瀏覽人次 : 76379    回應 : 74

樓價會不會下跌四成

 

湯文亮博士

紀惠集團行政總裁
2014年11月8日

　　德銀又對香港樓市發表報告，不過，今次只引用一位資深地產界人士，說樓價有下行風險，最多可達四成，我唔明白這樣的報告有什麼新聞價值，只是一間銀行引用一位地產界人士便成樓市的明燈。我覺得德銀最少要搞清楚一件事，就是她引用那位地產界猛人在過去十年對樓市的預測是怎樣，又是否準確，如果德銀查證，便會發覺在過去十年，那位猛人無時無刻都說樓價會下跌，今次說四成亦不是下跌最多成數的一次，而今次預測，只不過是重申過往的預測，亦嘗試證明他的預測並不是不準確，只是時辰未到而已。
 
　　其實，現在預測樓市升跌已經冇乜意思。因為，辣招早已將炒樓人士淘汰，對自用的小業主或長線物業投資者而言，短期的波幅不會做成抛售壓力，當然四成跌幅又當別論，雖然話不能抹殺這個可能性，但就算四成跌幅的預測令致置業的人減少，但如果持貨的物業投資者及小業主沒有恐慌性抛售，樓價就不會下跌四成，而且，當樓價下跌的時候，政府就會放寬逆週期措施，首先，金管局會放寛按揭，繼而撤銷辣招，雖然未必可以將樓價止跌回升，但最低限度可以減慢下跌速度，有一件事千祈要考慮，就是銀行收緊按揭及政府的辣招早已將樓市升勢放緩，就算下跌，亦只不過是小型調整而已。
 
　　以往的物業投資者根本沒有防守能力，樓價下跌，必定要出售手上物業，其他小業主見投資者出貨，便會爭先恐後，做成骨牌效應，大家互相踐踏，樓價亦曾試過從最高峯下跌七成，但不能以往事作為依據，物業投資者經此一役後，大多數變得非常小心，不但防守力能力強，而且，分分鐘可以反守為攻，即是樓價下跌時，投資者不但不急於出售手上物業，而且可以伺機增持，千祈唔好睇少這一著，一來一回，相差就會很大，樓價隨時會由下跌變成上升。當然，說如果無了期說樓價下跌，總會有變成事實的一天，但相信的人早已浪費了無數黃金機會，唯有希望上天令樓價下跌，給多一次機會給他們。德銀班鬼佬都唔明白香港物業市場，有人話跌就急急忙忙不問分說地引述，其實，銀行家若果睇淡樓市，就唔好借錢給人買樓，駛乜講咁多。有時，真的是講多錯多。
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論；
  2. 禁止以名稱/暱稱/綽號/同音字等批評或映射任何人士、機構、公司；
  3. 禁止發佈有關招聘、推銷、廣告等內容；
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。
回應者名稱 密碼
1. 2013年03月16日2014-11-08 11:08:15
【本報訊】樓價狂飆，升穿97年高位，負資產買家紛紛鬆綁，去年第三季以來，負資產已連續兩季絕迹。

做九成按揭　恐變負資產

不過，政府連番辣招的影響逐步浮現，本周三滙豐及渣打率先上調按息0.25厘，德銀發表報告，預言未來24個月，樓價最多可急挫20%，意味近月於樓市高峯期以九成按揭「上車」的買家，隨時成為新一批負資產受害者！
德銀報告指出，金管局將風險加權資產（RWA）比率提升至15%，將令新造按揭的成本增加，為抵銷新政策的影響，估計年內會再加按息0.75厘，即使美國尚未步入加息周期，亦無阻港息上調的趨勢。
該行舉例指，如買家以七成按揭購入500萬元的單位，供款期為30年，按息每上調0.25厘，每月供款將增加5%，故理論上樓價要下跌5%，以抵銷有關影響。供款壓力驟增，將令疲弱需求再下降，加上雙倍印花稅辣招，以及未來數年住宅供應逐步增加，德銀料樓價將出現大幅度調整，未來24個月樓價或跌15至20%。

2. 大寶二寶2014-11-08 11:08:34
王先生講佔中就Ok 嘅，講樓就……

CCL 繼續高位陪徊，年尾130, no run chicken lar!

共勉之，哈哈！
3. 2013年10月25日 (五2014-11-08 11:10:21

2013年10月25日 (五

近期發展商紛紛透過優惠，變相減價促銷新盤，德銀發表報告認為，這是樓市調整訊號，預期未來十二個月樓價跌15至20%，更直言若本港競爭力持續下降，本港樓價有機會自高位回落50%才見底。同時，北京市突推「京七條」遏抑樓市升勢，導致中港地產股雙雙下挫，市值蒸發共逾287億元。
4. 2013-01-122014-11-08 11:12:17
德銀警告，樓價續升將令香港陷入滯脹風險。資料圖片

　香港文匯報訊（記者 黃嘉銘）特首梁振英將於下周三發表上任後首份《施政報告》，市場最關注的仍然離不開樓市的政策方針。有投行預計，港府的房屋政策會集中增加土地供應，但不排除強制收回新界東北發展區內的農地及寬免公屋租金。又預料美國的量化寬鬆措施將於今年年底前大致完成，故於明年下半年有加息的可能性，或會對本港樓價造成影響，若樓價再升，甚至使本港陷入滯脹危機。

料美國明年加息 打擊港樓價

　德銀亞太區首席經濟師Michael Spencer表示，預料美國的量化寬鬆措施將於今年底前大致完成，故於明年下半年有加息的可能性，屆時或會對本港樓價造成影響。但由於低息環境和人均收入增加，仍然利好本港樓價，預料樓價仍然會上升，根據該行一個簡單的模型計算，本港樓價今年存在10%至20%的上升空間，惟該模型僅考慮經濟增長、息率和通脹等因素。

　該行進一步指出，本港經濟復甦主要依賴歐美及內地出口需求，但預期今年中前本港經濟復甦速度緩慢，認為美國財政懸崖及其他外圍經濟震盪是本港經濟主要風險。若本港樓價因為政府措施而回穩，通脹可望回落，否則樓價續升將令本港陷入滯脹。

5. 2012年10月11日 (四)2014-11-08 11:14:23

德銀估港樓冧價兩成

本港住宅樓價愈升愈有，市場開始憂慮樓價走勢，特別是中小型住宅樓價屢創新高，儼如股市見頂回落前，細價股「禾雀亂飛」情況，當中德銀發表報告，預期未來兩年住宅樓價會回落15至20%
6. 亮劍2014-11-08 11:16:12
我年多前講过幾次，呢一年會有好多剛需客焗買，道理其實不難明白，當一對小夫妻需要住房，你唔買都要租。
现在一間4M嘅楼，每月要俾租13,500全包，但只要你有一成首期又夠胆去買嘅話，就月供14,100，就算加埋差饷、地租及管理費，只不過多仟幾兩仟，呢度會有好大誘因使人去自置。
那些人不去買，不過係驚一買就跌，或一買就加息，但因為狼來了的關係，好多本來有首期的人再唔信果D牧童老点。
其實单单呢度，今年就有幾千伙成交。
7. 引刀一快2014-11-08 12:16:52
會呀，隂跌幾年。
8. 引刀一快2014-11-08 12:18:08
300萬一間樓，一年跌6％，已經係每月萬五，仲未計利息。
9. 引刀一快2014-11-08 12:23:38
剛需係乜？就係心態，交租交到肉赤係主因。
樓價跌，同樣肉赤。
10. 引刀一快2014-11-08 12:29:06
講真，如果大陸經濟下滑，香港都挺得住，咁我就要從新估計，係咪離開大陸返鄉下（香港），唔係身在大陸嘅人，多數就係睇新聞講乜乜物物，7.4跌到7.2............之類。
睇睇個市就知道隱憂之大，大到明擺。
11. 樓價跌？2014-11-08 12:39:32
租金不停上升，每月收租不知幾開心。
為何要賣樓呢！
12. 引刀一快2014-11-08 12:52:55
咁咪繼續收租囉，冇人逼你賣樓咯。
13. 惜緣2014-11-08 13:06:23
To 2樓 大寶二寶兄

同意兄台，睇來有可能超過130點。


共勉之，哈哈！
14. To 引刀一快2014-11-08 13:45:47
你說好的今年年尾中原指數下跌，
有中期檢討的必要嗎？
15. al 702014-11-08 14:25:09
to 引刀:
大陸内部經濟部份來自屬於貪汙經濟，
貪污經濟佔幾多，數據係冇顯示！
我想都有佔高檔市場，楼市，20……30%！
呢個亦係你说嘅冇感情迷彩數字！
16. 引刀一快2014-11-08 14:41:13
To 14 樓 撈波弟

冇必要，低過118我嬴，高過118我輸，檢討咩？引刀一向有風度。

不過，我知道，我贏你就會失踪。建議你食多D豬骨煲。
17. 買樓2014-11-08 15:33:12
每次買完樓，然後放租。
帶租客經紀去參觀自己單位的感覺都是十分開心！
不能用金錢量度，大家不防試下。
我估賣樓的感覺是剛剛相反，有種失落的感覺。
應該不會太開心，因為好唔容易才可以買一層樓。
18. al 702014-11-08 15:54:59

細樓價不停升，有幾多個係5需要父母幫手？
基本樓市升得咁快，尤其新樓豪宅化，一早有滯脹跡象，若果不計父母上車参與，只靠上車客，投資客，可能已經掉頭向下！
19. 大寶二寶2014-11-08 16:07:26
回17 買樓兄，

開吾開心係睇吓你係咪被廹買/賣。睇好未來樓市依家買到梗係開心，同一道理睇淡未來樓價依家賣出都一樣開心啫。

我曾試過早幾年買樓時個业主仲開心過我，不知幾好招呼。依家梗係吾開心喇。

共勉之，哈哈！
20. 買唔買得起樓?2014-11-08 16:47:25

有幾多人買得起樓是計最高收入的一群 (Potential buyers).不是計晒所有人的入息.

人工年年加,高收入的一群加得仲多!

大把人買得起樓.只不過是一般打工仔買唔起.
21. 惜緣2014-11-08 17:29:57
大寶二寶兄

今天我同老婆去著九龍灣入了件貨，很奇怪，業主同我們一樣都很開心啊！因我上星期出著件葵涌貨，博士話斋，適當的時候就要優化手上物業的組合。而說實話，現時市埸上可供出售的物業真係少得可憐，我那件葵涌貨賣出價差不多比市價貴一成。
22. al 702014-11-08 18:00:14
最高收入？何須父母首期？
有供樓能力，5代表用家自身有買樓能力！
23. 樓盤供應2014-11-08 18:50:06
出售和出租的樓盤小得可憐！
只要有去睇下樓都知的事實。
極小供應+極大需求，
想樓價下跌，只不過是冇樓人士的一個幻想！
24. 人工2014-11-08 19:13:45
大把人年薪過百萬。
只要佢地覺得細價樓回報（租金）理想，細價樓就有升冇跌。
有幾多人可以長期投資股票係贏多輸小呢！
25. 已中病毒2014-11-08 20:58:50
反佔中（62）"警隊大規模操練，是否準備清場"
樓上編輯......已中病毒,讀者無法留言...
26. 大寶二寶2014-11-08 21:19:57
回21 惜緣兄，

恭喜惜緣兄換了隻肥大金豬。依家市埸筍盤難求，咁都比你搵到真係緣份啊！

賣樓吾一定吾開心㗎。如果业主賺得甘而又知足咁点會唔開心喎！

共勉之，哈哈！
27. 惜緣2014-11-08 21:44:37
大寶二寶兄

多謝多謝！
我都要比市價貴少少才可以買到，間間地代都話現時買家大把，個個排隊等盤，一有盤出就斗搶。睇番記錄，原業主賺了兩倍，所以很開心，而我可以換到貨亦很開心，不過，我最開心的都係可以在博士呢個平台同兄台及其他各網友互相交流、學習，我非常珍惜呢種緣份。
28. 引刀一快2014-11-08 23:16:10
惜緣兄

恭喜恭喜，同一時段出入貨，必然有利可圖，無論如何都係喜事，恭喜先。
29. 惜緣2014-11-08 23:47:59
引刀兄

多謝多謝！
唔敢講話有利可圖，只係學習博士的優化組合啫。
30. Oscar Lam2014-11-09 08:24:31
上海之行

作為未來最有潛力的國際金融中心，中國最重要的城市，上海這個市場如何能夠缺少？

我的朋友有興趣在上海購入一個寫字樓收租。上星期，本人陪同朋友去了上海看樓，前二天終於簽約購入了一個單位。現在將個人對於上海寫字樓的一些認知和各位朋友分享一下：

1. 上海主要分六個商圈即CBD,有陸家嘴商圈、靜安區商圈（包括南京西路商圈）、徐家匯商圈等。
2. 我朋友則選擇在南京西路，靜安寺和有遠東第一舞廳百樂門附近購入一個寫字樓。該寫字樓呎價人民幣5.5萬。帶有租客，年回報約5.5%。整條南京西路的寫字樓絕大多數是發展商自已出租，不賣。租金大約在人民幣7元至14元（每平方米每天），平均出租率超過95%。如果大家對上海有認識，南京西路商圈就類似香港的中環、金鐘。而我朋友購買的則類似香港的力寶中心或信德中心。
3.上海不允許境外人士以個人身份購買寫字樓。因此，需要在上海成立一家外資獨資公司。這一點其實非常好，因為業主將來可以選擇以公司轉讓方式出售寫字樓，避開許多稅金。
4.寫字樓按揭利率很高。因此我朋友選擇full pay，然後在香港拿其他物業按揭。
5.在上海投資寫字樓要有長期投資的心態，因為買賣沒有香港那麼容易。
6.購入寫字樓涉及的稅項大約是樓價的3%。
7.購買寫字樓的途徑和香港類似，上海的街舖地產一般只做住宅，買賣寫字樓可以上網找代理。中原工商舖在上海做得很成功。

好了今天就寫到這裡，有時間大家再研究、研究。
31. Oscar Lam2014-11-09 08:31:28
各位，不好意思！我朋友購入的物業應該是每平方米人民幣5.5萬元。習慣了寫每呎，嘻嘻！
32. 魚蛋仔2014-11-09 09:51:55
To:Oscar lam 兄

多謝你無私的分享！
33. 引刀一快2014-11-09 10:29:25
To Oscar Lam兄

據我所知，成立公司買貨都有年資限制。你朋友點操作，可唔可以得閑嘅時候講詳細D？

唔該晒。
34. 惜緣2014-11-09 10:37:03
To Oscar Lam 兄

多謝兄台的分享，有緣做你的朋友真係很有福氣。
35. 元朗人2014-11-09 10:44:42
Oscar 兄

謝謝分享。令我瞭解國家金融中心的情況。

愚見：物業不能做按揭的規則，值是扼住喉嚨，令二手買賣沒法蓬勃。這政策不改變的話，實不宜參與。買後等待政策改變，不知等到何時，亦有其他風險（利率、經濟週期等）。

科技發展快速，開會可以視像會議、見客等也未必要有經理房，流動辦公室也許是在家𥚃。金融中心內CBD 實在可能快速轉移。
36. Oscar Lam2014-11-09 10:56:06
引刀兄，

境外人士在上海成立公司沒有難度，也沒有限制，需時大約二個月左右。上海有許多顧問公司專門幫客戶成立公司，並可以提供注冊地址，費用大約人民幣幾仟元。一般的做法是，用一家香港注冊的有限公司在上海投資注冊一家外資子公司，經營業務為貿易公司或管理顧問公司。
37. e_kam2014-11-09 10:59:11
眼見樓市月月破頂。的確有D心寒。真係唔想見到個市升得太快同太急。

每當睇到D下跌四成嘅言論。好自然會觸及神經。反思一番. 

下跌四成 即係樓災 要有外圍經濟大事才會發生。回看歷史 經濟好少會在一個十年的中期出問題。要有問題都可能要等到2017。

眼見佔鐘啲學生有勇有謀，加上香港股巿樓市在佔領行動後的理性反應  令我覺得香港個市底好堅好厚。現在樓市升四成的機會大過跌四成。D人搶細價樓 絶非無理。
38. Oscar Lam2014-11-09 11:01:48
魚蛋仔、惜緣兄、引刀兄、元朗人兄、各位朋友，

認識各位也是本人的福氣。
39. 好快就冇戲睇2014-11-09 11:23:02

眼見佔鐘啲學生有勇有謀，加上香港股巿樓市在佔領行動後的理性反應  ??????

眼見佔鐘啲學生有勇有謀，???

佔鐘啲學生有勇有謀???啲學生就如一群亡命之徒!!!如果不是香港的導演編排得戲劇情感人,只要警察撤離佔領區,好快就冇戲睇.......
40. e_kam2014-11-09 11:32:13
from 39 "只要警察撤離佔領區,好快就冇戲睇"

只要警察撤離佔領區??  此話何解？
41. 大家不要撐，樓價一定要跌2014-11-09 11:32:22
下年羊年港經濟一定比今年差，美園下年也要加息，港也要跟，市道也漸差，零售食銉在佔領區也少了很多人！還有依波拉病毒隨時入港！港樓價不可能長期高，跌二成至三成也大有可能！
42. 護法治 支持警方秉公執法2014-11-09 11:55:27
43. 引刀一快快2014-11-09 11:57:24
44. e_kam2014-11-09 12:04:42
甚麼事都有可能，只不過是發生機會大與小。

依家個市一早已經 price in 左加息。同幾年前唔同。依家D成交價通常都要有3.5%或以上的租金回報先有人買。無人會咁蠢依家買樓唔睇加息風險。當然加到十厘都會有好多人頂唔住但一兩厘真係好閒。仲要睇理當時通脹指數添。
45. Oscar Lam2014-11-09 12:05:27
35樓元朗人兄，

以南京西路商圈為例，絕大多數的租客的租用面積為400平方米以上，我朋友購入的200多平方米算是少數的小單位。這些大公司有實際營運需要。另外，我們也看了陸家嘴、徐家匯等其他CBD，空置率均保持在極低水平。上海的繁榮令我感受深刻！

按揭困難確實阻礙物業買賣。但如果從另一個角度去看，如果按揭容易，現在上海寫字樓的價格可能不是現在這個水平呢？畢竟上海的物價水平不比香港低。
46. Oscar Lam2014-11-09 12:54:52
21樓惜緣兄，

恭喜你換貨成功，並購入心頭好！
47. 惜緣2014-11-09 13:46:10
Oscar Lam兄

多謝多謝！
48. 珍惜香港2014-11-09 17:44:45
【珍惜香港】TO：Oscar Lam、惜緣、蜕变中嘅懒人

懒人兄添屯門新磚，惜緣兄成功換貨，Oscar 兄出戰上海；各位响呢個艱難嘅投資環境之下，從唔同嘅物業投資方向，成功突圍，真喺可喜可賀！恭喜之餘，更敬佩各位嘅毅力。

物業投資，從來都要有心有力，缺一不可。呢幾年，有心果陣就冇力，有力果陣就冇心，真喺慚愧！

天時、地利、人和，造就一個地方嘅成功。當中，人和，喺最重要，因為，天時、地利，喺可以創造嘅。香港之所以有今日嘅成就，憑嘅就喺呢種香港精神。可惜，香港精神，响依家土生土長嘅新一代裡面，已經好難見到，反而响內地，隨處可見。彈丸之地，七百多萬人，全球千份之一嘅人口，又冇天然資源，又唔可以自給自足，惟一有價值嘅資源，就喺有限嘅土地。所以，金字塔型經濟社會，喺必然嘅結果，班黃虫瞓一世街都改變唔到。

未養活過一家人，或者一班僱員嘅，有乜資格對養活七百多萬人嘅政治，指指點點？

所以我果次話，近呢廿年嚟嘅基礎教育理念，誤入咗歪路。今日嘅新一代，明日嘅社會棟樑；如果香港真喺要沒落嘅話，都只會嚟自人和嘅缺失。而將成為下一個香港嘅，就會喺上海；Oscar 兄投資上海，真喺好有先見之明喎！

不過話分兩頭，我仍然對香港，喺充滿信心嘅！
49. 惜緣2014-11-09 17:57:42
珍惜香港兄

多謝多謝！
在下同兄台一樣對香港充滿信心，祝願香港人如兄台的名一樣“珍惜香港”。
50. 在上海港人To; Oscar Lam 兄2014-11-09 18:50:52
“在南京西路，靜安寺和有遠東第一舞廳百樂門附近購入一個寫字樓。類似香港的力寶中心或信德中心”。 

非常多謝Oscar 兄的無私分享，請問能否說出大廈名稱以便小弟研究吓？衷心感謝 ！ ！ ！
51. Oscar Lam2014-11-09 19:06:52
珍惜香港兄，

很高興在這裡認識珍惜香港兄和一班朋友，這是緣份。

最近的亂局，特別是年輕人的思維的確使我有些擔心，也使我想得更多。特別是幾次去上海，看到上海整體規劃、高效率、到處基建，再看看香港近幾年的發展，使我感到有點痛心。

不過，無論如何，我對香港的熱愛、信心至今未變，在未來幾年，我的大部份投資將依舊集中在香港，只是要尋求其他不同的道路。正如珍惜香港兄除了投資港樓外，更投資債券。

願各位朋友共勉之！
52. Oscar Lam2014-11-09 19:57:15
To: 50樓在上海港人，

在這裡公佈大廈名稱對網主並不尊重。其實，在靜安寺附近能夠出售的寫字樓也只有一、二座，建議你向上海寫字樓中介打聽一下，不難查到。
53. 在上海港人To; Oscar Lam 兄2014-11-09 20:09:57
Thank you very much for sharing.  Best wishes !
54. 大寶二寶2014-11-09 20:10:00
回Oscar兄，

想請教在上海投資商厦，除了分散風險外，比起投資在香港有甚麼好處？
55. 過期催淚彈2014-11-09 20:23:40
求祈引用一位地產界猛人過去預測所說，因而得出樓價會下跌四成結論，德銀一定係賣缸瓦嘅！
56. Oscar Lam2014-11-09 20:29:37
孖寶兄，

上海寫字樓買賣不如住宅容易，一定要有長期投資的心態。但寫字樓回報率較高，一般有4.5-5.0%，且租金每年均有穩定的增長。寫字樓空置率低，出租不困難，如果是location好的寫字樓，供應更加少。况且你可以在國內儲人仔，但條件是你不做按揭，因為在國內做寫字樓按揭的利率比住宅為高。最好的安排是你拿香港其他物業在香港做按揭，即膁人仔，還港幣。
57. 引刀一快2014-11-09 20:35:14
孖寳兄

世界五百強在上海設分舵嘅唔少，果邊有佢嘅優勢。
58. 引刀一快2014-11-09 20:45:27
OL 兄

業主嘅12.5％稅，係咪佢自付？
59. 大寶二寶2014-11-09 21:19:02
謝過Oscar兄， 刀兄，

咁係 capital gain 方面又有冇香港咁高？
60. 物業初哥2014-11-09 23:14:09
恭喜惜緣兄及oscar兄朋友入得好貨！
61. 惜緣2014-11-09 23:34:46
物業初哥兄

多謝多謝！
62. Oscar Lam2014-11-10 07:15:24
引刀兄、寶兄，

這次購入的物業是直接從發展商購入，因此，只需要交3%的稅金，類似香港的印花稅。至於將來賣出物業時要交哪些稅金，我還要了解一下。嘻嘻！
63. Oscar Lam2014-11-10 07:16:52
物業初哥兄，

謝謝！
64. 亮劍2014-11-10 08:24:40
為何楼價在政府又出胡椒噴剂，又施放煙霧弹都唔跌呢？

請看下列数据！(本人只是業餘上網找資料，有錯希望大家指正)。


最近兩叁年由農地/工業地轉住宅地的全新大型屋苑楼花，有下面幾個：

07年7月20日，高埔村，補地價金額约 26 億，後來起咗爾巒，总計有 780 間楼。

07年8月9日，大埔鳳園，補地價金額约 26.5 億，後來起咗嵐山，总計 1071 間楼。

08年3月18日，將軍澳第85区，補地價金額约 28.74 億，後來起咗峻滢，总計有 1777 間楼。

08年7月10日，元朗龍田村，補地價金額约 21.3 億，後來起咗溱柏，总計 1620 間楼。

10年2月4日，落禾沙，補地價金額约 96 億，後來起咗迎海，总計约有 3500 間楼。

10年4月8日，元朗十八鄉，補地價金額约 23.35 億，後來起咗尚悦，总計 2580 間楼。


而其餘未發售既有：

10年3月1日的元朗15区，補地價金額约 71億。

11年10月13日的西貢大埔仔，補地價金額约66.4億。

11年8月12日的錦田沙埔，補地價约70.21億。

在此之後，大型補地價的成功個案，我好似唔多覺。


政府呢個需求管理，只重減少需求，但他們不知道供應在另一方面縮減咗，而呢度條條係大数呀……波叔！！！
65. 望東樓2014-11-10 08:35:44
Dear Oscar,

How about running expenses / tax etc. for holding a property in Shanghai? Thanks.
66. 亮劍2014-11-10 08:56:24
其中新世界在11年10月13日完成補地價的西貢大埔仔項目，現命名 The  Clearwater ，將於15年賣楼花。
在呢个項目之後，我就搵唔倒其他大型補地價或換地計劃成功例子。
即呢三年香港發展商的土地來源，全部通過以下途徑取得：
賣地表……但呢個表好似仲有成弍拾塊地，還未完成規劃程序，呢個14~15年賣地表，我亮劍會密切觀察你政府攞出乜嘢地出來俾人投。

港鉄……經政府從善如流地價折上折達三成之下，已經或就來推出咗大圍及日出康城兩期，但短期內除了流完再流的天水圍及日出剩餘地塊之外，还有乜嘢貨可攞出來賣？

市區重建……市建局在官塘裕民坊推完区內最大項目後，打後幾年仲有乜大嘢出？現在市区收殘楼，你無壹萬实呎应無人睬你，但每呎新楼發展商只能实收萬鬆D落袋，要是地盤接近地積比上限，根本蝕硬！

喺新供應無以為繼的情況下，楼價点跌四成？
67. Chicken2014-11-10 12:40:20
Dr.'s article and other comments, untie my worries. Will continue to hold on and rent out my properties. 
68. 引刀一快2014-11-10 12:47:10
To  62樓 OL兄

如果帳面有賺的話，賣出就要俾利得稅30％。
69. 引刀一快2014-11-10 12:48:45
OL兄，買寫字樓要留意十年大關。
70. Oscar Lam2014-11-10 21:51:35
To: 65/f PN

The tax liabilities for holding a property in Shanghai are as follows:

1. Using a company incorporated in Shanghai to hold a commercial office
    Business tax 營業稅，based on 5.5% of rental income
    Profit tax 企業所得稅，based on 25% of profit before taxation (after deduction of expenses)

2. A individual hold a residential property
    Business tax 營業稅，based on 5.5% of rental income
    Individual income tax 個人所得稅，tax rates based on the amount of income
71. Oscar Lam2014-11-10 21:58:26
引刀兄，

感謝你的提醒！中國稅務較香港複雜，稅率也較高，但存在某些灰色地帶。需花些時間研究、研究。
72. 引刀一快2014-11-11 19:44:47
Oscar Lam 兄

要研究，最好搵地膽一齊研究，唔止有灰色地帶，仲有隱含條例！
73. Oscar Lam2014-11-11 21:15:47
引刀兄，

你說得很對！由於業務上的關係，小弟有多位中國注冊會計師、稅務師的合作伙伴，能夠為小弟提供意見。
74. 引刀一快2014-11-11 22:08:16
Oscar Lam兄

呢D就係最好嘅，既係地膽，又係專業人士，OL兄同呢D專業人士咁多交流，不如你分享下佢地對經濟時局嘅睇法，我喺廣州呢個圈子就唔睇好，或者你喺上海會聽到好唔同嘅嘢，好期待你攞岀嚟分享吓。