借/按盡佢，QE陸續有來，今年美國零機會加息，預料未來一年起碼有五成水位，下年市區兩房入場起碼一千個! 新界八百個! 一注獨贏樓市真係絕對冇得輸。
|
| 129. 奇奧貓咪2015-02-10 02:42:32 |
|
回 88F,
我肯定日立有做二手樓。兩星期前有個地代撩我買個6M盤, 我話我都緊緊夠三成首期上會，佢反建議我找日立做八成上會，話輕鬆啲喎，，，仲即使whatsapp嗰日立嘅plan比我睇，，，真係仲積極過sell個盤eea3 |
| 130. Marie2015-02-10 02:53:09 |
|
三個月之后，個樓市升5%之內都當湯博贏! 佢應該係覺得政府想加辣，想利用媒體嘅noise 同公衆壓力去兇政府同小市民攬炒嘅後果，果真高手中高手............地主會咪呢啲囉，真係戲如人生。 |
| 131. 引刀一快2015-02-10 03:09:47 |
|
To 3樓 懶人兄
咁又唔使咁悲觀，我覺得依傢d人法制意識好强，做租霸嘅人比例唔會好似以前咁多，而且係我就會斷佢水電、電話、網綫，冇電上網唔通佢開發電機玩what‘s app咩。 |
| 132. Niceman2015-02-10 03:36:12 |
|
驚見博士又思覺失調, 語出驚人。小弟發覺呢個現象由舊年世界柸開始, 博士常有幻聽某某教練打電話比你, 請教你如何步署。小弟勸一勸博士及早睇精神科對症下藥。
最近博士又幻聽"最基本的就是每一間財務公司最少都有十個四按物業" , 咁岩小弟又係開財務公司, 小弟間財務公司唔單止冇四按, 連三按都冇, 我又問過一些中介公司及行家多唔多四按, 終於問到一間有一隻四按CASE。以一間財務公司有100 CASES 為例, 小弟問左7間行家, 即比例是700份之1。 小弟做既只係簡單統計學, 但我相信比起博士之幻聽法準確性高。
博士又用財務公司增長得快, 推斷"增長速度驚人，而每一間財務公司所涉及借貸亦同樣驚人，而那些借貸已非二按那麼簡單，而是三按，四按。那些細價樓業主，從第一日向財務公司申請二按開始，根本無力清還" 小弟間財務公司咁耐都冇壞帳, 怎見得債仔一借二按就無力清還呢 ?
博士今日推算細價樓三個月內爆煲, 我可同博士打賭你一定輸。
|
| 133. Niceman2015-02-10 03:47:58 |
|
古有陸東跌五成 今有文亮發樓警 妖言惑眾要不得 好友堅守大本營 |
| 134. 引刀一快2015-02-10 04:19:01 |
|
88樓 89樓
我知點解你要整個“化名”去映射人，因爲你本人冇料，你嘅分析能力真係屎到爆。 不過，你唔好消失呀，繼續喇你。 |
| 135. 引刀一快2015-02-10 05:13:01 |
|
To 132樓 Niceman兄
我信你真係開財務公司。 |
| 136. 看通天下2015-02-10 05:50:33 |
|
博士此話甚有玄機，印像中政府出招往往針對誠哥，好似同佢有仇，見到誠哥D細價樓咁好賣唔順超，又要整佢一🐺wok. 佔計今次當誠哥開大型新盤時就整佢等佢又冇運行，cy又幾毒。難怪明眼人都睇得出，誠哥都係怕左佢才遷册。 |
| 137. 引刀一快2015-02-10 06:00:24 |
|
To 70樓 自我陶醉兄
引刀當然不能与湯生相提并論，但係今次我估CCL比賽輸咗，并冇太大難堪，原因係時機判斷雖然錯咗，但係我對樓市看跌並冇改變。 不過，我依傢又可能變做好友喎！！！！！！！！ 因爲尋日睇新聞，班人炒比特幣俾人滾晒D錢，咁都處之泰然！比起前幾年嘅雷萬苦主，直情天淵之別，我...........................out喇！ |
| 138. 新仔2015-02-10 06:06:30 |
|
再出招就迫死這三年鎖死的新買家，而且大都是自用而血汗錢，這批人過去是反樓價高又聽政府高官叫人唔好買樓等左幾年而被迫上左車一族，所以已不再嘈，如果再比政府害，跳樓都係唔出奇，反正樓升左小小，我仍認為語出驚人目的是先壓一壓升勢令樓市長遠更健康，根本不能亦不應岀招，等PP兄分析一下就知實況。 |
| 139. 香港仔2015-02-10 07:23:33 |
|
P P兄，點睇？ |
| 140. 大寶二寶2015-02-10 07:41:19 |
|
回刀兄
係呀，Niceman 師兄好勁㗎，我成日係香討睇佢D文嘅。
你可能係大陸太耐，真係out 喇，依家多數都係租客自己攪水，电，煤，唔使业主煩。所以要cut 佢水电，麻煩好多。
共勉之，哈哈！ |
| 141. 蜕变中嘅懒人2015-02-10 08:02:51 |
|
回131樓 引刀一快兄 早上好
兄台話：（咁又唔使咁悲觀，我覺得依傢d人法制意識好强，做租霸嘅人比例唔會好似以前咁多，而且係我就會斷佢水電、電話、網綫，冇電上網唔通佢開發電機玩what‘s app咩。）
引兄，喺香港租樓俾人後，必要租客轉水、電、煤名，而業主就自己取銷，萬一租客走租走佬，佢欠水、電、煤十萬九千七唔交，業主都唔係上身。 兄台計仔行唔通，仲有可能犯法。
出得租管，法例一定益租客，一有糾纷，業主一定係蝕底嗰方，係令人想做租覇嘅誘因，租客有幾项优勢業主無得揮：1. 上法庭爭辨佢唔交租免费住你間屋等上庭。2. 政府懒做野、行政费又貴訂嘅例一定耍簡單好做，灰色地帶多有排抝。3. 租管一旦推行case必多，排期時間會好耐。4. 最慘係業主贏咗可追討佢十萬九千七都無用，佢一走了之業主得個吉。5. 除非佢刑毀業主間屋，否則揾佢同追數係民事，所有费用業主自付。6. 就算揾到佢，佢無錢或死都唔俾，業主可以自费一萬幾千請律師申請佢破產、或訂佢值錢嘅資產。7.......。8.......。9.......。無限.......。死未！
|
| 143. 蜕变中嘅懒人2015-02-10 08:10:29 |
|
你迫到佢走頭無路，佢喺你間屋BBQ、掛臘鴨，點睇？ |
| 144. 蜕变中嘅懒人2015-02-10 08:16:45 |
|
只要佢話要喺間屋做野变凶宅，你就要認真諗好唔好贴錢送瘟神。 |
| 145. 小業主2015-02-10 08:19:09 |
|
我個前租客走前花錢買紅色油漆將我全間屋油到血紅色，我開門見到差啲暈咗。 |
| 146. 大寶二寶2015-02-10 08:22:07 |
|
回懶兄
幾時聽個租霸會自殺㗎？ 比你廹到自殺果D唔係想做租霸，係生活迫人啫。
共勉之，哈哈！ |
| 147. 蜕变中嘅懒人2015-02-10 08:22:42 |
|
如果佢油得好靚你真係吹佢唔漲，但如果学張大千撥墨山水畫咁就係刑毀，報官拉人封艇。 |
| 148. 蜕变中嘅懒人2015-02-10 08:24:58 |
|
回孖寶兄 佢扮淒凉嚇吓你，你會點諗？
共拆掂之，哈哈。 |
| 149. 亮劍2015-02-10 08:32:39 |
|
小弟呢幾年多得湯博士及網主關照，使我能夠認識喺度留過言的網友，經過幾次聚會後，我們成立咗一D群組，談嘅主要係各式各樣的磚頭，旁及投資經濟。 我參與的幾個群組，高手如雲、達人如雨，每天互通的訊息共達千條，因為唔公開畀公眾，因此可暢所欲言。 各位巴打，呢個世界有D嘢真係不能立亂公開得嫁，例如國防機密、PB 客戶的人名单及持倉……仲有對下幾年「真實無誤導的楼宇落成量。」
我女细老婆靚，自己知好啦～~小弟唔想做斯諾登呀！
|
| 150. Li2015-02-10 08:32:56 |
|
連金管局都要回應博士，好嘢！ |
| 151. 蜕变中嘅懒人2015-02-10 08:37:06 |
|
|
| 152. Li2015-02-10 08:37:50 |
|
有一個政治風險，各位不能不察！ 例如，解散行政，立法兩會！ 更或者，解散治港班子，由董生的團結基金會組成看守政府！ |
| 153. Li2015-02-10 08:38:13 |
|
今早的星島日報 |
| 155. Jerry2015-02-10 08:41:37 |
|
亮劍兄,
PP 兄唔係講會遲些公開之後幾年真實的樓宇落成數字嗎?
難道PP兄的秘密群組也包括PP兄, 那就可惜了!
|
| 156. 蜕变中嘅懒人2015-02-10 08:43:57 |
|
亮劍兄，早上好。 唔使驚，懶人提議用亮劍推背图方式，等有緣者得救。 或者直接email晒啲秘密俾懶人，我斗胆出名幫你設計懶人推背图，揹隻黑鑊。 |
| 157. 蜕变中嘅懒人2015-02-10 08:45:50 |
|
多謝LI兄 |
| 158. 運輸工人2015-02-10 08:50:28 |
|
Niceman兄: 聽聞好多財仔都有回佣俾銀行職員，唔知真定假呢？ |
| 159. 自我陶醉2015-02-10 08:54:50 |
|
137樓 引刀兄
早排有幾隻烏蠅日日瀏住你， 目的就係想你難堪嘛， 當然唔代表佢哋會成功喇！ 至於比持幣， 冇人會攞晒成副苦身家買， 當然冇噤激喇!
|
| 160. 亮劍2015-02-10 08:55:02 |
|
湯博士呢篇文章，一石激起千重浪！ 呢家他已在不少群組被圍攻，背脊真係花晒。 因此他呢次「肩負社會責任」，為细價楼降溫的行為，小弟肅然起敬！ |
| 161. 引刀一快2015-02-10 09:09:16 |
|
To 159樓 自我陶醉兄
如果我怕難堪，我就唔流連喺呢個好友場喇，果D人藏頭露尾，本身佢地嘅出現就係獻醜不自知，一日換幾十個名嚟同人賭，明知佢輸就唔蒲頭架喇，唉.............
比特幣呢單嘢，報紙話成30億，咁每人攤開都應該幾甘，但係又話最多嘅先至百幾萬，我要仔細睇睇先。不過電視映出嚟果副淡定相，似旅行團賣豬仔多D，一個喊嘅都冇。 |
| 162. Jerry2015-02-10 09:09:52 |
|
其實博士真係想提醒大家, 唔好高追細價樓,係超級善意既提醒。可是, 博士引用的例子和數據, 很多都有出入,所以引起咁大回響。
其實無所謂啦, 博士都係提醒大家, 細價樓已瘋狂了, 財仔也有三、四按的例子, 它可能成為將來爆煲的因素之一。大家小心小心而已 |
| 163. 亮劍2015-02-10 09:10:06 |
|
蜕变中嘅懒人 ………… 你唔好咁懶啦，其實你自己做都得！ 1 上網找最近5~6年，政府各項土地批出的日期及地點。 2 上網找呢D地幾時批出圖則。 3 揸架車按圖索驥，找出呢D土地起咗楼未 Or 爛地盤一個 4 上網睇下呢D地盤開咗楼花未。
你同小豬扮完靚，咪揾幾日遊車河揾料，做你自己獨家的「推背圖」，記得叫埋我呀！ |
| 164. 食花生之人2015-02-10 09:12:52 |
|
人地講升講咁多年，你地就當佢神咁拜，講跌就即話人無料，佢收到風唔通話你知政府會點出手咩，要知真相都係等幾個月者，到時唔跌先寸人喇，你諗下博士係咁提租管，因為有太多人買黎唔係自住係收租囉，搞到全城發樓荒，試下政府迫所有投資客放返d樓出黎，到時又無人敢買架者，匯豐當年夠人人話見80蚊入貨，而家日日唔生唔死企係72，照理倫你地應該訓身去買先岩，個個都係事後孔明，有邊個夠膽咁樣企出黎大膽假設，用自己名譽去換來一班普通市民狂罵，祝你地好運 |
| 165. 魚蛋仔2015-02-10 09:15:12 |
|
|
| 166. 引刀一快2015-02-10 09:17:44 |
|
懶人兄 、大寶兄
呢樣我又的確唔熟，大陸嘅話，唔交租就可以即刻換鎖，拆門都得，點止停水電咁簡單，商鋪唔交租就揾工商所停牌封舖。 咁就請教兩位前輩，係咪香港住宅嘅租賃合同，全部規定一個版本？如果自己定條款有法律效力，都係一個途徑。 |
| 167. 打工仔 Andy2015-02-10 09:26:04 |
|
引刀兄早晨 香港與內地做法完全相反, 在港水,電,煤由租客自已開無得斷, 內地相反, 要由業主開水,電,煤 話cut 就cut！同管理處講聲佢連門口都無得入！ |
| 168. 打工仔 Andy2015-02-10 09:31:58 |
|
引刀兄 香港與內地租任合同是有分別的, 不過基本野都是一樣, 相方都平等有保障的。 |
| 169. 引刀一快2015-02-10 09:37:20 |
|
To 164. 食花生之人兄
佢地話幾少幾少新屋落成，幾多幾多新移民遷入，分析因素有所偏頗，好多人都係咁，傾向于著重自己擅長嘅領域朝住個人主觀願望嘅方向去分析事物，人地提出嘅問題就避重就輕、詐睇唔到。 |
| 170. 引刀一快2015-02-10 09:39:15 |
|
打工仔兄
請教一下，香港住宅嘅租賃合同，係咪規定一個版本？ |
| 171. 蜕变中嘅懒人2015-02-10 09:39:19 |
|
追睇湯博士文章多年，近日博士言論反常而不合理，而博士仍高姿態力撑，極不符合博士一向穩重而仁厚嘅性格，金管局以官樣文章回应博士言論，宣称向來極嚴格管制銀行屬下財仔，然而4按CASE的確有發生，並非子虚烏有。
到此，懒人段嚿估將博士事件合理化，博士有可能预見财仔事件將惡化害人，不惜以極度誇張言論並押上本身聲名，引發社會注视以期減低極有可能發生嘅樓市災難冲擊香港經際，倡議租管不過係煙幕吸引激烈回應，而重點係形成壓力，敦促金管局要注视有関財仔日益猖厥動態，而立即堵塞其迂迴路徑，避免社會震盪。
懒人乱估一通係習慣，如果真如懒人所料，對博士不敬先致歉，對博士嘅敬重比前x1000。 |
| 172. 哈哈2015-02-10 09:59:43 |
|
無奸不成商。講完。 |
| 173. 舍神2015-02-10 10:00:26 |
|
作為 trader, 深明唔會去追逐最後一注的profit,出人dd離場過下安逸的生活，靜聽驚雷，不知幾快活! 同意細價樓is an accident waiting to happen, 但指明三個月or半年爆煲, unless手上有外界不為所知的資料，不然,半年其實好短, 股市如是, 樓市轉個身更慢! Timing is every thing...... 如博士真的能準確預測, 那真神人也! Let's wait and see! 我很多年前已承認,自己冇水晶球, 冇預知能力,最後一浪持盈保泰算了! |
| 174. CRD2015-02-10 10:01:13 |
|
博士呢編文好大回響，平時唔多講樓既朋友今日都係手機轉發。。。。。。。今日博士仲未出文，唔知係咪頭痛緊講大左？ |
| 175. 打工仔 Andy2015-02-10 10:11:22 |
|
引刀兄 不是, 本地租約大致分為直式中文版, 橫式中英對照版, 中介地的版本, 但內容大致相, 立約時, 可加入一些相方同意的條件加上簽名就可以, 當然要加上政府印花才正式有效。 本地基本租約十分普遍, 書店有售也可自行例印。 |
| 176. 引刀一快2015-02-10 10:19:48 |
|
亮劍兄
我最佩服就係你話爆煲前會井噴，依傢果然係。 |
| 177. 引刀一快2015-02-10 10:22:00 |
|
打工仔兄
如果可以加入私定嘅條款，咁就“下有對策”喇。 |
| 178. 打工仔 Andy2015-02-10 10:24:50 |
|
補充：內地租約有一些特別, 我見過一份內地租約有得選擇, 業主出售物業時在相同出價的情况下, 要問現有租客是否購買！簽租約時這點一定要柵除。 |
| 179. to 楊衛隆2015-02-10 10:26:42 |
|
|
| 180. 張生2015-02-10 10:26:57 |
|
百萬金言一路有睇湯sir文章，舊年頭睇到湯sir一直唱 好樓價，覺得有的盲目唱好，便沽左一層樓， 一年落來，少賺超過一百萬，後悔當初不聽百 萬金言，今年博士轉軚，原來博士十分客觀， 并非盲目好友，佩服佩服
|
| 181. 銀狐2015-02-10 10:38:30 |
|
之前爆煲嘅銀湖天峰，君臨天下，係4/5按物業，呢啲盤講緊十幾球什至幾十球，都係啲有番咁上下嘅投機份子持有，同細價樓蠻蠻緊父母出首期有乜關係？ |
| 182. 比較不滿意的文章2015-02-10 10:47:28 |
|
比較不滿意的文章選集
| 呢篇文章我好唔滿意, 完全冇水準
| | 黃民硯 | 不宜居地產常務倒屎
玩完地產創辦人 | | 2015年2月10日 | |
|
| 183. 租管博士2015-02-10 10:55:49 |
|
湯文亮女兒：爆煲即歸於平衡 湯振玲接受本報訪問時指，「爸爸口中的爆煲，對我而言，是指樓價歸於平衡，當然不排除回落力度大一點」。她續說，豪宅過往幾年升幅不及細價樓，細價樓升幅可用瘋狂來形容，但反觀豪宅及中價樓，當中升幅最少的可能是豪宅。 早前她以私人名義首次置業，斥資約8,500萬元一手購入紅山半島4伙單位連6個車位，她稱，購入單位並不屬於細價樓，作為該項目首批出售的單位，以呎價而論確吸引，同時亦以用家心態作實地觀察，相信日後租出單位不難，當然樓價有高有低，只要有租金收入，波幅不成問題，其父親亦指，豪宅市況相對穩定。
今次我BUY博士千金, 只要有租金收入，波幅不成問題
|
| 184. 萬斯菲爾2015-02-10 11:00:08 |
|
同意博士觀點，早爆好過遲爆！ |
| 185. Oscar Lam2015-02-10 11:03:56 |
|
|
| 186. 師奶仔2015-02-10 11:17:31 |
|
樓市瘋升 金管局如何再出招？ 收緊按揭礙上車 投資者購二套房成目標
樓市陷入「瘋升」狀態，金管局早前聲言或再推出「逆周期」措施。本報分析金管局7個出招方向利弊，再收緊按揭成數空間有限，恐礙上車客入市，反而收緊二套房按揭較為合適。 金管局自09年至今，先後推出6輪「逆周期」的管理措施，分別針對按揭成數、供款與收入比率、外地收入來源、非自住業主、多重按揭、以資產為基礎貨款及按揭年期上限7方面，收緊銀行審批按揭（見表）。 7方向管控 加辣空間有限 當中按揭成數及供款與收入比率，直接影響用家、投資者，若進一步收緊，理應最能在短期冷卻樓市。不過，由於現時銀行提供按揭成數已經相當嚴謹，再收緊恐礙上車客入市，與政府避免打擊用家的取態不符，而且現時新批按揭的供款入息比率平均僅35%，遠低於金管局規定上限50%，再收緊供款入息比率對遏抑樓價的作用不大。 至於收緊外地買家按揭方面，在買家印花稅實施後，內地客佔樓市比率已減至4%至5%，餘下內地客財力豐厚，再收緊按揭的意義不大。另外3項針對投資者的規定，當中非自住按揭現時劃一只有5成，以資產為基礎貨款申請更只有3成，進一步收緊空間有限。 反而，在多重按揭方面，金管局過往收緊審批時，只是降低供款與入息比率的上限，未有直接將按揭成數下調，細價樓仍能借足7成按揭，故此仍有空間進一步收緊。 按揭年期降 減加息衝擊 中原按揭董事總經理王美鳳認為，金管局就按揭規管相當全面，不容易再作大調整。較大機會確是收緊「二套房」的多重按揭成數，抑制個別長綫投資者高價入市。 隨着樓價續升，不少上車客為能夠通過壓力測試，延長供款年期，由2011年的平均23年，增加至去年底的25.8年，金管局在第5期出招時，將新批按揭年期上限定成30年。 因此，金管局若再從按揭年期上限着手下調至25年，雖然增加買家上車難度，但能增加其面對息口上升時的緩衝空間。 此外，金管局曾要求使用「內評法」的銀行，將風險加權比率提高至15%，「曲綫」迫銀行加息。雖然措施不受大型銀行歡迎，但不排除金管局重施故伎。（系列二之一） 撰文:余敏欽 |
| 187. Wah2015-02-10 11:21:07 |
|
希望博士唔好封筆啦...剩係睇佢理念都學到野 |
| 188. Oscar Lam2015-02-10 11:21:14 |
|
166楼刀兄，
刀兄果然好學，小弟要向你學習，哈哈！ |
| 189. 豪宅十按2015-02-10 11:29:51 |
|
博士 講細價樓爆， 頭先睇新聞 ， 全部豪宅爆煲，有2按、4,5按、10按都有，豪宅反而銀行借得少，借得5成，反而要幫襯“財仔”。
細碼樓首置同銀行借7成，3成首期，相信基層市民反而唔係好多勉强上車的人，有自知之明。財務公司都唔會亂咁借錢比人，除非“大耳隆”，1-3線“財仔”都怕收唔到錢。有個住居屋朋友，“財仔”派傳單比佢，1層市值3百萬未補地價居屋可借60-70萬，“財仔”只可借市值樓價1/4，99·99%都唔會拎去按，除非性格有問題、好睹、急住周轉………………, 按來比仔女買樓更加冇可能。樓價4百萬，首期120萬，30多歲夫婦好多都拎得出，如果冇幾十萬，都唔敢講上車，父母拎幾十萬棺材本幫下先上到車，“碌卡去上車，除非班人痴線”，1-3線正當“財仔”都唔會亂借，要有抵押物業，借得稳陣，除非“黑財”亂咁借＆炒樓，炒樓已經冇晒，今時不同往日買得樓來都有財政預算，唔似“東涌富婆”咁，比政府BSD殺到措手不及，要周圍向“財仔”借錢周轉，可能捱到今日3年已過，可以鬆綁了。
豪宅爆煲，好耐以前新聞有講，起初想炒樓班人，雙倍印花税之後，班人要2、4、5、10按來應急, 有 “東涌富婆”之稱同“環球信貸”以及幾間財務公司做2-5按來周轉, 都是早期炒樓班人。 |
| 190. 回 108. 珍惜香港2015-02-10 11:47:00 |
|
真係越來越喜歡師兄個style。 另，小弟當日都有同我家小朋友講，我同媽媽出去投票比唐英年，會遲少少返。到今日，小弟仍覺得對得住我家小朋友。 |
| 191. 打工仔 Andy2015-02-10 11:51:59 |
|
細價樓要爆煲, 即係話部份買了細價樓既人, 突然覺得揸現金比揸細樓好, 全球QE印到通街都係錢都唔緊要, 最緊要揸錢？！ 豪宅不會爆煲, 因為揸豪宅既都係有錢人, 大把錢, 所以揸磚頭係無問題？！ 真係鬼叫你窮咩, 哈哈哈！ |
| 192. 債卷仔2015-02-10 11:58:34 |
|
如果純用投資產品角度睇： 豪宅： 低yield， 玩cap gain為主，但cap gain之路被bsd打殘，而家連投資移民都冇埋，發展商減價出貨，唔係冇理由，如果冇特別節扣，政策又唔變（取消BSD／DSD，或以租管打殘細價樓），可見將來好難跑嬴細價樓。持貨者有較多其他asset, call loan 都容易收到錢，就算係自住，都可以住平D。 細價樓： 高yield,持貨者冇其他asset，如果市況唔好，如08年，一call loan就可能變bad debt，唔call loan反而有租金回報支持，就算自住，唔買都要租，除非住劏房或回家啃老.
如果真係銀行收水，其實一定係豪宅死先，銀行找乜人call loan, 博士其實之前領教過，亦可能因為咁，要出聲提醒其他人。 |
| 193. 我不信細價樓三個月內爆煲2015-02-10 12:00:29 |
|
2015/2/10 — 10:52 7 w d / flickr 紀惠集團湯老闆昨天在網上撰文，題目為《細價樓將會在三個月內爆煲》，蘋果記者馬上打電話給我，問了筆者的意見。雖然我一直很欣賞湯老闆的文章，但對於他今次的看法，我未能認同。 世上沒有只升不跌的樓市，但細價樓在三個月之內爆煲，我就不太相信。要分析這個問題，首先我們要問︰為甚麼細價樓上車盤，在去年有高達兩成的升幅？我認為主要有五個原因︰（1）在雙倍印花稅實施以後，購買非住宅物業或第二間住宅，200萬元以下的印花稅稅率只為1.5%，但銀碼加大後稅率就會大幅提升，最高到2000萬以上的8.5%。這令到以前買豪宅、商鋪和寫字樓收租的投資者，現在轉戰到細價樓；（2）物業的額外印花稅提高至三年，香港平均每年有十萬個成交，那麼三十多萬個二手樓的供應，很多都在市場消失，二手賣家叫價變得更硬；（3）政策令到房屋市場流轉減慢，很多本來要公屋換居屋、居屋換私樓、私樓細屋換大屋的人，現在都停止換樓，有樓收租的人亦不願賣出，形成細價樓供應大減；（4）400萬元可以做到九成按揭，但400萬元以上就做不到；（5）政府十多年停建居屋，令到很多首次置業人士，只好走進私人市場。 如果細價樓要爆煲，就必須是以上五個因素改變，或是出現一些重大事件，令到市場供應大增或需求大減，才會使到細樓價格急速下跌。過去幾年辣招壓制了購買力，好像壓住的皮球一樣；現在購買力開始釋放，把數年被壓制的需求一次爆發出來，對樓價成形上升動力，趨勢未見停止階段；至於短期內供應大增，應該是不可能的事，需求大減就主要是加息、出現經濟危機或像SARS的疾病，但我認為美國最多只會在今年下半年加息半厘或以下，經濟或SARS危機就更為遙遠。 湯老闆提到財務公司的「四按」危機，我也做過一些研究，但情況未如湯老闆說得如此恐怖，應只佔市場的小部份；他說幫兒女買樓的父母的資金「大多數來自財務公司」，父母將手上物業向財務公司借Ｎ按，我亦不能認同。如果因為這個原因，令到細價樓在三個月內爆煲，筆者覺得機會不算太高。 近年香港細價樓市場，變得好像發神經一樣，連粉嶺公屋都要賣萬多元一呎，筆者在這個時刻，還大聲說細樓價格未見下跌，估計必會被網民罵死﹗因為相信大部份人都會覺得，樓市確是「應該」要下跌一下，社會才會變得更為健康。但筆者只會從經濟學角度分析事情︰在經濟學下的價格變動，主要是看供求關係，而並不是看「應該」或是「不應該」，這就像看師奶電視劇一樣，壞人在最後一集是「應該」要死的，但在現實的世界裡，壞人是否會死，主要看他的身體狀況、健康、疾病等，與他是否「抵死」的相關性不大。香港樓市也是一樣，相信很多人都認同細價樓「應該」要跌，但最後是否真的會跌，還是主要看市場，而並不是眾人的意願；目前的市場仍告訴我，細價樓在三個月內未見爆煲。今天是２月１０日，在三個月後的５月１０日，就會知道答案。 |
| 194. 打工仔 Andy2015-02-10 12:11:15 |
|
我親自打電話比財仔業內人士問過, 是否你所講的三, 四按用來買樓, 佢話五,六按用來江湖救急短時間就有, 一向都有(平常事), 但只是好少數case, 從無聽按上按攞錢比人上車買樓！ 30%利息用來買樓, 無咁既人！ |
| 195. 大寶二寶2015-02-10 12:20:45 |
|
<劃公仔要劃出腸>
講咁耐都唔明？三至六個月爆煲……一片苦心……刻意唱淡……襟玩D……租管……財仔……例子唔好……引來爭拗……………………講完。
共勉之，哈哈！ |
| 196. Alan Pepper2015-02-10 12:27:04 |
|
To 2/F
No problem ah, now its middle of Feb, 3 months from now is middle of May, already 1/2 year la... no one can tell you exact date and time ma |
| 197. Alan Pepper2015-02-10 12:28:27 |
|
Oh, sorry this was yesterday's post. I didn't know response is almost 200 already |
| 198. 2按15厘息2015-02-10 12:57:19 |
|
傻左，2按都要供15厘，冇咁能力點買樓？ 份人工肯定做唔到按揭，仲講2按？ |
| 199. 多觜街2015-02-10 13:28:47 |
|
支持博士 那麼多人入BLOG看嘢，引起注意，小心交通安全，我個人認為巳達到目的。加上好多人以前未入過來 |
| 200. 路人甲--湯博士千金訪問2015-02-10 13:58:12 |
|
| 湯文亮女兒：爆煲即歸於平衡 | | | | (東方) 2015年2月10日 |
| 本港細價樓連月來不斷錄癲價成交，紀惠集團行政總裁湯文亮預言細價樓快爆煲，不過其女兒，集團執行董事湯振玲不久前才大手購入豪宅單位。 湯振玲接受本報訪問時指，「爸爸口中的爆煲，對我而言，是指樓價歸於平衡，當然不排除回落力度大一點」。她續說，豪宅過往幾年升幅不及細價樓，細價樓升幅可用瘋狂來形容，但反觀豪宅及中價樓，當中升幅最少的可能是豪宅。 剛大手購紅山擬放租 早前她以私人名義首次置業，斥資約8,500萬元一手購入紅山半島4伙單位連6個車位，她稱，購入單位並不屬於細價樓，作為該項目首批出售的單位，以呎價而論確吸引，同時亦以用家心態作實地觀察，相信日後租出單位不難，當然樓價有高有低，只要有租金收入，波幅不成問題，其父親亦指，豪宅市況相對穩定。 |
|
|
|
| | |
|
| 201. 由有樓才結婚說起2015-02-10 14:07:00 |
|
今日 08:30 王永偉 論住宅 由有樓才結婚說起有機構發表調查報告指出，72%未婚人士表示，置業是結婚的先決條件；簡單來說，有七成人認為，無樓即不能、不願或不肯結婚。要有樓才結婚的想法不知由何而來，但似乎是社會主流觀點。 香港人的平均初婚年齡，男的31歲，女的29歲，在國際上來說算是遲婚。原因恐怕與上述有樓先結婚的要求有關。2013年，20至29歲本港居民的入息中位數，男性是1.2萬元，女性是1.1萬元，平均是1.15萬元。假設一對年青男女情投意合，但二人入息剛好在中位數，即二人月入共2.3萬元。 2.3萬元以較佳的按揭條件，即利率2.15厘，30年還款期計，在壓力測試要求下，可負擔的按揭貸款上限是252.7351萬元每月供款約9532元；若按息加3厘，月供便超過月入六成。 在「上車盤」動輒400萬元的今天，一般香港青年人極力只可負擔252.7萬元的按揭，一定要先置業後結婚的話，不是「成功靠父幹(上一代的資金支持)」，就只好力爭上游，收入要在同齡人之中脫穎而出，或者多儲幾年錢令按揭借款減低──結果自然是婚期愈來愈晚。 當然，現實中總有一批青年置業人士，他們或者得到父母的資助，或者憑個人努力，收入高於同齡人士；他們有意成婚的話，最少已達到了「有樓」的要求。退一步而言，香港年年有幾萬人結婚，不見得個個都已有物業。現實中有四成多的家庭並不是居於自置物業，意思是不少抱持置業是結婚先決條件的人士，最終會向現實屈服，無樓也結婚。 不過，整體上，置業門檻高，應該是導致遲婚，甚至不婚情況普遍的一個基本原因。而遲婚或不婚不只是個人選擇，整體社會也會承擔後果。 政策上，出於公平原則，政府難以作出特別的政策傾斜，協助青年人置業。要解決問題，似乎也只好由增加供應着手。不過，在政府民望低下，社會分歧嚴重的今天，增加供應困難重重，青年人難以置業的情況，恐怕仍將持續一段長時間。 王永偉
按計劃執行董事 |
| 202. 樓蟹2015-02-10 14:12:20 |
|
樓市有上落好正常，但你話會爆㷛，重要三個月內，梁振英都唔敢咁講啦……博士如果係認真，金漆招牌呢次爛硬 |
| 203. 息2015-02-10 14:14:06 |
|
今次博士只係用心良苦寧冒故錯市既污名, 好友戰友既唾罵, 將個波高調推俾金管局正視問題加以規管減低風險, 萬一財仔濫借爆煲金管局必然責無旁貸, 無得抵賴. 博士one for all 精神, 值得敬佩. |
| 204. 40G2015-02-10 14:17:46 |
|
2015平平穩穩不升也不跌，是最好. |
| 205. 掹車邊80後2015-02-10 14:58:23 |
|
諗緊2-3年後再買多間出租房，如果真係出租管真係唔敢買
但問題係銀錢係咁跌，又無本事炒股，就算每年有20-30萬bonus都會好快俾通脹搞死，點算 |
| 206. 包租婆元秋2015-02-10 15:00:48 |
|
我收租收親都係收年繳吾係月繳, 再出租管就加爆您租.... |
| 207. 一次性交一年租2015-02-10 17:17:56 |
|
我係博士信徒 明知佢吹水冇理據, 都信佢係為左唔想我地高追而唱淡 佢一向睇市都準, 今次睇淡都一定0岩, 唔會深究原因 CCL 大同細單位個指數差唔多, 我都信紅山可以追落後 |
| 208. Marie2015-02-10 17:34:26 |
|
三個月之后，個樓市升5%之內都當湯博贏! 佢應該係覺得政府想加辣，想利用媒體嘅noise 同公衆壓力去兇政府同小市民攬炒嘅後果，果真高手中高手............地主會咪呢啲囉，真係戲如人生。 |
| 209. 長策會成員買樓2015-02-10 17:41:35 |
|
土地註冊處資料，渣甸山嘉雲臺3座中層B室，連車位以3,762萬元售出，買家為劉炳章(LAU PING CHEUNG KAIZER)，上址約12年升值近3.6倍。上述買家與長遠房屋策略督導委員會成員劉炳章姓名相同，該單位建築/實用面積1,819/1,439方呎，建築/實用呎價約20,682/26,143元。 |
| 210. 長策會＝春江鴨2015-02-10 17:48:39 |
|
條友買豪宅，會唔會係博士"估中"政府會切DSD引換樓客資金去中大價樓從而釋方細價樓供應？ 咁細價樓真係會因炒過龍而跌，但我估10%咁上下就跌夠，因為有租金支持。 |
| 211. 長策會＝春江鴨2015-02-10 17:48:40 |
|
條友買豪宅，會唔會係博士"估中"政府會切DSD引換樓客資金去中大價樓從而釋方細價樓供應？ 咁細價樓真係會因炒過龍而跌，但我估10%咁上下就跌夠，因為有租金支持。 |
| 212. 長策會＝春江鴨2015-02-10 17:49:49 |
|
條友買豪宅，會唔會係博士"估中"政府會切DSD引換樓客資金去中大價樓從而釋方細價樓供應？ 咁細價樓真係會因炒過龍而跌，但我估10%咁上下就跌夠，因為有租金支持。 |
| 213. 引刀一快2015-02-10 18:28:49 |
|
To Oscar Lam兄
井噴而未爆，而且對于湯生嘅3－6個月預言我亦有保留，有D現象令我覺得今次好吊詭，不過我相信，今次爆煲會係幾個大因素不約而同地浮現，唔會係單一事件扳機嘅。
至于講到好學，係真嘅，唔係點解咁辛苦都要走嚟呢度做少數派，喺逆境可以將學習速度，超濃縮。 |
| 214. 蜕变中嘅懒人2015-02-10 19:20:32 |
|
207樓叫價高咗啲，講吓笑啫，sorry！ |
| 215. 澳門仔2015-02-10 19:28:09 |
|
睇左好耐湯生的文章，終於等到你有較為明確及指導性的預測，深感雀躍，支持你繼續多寫網誌，令我等小巿民獲得不可能靠自己獲得的資訊，早作部署。 |
| 216. 子婷2015-02-10 19:28:39 |
|
很同意80/F大寶二寶兄。
在文中實在看不到甚麼有力的理由能以確信的姿態推測三個月內會爆煲... 無論如何，事情將如何發展，小妹拭目以待。 |
| 217. 狗頭貓2015-02-10 22:37:31 |
|
湯博士提出租管 , 是探討由回報拉停急升 , 動機善良 . 從各位高手的回應 , 亦看出租管對業主不公道 , 是易設難撤的另一怪胎 . 個人意見 , 租管明顯壞處比好處多 , 政府不應提出讓政客入位 . 湯博士有仁心 , 期待不斷提出更多高見 . 支持！ 湯博士認為細價樓三個月爆煲 , 從博士家族銀行家的背景看 , 我絕不會視為戲言 . |
| 218. 小弟子2015-02-10 22:55:32 |
|
小弟子睇咗博士的文章，以及200幾個師兄的貼文，眼花花了一陣，午睡瞓腥之後，發覺好似就嚟打到嚟殺到埋身咁！但又不確定如博士所預期樓價將下跌有幾深 (或幾多個 %)，下跌週期需要幾長時間才能完成？
不過，小弟子曾經在佔中期間計劃過，如果佔中最終搞到香港經濟一鍋泡，市民對前景信心動搖及憂慮而導致樓價大趺 30%的話，會考慮到時買些少貨作收租用途。睇怕博士的3個月內樓價下跌預期無誤，都係按之前佔中時計劃而行，只不過是將計劃之事延期9-12個月或更長，但是資金將會更為充分靈活而已。 |
| 219. 40G2015-02-10 23:12:26 |
|
|
| 220. 上樓無望捱貴租2015-02-10 23:24:49 |
|
除了推行租管外，政府應開徵物業空置稅，加快業主出租單位和發展商起樓和賣樓速度，這樣租金先有得減下﹗ |
| 221. Marie2015-02-10 23:51:39 |
|
現在泛民什麼都反，施政報告所有房屋政策只會停留在紙上，尤其佔中之後，未來一段很長時間泛民都會與梁振英及之後的特首長期對立，他們一定會盡力破壞所有未來所有有建設牲的房屋政策: 公屋條龍越來越長，私樓土地無以為繼，從而令香港樓市屢創新高。他們會不斷阻礙房屋供應，推高樓價來制造大量民怨，絕對不會容許樓市有任何調整，因為這樣只會令梁振英政府及其後繼人建立功績同民意。而泛民推高香港樓價，犧牲市民居住問題之後，就會無賴地反過來利用樓價高企、市民居無定所的問題來不斷指責地產霸權、官商勾結和政府管治能力，打擊政府威信。 所以未來政府所有房屋政策只會因此而議而不行，了無寸進，泛民亦會利用房屋問題推諉到真普選問題上，將責任推到中央政府同特首頭上。泛民不合作行動絕對系未來10年香港樓價猛升的主要引擎。
佔中之後，樓市已經又加速了，並不是因為佔中事件過去，而是聰明的投資者都看穿了這個泛民帶來的機遇；所以展望2015上車一定要快，今日的貴等於明日的便宜，我相信樓市這個"泛民溢價"未來十年甚至二十年也會持續下去，有泛民攪局，香港露宿者同劏房只會越來越多，香港樓市未來十年絕對沒有下跌空間!!
再加上全球央行輪流無限QE，要用負利率抵抗通縮，強美元同低油價令美國根本冇通脹壓力，而且美國亦唔想美金過強影響復蘇，所以美國最後可能只會加一或二次息就完成所謂加息週期，政治上泛民不合作運動癱瘓政府揾地，房屋供應斷層，大量分支家庭不問價入市，之前幾年賣左樓有實力人士又開始撲番入黎瘋搶，引致購買力源源不絕，加上樓市升左甘多，大量市民洗濕個頭，所以睇死政府一定唔敢攪啲既得利益者同近幾年上車市民，最後樓市只會再無限期不斷攀升，中原指數今年極有可能上望二百點，每兩年以一百點步伐上升。
如果有$，宜家掃貨絕對吾遲，冇$就借/按盡佢，QE陸續有來，今年美國零機會加息，預料未來一年起碼有五成水位，下年市區兩房入場起碼一千個! 新界八百個! 一注獨贏樓市真係絕對冇得輸。 |
| 222. Marie2015-02-10 23:52:04 |
|
三個月之后，個樓市升5%之內都當湯博贏! 佢應該係覺得政府想加辣，想利用媒體嘅noise 同公衆壓力去兇政府同小市民攬炒嘅後果，果真高手中高手............地主會咪呢啲囉，真係戲如人生。 |
| 223. Marie2015-02-11 00:45:35 |
|
- 首先用一個震撼性嘅標題加上佢嘅地位，去引起傳媒廣泛報導。
- 大家爭相討論，傳媒不斷放大財仔問題嘅影響力跟樓市下跌(爆煲)對普羅大眾(尤其近年上車人士)的災難性影響。
- 然後就會有若干傳媒或某些有心人走出來暗(明)示政府/金管不應干預市場，否則銀行唔掂、小市民受害、整體經濟受拖累云云等嚇破膽言論；亦會有一些最近上了車的人響傳媒面前預先哭喪，話好驚變負資產，被銀行call loan，講到似層層好似真係已爆煲甘。
- 政府/金管感到四方八面嘅壓力，最后都係選擇乜都唔做，免得最後被千夫所指，寧願眼白白睇住樓市爆升。
- 最後，樓市當然不會"爆煲"，而是繼續爆升，仲要連政府干預這個長期顧慮都一拼消除埋，就是這一著的重點及厲害之處。
- 名節呢樣嘢，唉.....認真?!便輸鳥。
- 三個月之後，大家便知道什麼人輸了，什麼人贏了。
|
| 224. Marie2015-02-11 02:22:18 |
|
1. 首先，用一個震撼性嘅標題加上佢嘅地位，去引起傳媒廣泛報導。大家爭相討論，傳媒不斷放大財仔問題嘅影響力跟樓市下跌(爆煲)對普羅大眾(尤其近年上車人士)的災難性影響。
2. 然後，就會有若干傳媒或某些有心人走出來暗(明)示政府/金管不應干預市場，否則銀行唔掂、小市民受害、整體經濟受拖累云云等嚇破膽言論；亦會有一些最近上了車的人響傳媒面前預先哭喪，話好驚變負資產，被銀行call loan，講到似層層好似真係已爆煲甘。
3. 政府/金管感到四方八面嘅壓力，最后都係選擇乜都唔做，免得最後被千夫所指，寧願眼白白睇住樓市爆升。
4. 最後，樓市當然不會"爆煲"，而是繼續爆升，仲要連政府干預這個長期顧慮都一拼消除埋，"揭政府底牌"就是這一著的重點及厲害之處。
5. 名節呢樣嘢，唉.....認真?!便輸鳥。
6. 三個月之後，大家便知道什麼人輸了，什麼人贏了。
最近個市可能會因為呢篇文章而成交有些放慢或者有若干業主會冇以前企得甘硬，放盤亦有可能會上升，AA會不斷call業主恐慌性賣樓，個市然後會靜同談一陣子，所以我說這一段"靜"的日子會是一個好好嘅入市機會，因為大家三個月之後都睇穿了政府/金管最後都係冇料到嘅時候，啲錢餓一排又再報復式入市，所以未來一年個市反而會因為少左政府/金管干預這個主要後顧之憂而更加瘋癲 (因為呢篇爆煲大作將政府/金管最後底牌都揭了出來!)，以及升勢將會更加持久及有力。 |
| 225. 好友TO淡友2015-02-11 03:12:10 |
|
湯生嘅爆煲論係有啲故意唱淡,雖然我唔係淡友,都覺得佢故弄玄虛,細價樓大跌嘅機會少過大價樓,源於細價樓呎價仍然平過大價樓5成以上. 湯生亦唔明白財務公司運作,3或4 按嘅樓佢地係唔敢點接,市場根本唔會有咁多4按物業(湯生指有12000個4 按物業). 而且咁樣嘅高按揭率,一般出現係大價樓方面,做生意嘅人至會將物業按完又按. 因此如果真係要講爆煲,應該發生係大價樓果邊. |
| 226. Felix2015-02-11 09:52:36 |
|
博士, 多謝你的分享~ 但似乎你不是很理解財務公司的運作, 和信貸批核的概念. 何來12,000個四按??? 唔清楚既範疇, 請先做好資料搜集, 謝謝! |
| 227. 朗晴2015-02-11 09:56:55 |
|
我估計有好多FP居屋業主為幫仔女比首期，會按比財仔，(因不能按比銀行)． 以現時居屋最低三四百万計，按比財仔借一球比仔女買樓，咁間居屋變銀主盤機會有多高呢？ 啊仔買間4球首置上車借足九成又有按保包尾，咁埋層樓風險有幾高呢?(對銀主而言) |
| 228. test2015-02-11 13:37:11 |
|
test test test |
| 229. doraedog2015-02-11 13:40:35 |
|
跌2成別說爆煲，連大調整也不算，充其量只算小調。
2成跌幅，我敢說還是很多人都買不起樓，包括我以內。
|
| 230. a 70s2015-02-11 14:08:47 |
|
to 博士， 就算無限期出租管5覺有問題！ 可以避免部份業主抬升租金，托起回報率，抬起樓價！
|
| 231. 按爆物業2015-02-13 08:43:14 |
|
|
|
|
|
|
